Luiz Felipe Scolari ka thënë që Neymar nuk do të arrijë asnjëherë nivelin e legjendës braziliane Pele

Ish-trajneri i Brazilit në një intervistë për ‘El Mundo’ ka thënë që ylli i PSG nuk ka gjasa që t’i afrohet Peles, shkruan Periskopi.

“Në Brazil e dimë se kush është Neymar dhe kush është Pele. Ne e dimë se ka vetëm një Pele dhe nuk do të ketë kurrë një tjetër,” ka thënë Scolari.

“Një lojtar mund të jetë shumë i mirë, madje edhe spektakolar, por kurrë nuk do të jetë si Pele sepse nuk ka trashëgimtar,”.

Neymar në Kupën e Botës që po mbahet në Rusi ka arritur deri në çerekfinale me Brazilin, derisa ka shënuar vetëm dy gola deri më tani. /Periskopi/