Shifra alarmuese: Mbi 35 raste të kancerit te fëmijët këtë vit, katër të vdekur

Periskopi.com Lajme

Që nga janari e deri në muajin dhjetor të këtij viti, në repartin e Leukemisë dhe Onkologjisë në Klinikën e Pediatrisë në QKUK, rreth 38 raste të reja të fëmijëve janë paraqitur me sëmundje malinje. Por katër fëmijë gjatë këtij viti kanë humbur betejën nga sëmundja e kancerit e leukemisë. Këto të dhëna i kanë bërë të ditura zyrtarë nga Reparti i Hemato-Onkologjisë së QKUK’së.

“Vlerësoje jetën dhe qëndroj asaj sepse ju jeni duke e jetuar këtë jetë”, ky është mesazhi i cili i bie në sy secilit pacient e vizitor në repartin e Hemato-Onkologjisë në Klinikën e Pediatrisë së QKUK’së. Këtë mesazh e kishte shkruar një vajzë e mitur e cila kishte vuajtur nga leukemia e që fatkeqësisht e ka humbur betejën më këtë sëmundje.

Dëshmore Kelmendi, vetëm 15-vejcare para disa vitesh ishe diagnostikuar me sëmundje malinje. Por me forcë dhe vullnet për cdo ditë  e kishte luftuar sëmundjen e leukemisë. Fatkeqësisht, betejën më këtë sëmundje, ajo e humbi para disa viteve.

Por, ajo do të mbahet mend gjithmonë. Fjalët e saja, janë  të gdhendura në murin e pavionit të Hemato-onkologjisë në Klinikën e Pediatrisë në QKUK.

Në dhomat përgjatë këtij korridori gjenden të shtrirë edhe dhjetëra fëmijë të tjerë që fatin e jetës së tyre ua kanë lënë në dorë mjekëve tanë.

Sipas doktorëve të këtij reparti, përgjatë gjithë vitit në Repartin e Hematologjisë, Leukemisë dhe Onkologjisë në Klinikën e Pediatrisë në QKUK, gjatë njëmbëdhjetë muajve të parë të këtij viti me sëmundje malinje  janë diagnostikuar 38 raste të reja të fëmijëve  që janë prekur me sëmundje malinje.

Këtë fakt e ka dhënë për Gazetën Express, drejtoresha në këtë repart, Violeta Grajqevci. Ajo ka thënë se disa nga këto raste janë referuar ëpr trajtim jashtë vendit ngas enë Kosovë nuk ka aparatura e as medikamente adekuate për trajtimin e këtyre sëmundjeve.

“Gjatë këtij viti në Repartin e Hemato-Onkologjisë janë lajmëruar 38 raste të reja me sëmundje malinje. Shumica e rasteve janë trajtuar në repartin tonë por ka edhe raste që janë udhëzuar për trajtim jashtë vendit”, ka deklaruar për Express Grajqevci.

Ndërkohë për fat të keq, vetëm brenda këtij vitit, katër fëmijë kosovarë nuk kanë mundur që ta fitojnë betejën me sëmundjen e kancerit.

“Sa i përket rasteve që nuk kanë mbijetuar janë vetëm 4 raste”, thotë drejtoresha e repartit të Hemato-Onkologjisë në QKUK.

Nga 50 deri në 55 raste që lajmërohen në këtë klinikë, rreth 25 prej tyre janë me leukemi.

E megjithëkëtë, gjatë vitit të kaluar janë lajmëruar 51 raste të reja.

Ndryshe, Mbi 4 mijë persona që nga viti 2017 e deri më tani vlerësohet se janë prekur me kancer në Kosovë. Shkaktarët e kësaj sëmundjeje thuhet se janë të ndryshëm, derisa kërkohet që qytetarët të ushqehen shëndetshëm e të bëjnë aktivitete fizike.

Nga hulumtimet që janë bërë deri tani thuhet se në botë janë 14 milionë raste të reja në vit me kancer, derisa parashihet që deri në vitin 2030 numri i rasteve me kancer të arrijë shifrën prej 21.7 milionëve.

BERZH-it mbledh 130 mijë euro për fëmijët me kancer

Periskopi.com Lajme

Stafi nga zyrat e BERZH-it në Prishtinë, Tiranë dhe Londër kanë mbledhur rreth 80,000 euro për fëmijët me kancer gjatë vitit të kaluar, të cilat janë rritur me një donacion shtesë prej 50,000 euro nga BERZH-i në Londër.

Shefi i zyrës në Kosovë, Neil Taylor, sot do të vizitojë Klinikën e Onkologjisë për Fëmijë në ora 13.30 për t’ia dorëzuar çekun me shumën e plotë Fondacionit Kujdesi për Fëmijët e Kosovës.

Kujdesi për Fëmijët e Kosovës siguron që të gjithë fëmijët në Qendrën Klinike Universitare të Kosovës (spitali kryesor që trajton fëmijët me kancer në Kosovë) të marrin ilaçet që u nevojiten. Fondacioni punon në baza vullnetare që nga viti 2013.

“Në korrik të vitit 2017, iniciativa e komunitetit të BERZH-it, filloi të mbështesë fondacionin me ç’rast 25 punonjës në zyrat në Prishtinë dhe Tiranë, si dhe në selinë qendrore të Bankës së Londrës filluan të mbledhin mjete. Fushata për mbledhjen e mjeteve zgjati deri në janar 2018 dhe përfshinte koncerte në Prishtinë, Tiranë dhe në selinë qendrore të Bankës në Londër. Gjatë fushatës, stafi i bankës shkoi në një vizitë argëtuese në klinikën onkologjike për fëmijë me muzikë dhe dhurata, të filmuar nga stacioni televiziv kombëtar KTV. Në mesin e vizitorëve ishin këngëtari Shpat Deda, një punëtor i BERZH-it në atë kohë, i cili solli kitarën e tij. Të ndjekur nga të gjithë kolegët nga zyra, dy pjesëtarë të stafit, Vlora Avdiu Burani dhe Hekuran Neziri veshën kostume të Disneyt për të argëtuar fëmijët.

Çeku i BERZH-it do t’i dorëzohet Sevim Cincit nga SfKK dhe drejtoreshës së repartit të klinikës, Violeta Grajqevci Uka.