Konfirmon Presidenca: Macron mban takim vetëm me Thaçin dhe Vuçiqin

Periskopi.com Lajme

Në kuadër të Forumit të Paqes në Paris, me ftesë të Presidentit të Francës, Emmanuel Macron, tani do të mbahet një takim trepalësh në mes tre presidentëve: Macron, Thaçi dhe Vuçiq.

Këtë e ka konfirmuar edhe zyra për media e presidentit Thaçi.

“Po, në margjina të Forumit të Paqes në Paris, me ftesë të presidentit Macron, tash në orën 12:45 do të mbahet një takim trepalësh në mes të presidentit Macron, presidentit Thaçi dhe presidentit serb Aleksandër Vuçiq”, ka konfirmuar zyra për media e presidentit Thaçi.

Presidenti Thaçi nis konsultimet me partitë politike në javën e ardhshme

Periskopi.com Lajme

Pas dorëheqjes së  Ramush Haradinajt nga posti i Kryeministrit të  vendit, të  gjithë sytë  i kanë nga Presidenti, raporton Periskopi.

E nga zyra e këtij të fundit është  lëshuar një  komunikatë  për medie përmes së  cilës Presidenti i Kosovës  Hashim Thaçi ka njoftuar se do t’i ndërmarrë të gjitha veprimet e nevojshme në pajtim me kompetencat e përcaktuara në Kushtetutën e Republikës së Kosovës.

Në  këtë  komunikatë  thuhet se nga java e ardhshme, Presidenti Thaçi do të  nis konsultimet me partitë politike/koalicionet për ndërmarrjen e hapave të mëtejmë që çojnë në tejkalimin e situatës së krijuar nga dorëheqja e kryeministrit, Ramush Haradinaj.

Gjithashtu përmes kësaj komunikate Presidenti Thaçi zotohet se çdo veprim i tij do të  jetë  në pajtim me Kushtetutën e Republikës së Kosovës. /Periskopi