Dy ish të burgosurat rrëfejnë maltretimet nga gardianët në burgun e Lipjanit

Periskopi.com Lajme

A.D, është mbajtur një muaj në izolim në Burgun e Lipjanit, për shkak të dyshimit se ishte e prekur me HIV. Për këtë dyshim stafi nuk kishte asnjë analizë. Pas insistimit të A.D që t’i bëhet testi, konstatohet se nuk është e prekur nga sëmundje dhe dërgohet në qeli me të burgosurat tjera.

Me kaq nuk përfundon, me t’u kthyer ne qeli me gratë e tjera 40 vjeçarja pretendon se maltretohet e dhunohet fizikisht e psiqikisht edhe nga gardianet e këtij burgu M.A, S.K, D. M (komunitetit serb) si dhe mbikëqyrësja N.

Në veçanti, ajo përmend rastin me gardianen me inicialet S.K, se si e dhunonte me fjalë dhe më pas i shtynte të tjerët t’a sulmonin.

Sjelljet e oficereve ndaj të burgosurave përmirësohen vetëm me raste të caktuara. Si në rastin konkret që përmend A.D

Nga rrahjet që i janë bërë brenda burgut, A.D është detyruar të vendos protezë në këmbën e djathtë. Ndërhyrja është kryer 10 nëntor të këtij viti. Ajo tregon se si u konstatua se ka nevojë për një ndërhyrje të tillë.

Brenda burgut, ajo tentoi edhe t’a vrasë vetën, krejt kjo për shkak të presonit që po i bëhej. Më parë ajo ka qenë e martuar, dhe nga kjo martesë ka edhe një vajzë, 7 vjeçare.

Se ka maltretime brenda burgut të grave në Lipjan ka pohuar edhe ish e burgosura tjetër M.S – e cila ka vuajtur dënimin për 3 vjet e 3 muaj.

Por, si u njoftuan M.S e A.D me njëra- tjetrën?

Insajderi në lidhje me rastin ka folur edhe me Këshillin për Mbrojtjen e të Drejtave dhe Lirive të Njeriut (KMDLNj).

Se shteti i Kosovës me rastin e A.D, ka dështuar në sigurimin e të drejtave dhe lirive themelore të individit, e thotë edhe deputetja, Donika Kadaj-Bujupi, duke se shtuar se asaj i duhej trajtim i veçantë. Ajo ka rastisur që të jetë në të njëjtën qendër të paraburgimit me A.D në vitin 2015 – kohën kur po akuzohej për gjuajtje të gazit lotsjellës në Kuvend.

Për rastin janë deklaruar edhe nga Shërbimin korrektues i Kosovës.

Gardianët kërkojnë të përfshihen në projektligjin për pagat

Periskopi.com Lajme

Punonjësit e sistemit të drejtësisë, veçanërisht ata të Shërbimit Korrektues, po ndihen të diskriminuar me projektligjin e ri për pagat, kjo pasi mbi 1 mijë e 700 punëtorë nuk janë përfshirë në këtë projektligj.

Në këtë rast, bëhet fjalë për gardianët e burgut të Dubravës, të cilët i mbikëqyrë Shërbimi Korrektues.

I zhgënjyer me këtë është edhe kryetari i Sindikatës së Shërbimit Korrektues të Kosovës, Zenun Sadikaj, i cili thotë se përkundër faktit se kaherë kanë paraqitur kërkesat e tyre, ende nuk është bërë asgjë për të përmirësuar pozicionin e tyre.

Në një intervistë për KosovaPress, Sadikaj ka shpalosur disa nga kërkesat kryesore të kësaj sindikate.

“Ndër kërkesat më kryesore është Ligji i Shërbimit Korrektues, ku kemi pasur si premtim nga ish-ministri Hajredin Kuçi, i cili deri më tani nuk është bërë dhe, sipas mendimit tonë, shumë pak është bërë në këtë drejtim. Një kërkesë e dytë dhe me shumë rëndësi është që ne Shërbimi Korrektues nuk jemi të përfshirë në ligjin për paga, do të thotë të gjithë janë të përfshirë, Policia, FSK-ja, doganat, zjarrfikësit e të tjerë, ne nuk jemi fare të përfshirë”, tha ai.

Tutje, ai thotë se është e papranueshme që të jenë staf civil, e jo staf i uniformuar.

“Sipas Ministrisë të Shërbimeve Publike, po del se ne nuk jemi fare staf i uniformuar, por jemi staf civil. Sipas nesh, është e pranueshme që ne të jemi staf civil e jo uniformues. Pra, këtu është bërë një e padrejtë ndaj Shërbimit Korrektues, për këtë jemi të mllefosur dhe kemi bërë kërkesa me shkrim”, theksoi ai.

