Kelmendi fiton medaljen e argjendtë në Portugali (Foto)

Periskopi.com Sporti

Fjolla Kelmendi ka fituar medaljen e argjend në Lojërat Evropiane të Universitetve që po mbahen në Coimbra të Portugalisë

Xhudistja kosovare me shumë sukses arriti që t’i fitonte tri ndeshjet e para, por në finale u mposht nga portugezja Costa, transmeton Periskopi.

Kelmendi tregoi luftë të madhe edhe në finale, por për një nuancë ishte më e dobët se kundërshtarja dhe nuk arriti që ta fitonte medaljen e artë.

Në Coimbra, Universitetin e Prishtinës e prezantoi Dekani Musa Selimi. /Periskopi/

Nuk kanë të ndalur sukseset në xhudo, Kelmendi arrin në finale (Foto)

Periskopi.com Sporti

Fjolla Kelmendi është kualifikuar në finale të Lojërave Evropiane të Universiteteve që po mbahen në Coimbra

Lojërat Evropiane të Universiteteve po mbahen në Portugali, në qytetin Coimbra, derisa këtu po merr pjesë edhe Kosova, shkruan Periskopi.

Fjolla Kelmendi ka shënuar tri fitore dhe ka arritur në finale ku do të luftojë për medaljen e artë kundër xhudistes portugeze Costa. /Periskopi/

Kelmendi mposht xhudisten ruse, fiton medaljen e bronztë

Periskopi.com Sporti

Xhudistja kosovare, Fjolla Kelmendi ka arritur të rrëmbejë medaljen e bronztë në Grand Prix Zagreb.

Në garë për këtë medalje Kelmendi mposhti rusen Anastasia Pavlenko në kategorinë deri në 48 kilogramë.

Ajo fitoi me Ippon pak sekonda para përfundimit të meçit. Përveç saj, në Zagreb është duke garuar edhe Distria Kransiqi, e cila ka arritur në finale në kategorinë deri në 52 kilogramë. /Periskopi.com