Sipas tij, krahas njohjes së punonjësve të këtij shërbimi, si staf i uniformuar duhet rregullohet edhe mosha e pensionimit të gardianëve.

“Si kërkesë tjetër del që mosha e pensionimit të jetë 55 vjet sikurse parashihet të jetë Policia, dhe si është për momentin FSK-ja. Dua t’iu informojë se mosha mesatare e shërbimit korrektues është 48-49 vite. Për këtë, stafi është i mplakur dhe nuk mund t’i kryej detyrat në Shërbimin Korrektues… Në Qendrën e Shërbimit Korrektues në Dubravë, qe 10 vite askush nuk është pranuar si punëtor i ri dhe mbi 190 veta e kanë lëshuar, kanë vdekur ose janë suspenduar e nuk është pranuar asnjë punëtorë i ri, gjë që dëshmon se me të vërtetë stafi është shumë i vjetruar”, u shpreh Sadikaj.

Sadikaj shton se Shërbimi Korrektues përballet me një mori problemesh, përkundër raportimit të tyre tek institucionet përkatëse.

“Në shërbimin korrektues paraqiten një mori problemesh, të cilat ne si sindikatë jemi munduar që t’i zvogëlojmë apo t’i përmirësojmë, por nuk kemi arritur. Për problemet tona janë të informuar edhe zyrtarët e lartë, si Ministria, Drejtoria Qendrore dhe Drejtoria jonë këtu në Dubravë”, tha ai për KosovaPress.

Krejt në fund, Sadikaj tha se janë duke bërë përpjekje të pareshtura që problemet që dalin në këtë institucion të zgjidhen sa më parë. Porse shton se deri më tani nuk kanë arritur që të zgjidhin problemet aktuale.

 

 

Lirohen dy gardianët e burgut të Dubravës

Periskopi.com Lajme

Prokuroria Themelore e Pejës ka konfirmuar për “Indeksonline” se dy gardianët e burgut të Dubravës janë liruar në procedurë të rregullt.

Ata ishin ndaluar nën dyshimin se kishin kryer vepër penale “Mundësi e arratisjes së personave të privuar nga liria” nga neni 406 i Kodit Penal të Republikës së Kosovës.

Ndërkaq, lirimin e tyre e ka bërë të ditur zyrtari për informim i Prokurorisë në Pejë, Shkodran Nikçi.

Kësisoj, sipas  afatit ligjor, Prokurori i Shtetit nuk e ka parë të arsyeshme që të bëjë kërkesë te Gjykata kompetente për caktimin e ndonjë mase tjetër të ndalimit.

“Me vendim të prokurorit të shtetit, dy të dyshuarit janë liruar në procedurë të rregullt”, është shprehur Nikçi për Indeksonline.

Më tutje, ai ka shtuar se lidhur me këtë rast janë duke u ndërmarr veprimet hetimore.

Rikujtojmë, se të arratisurit  nga burgu i Dubravës janë K.G nga Ferizaj më vendbanim në Prishtinë për vepër penale “Vjedhje e rëndë” si dhe SH. N, nga Republika e Maqedonisë për vepër penale “Vjedhje e rëndë”.

Ndryshe, deri më tani dihet se derisa të burgosurit ishin duke punuar në pavijonin ‘D’ si pastrues kanë shfrytëzuar situatën dhe janë arratisur.

Reagojnë 1700 gardianë të Kosovës: Nuk u përfshimë në Ligjin për paga

Periskopi.com Lajme

Sindikata e Shërbimit Korrektuese te Kosovës, ka shprehur shqetësimin lidhur me Ligjin mbi Pagat.

Sipas kryetarit të kësaj sindikate, që përfshinë diku 1770 punonjës të shërbimit korrektues të Kosovës, Zenun Sadikaj, këta nuk u përfshinë fare në këtë ligj.

“Ne jemi pjese e uniformës sikurse FSK, Policia, Doganat, Zjarrfikësit që të gjithë janë të përfshirë në ligjin për pagat kurse në shërbimi korrektues nuk figurojmë fare”, ka thënë për KosovaPress, Sadikaj.

“Kërkojmë nga organet përgjegjëse që te ligji mbi pagat të rishqyrtohet që mos të anashkalohemi ne si shërbim korrektues e që nuk jemi të pakët në numër , jemi rreth 1700 pjesëtarë të shërbimit korrektues, ka thënë ai  duke shtuar se sipas informatave, koeficienti është 1.5 siç është përfolur, dhe nuk janë të kënaqur as me këtë koeficientë ë ulët, por edhe faktin se nuk janë përfshirë fare në ligjin për paga si staf civil i burgjeve.