U akuzua për ngacmim seksual ndaj dy nxënësve, VV e përjashton nga partia

Periskopi.com Lajme

Mësimdhënësi i gjimnazit “Eqrem Qabej” në Vushtrri, Hysen Ademi, është suspenduar nga puna nën dyshimin se ka ngacmuar seksualisht dy nxënëse.

Ademi ishte edhe aktivist në Lëvizjen Vetëvendosje dhe pas këtij lajmi, partia ka pezulluar atë nga statusi i anëtarit.

“Pas raportimeve të medieve për ngacmim seksual të dy nxënëseve të Gjimnazit “Eqrem Çabej”, nga mësimdhënësi Hysen Ademi, anëtar i Lëvizjes VETËVENDOSJE!, rasti është adresuar në Komisionin Disiplinor në kuadër të Lëvizjes, me kërkesë të kryetarit të Qendrës, Besim Muzaqi”, thuhet në reagimin e partisë.

“Qendra e Lëvizjes VETËVENDOSJE! në Vushtrri shpreh keqardhje për situatën e krijuar. Ftojmë organet e drejtësisë që t’i zhvillojnë hetimet dhe kërkojmë që ky rast të zbardhet sa më parë”.

 

Profesori që u suspendua për ngacmim seksual ndaj të miturave ishte kandidat i LVV-së për asamblist

Periskopi.com Lajme

Komuna e Vushtrrisë ka suspenduar mësimdhënësin e gjimnazit të Vushtrrisë, i cili është ndaluar për 48 orë nga Policia e Kosovës.

“Në mbështetje të nenit 73 pika 1.1 dhe neni 85 pika 1.4 ligjit të punës nr.03/L-212 si dhe bazuar në informatën nga drejtoria e Gjimnazit “Eqrem Çabej“, të datës 21 janar 2020, Drejtoria Komunale e Arsimit në Vushtrri mori këtë vendim, H.A në vendin e punës, mësimdhënës i edukatës fizike në SHML Gjimnazi “ Eqrem Çabej” në Vushtrri i shqiptohet masa disiplinore largim i përkohshëm nga puna”, thuhet në vendimin e Drejtorisë Komunale të Arsimit.

Mbrëmë një profesor i Edukatës Fizike në Gjimnazin “Eqrem Çabej” në Vushtrri, është arrestuar pasi ngacmoi seksualisht dy nxënëse 16 vjeçare.

Mësohet se profesori i arrestuar është Hyseni Ademi, kandidat i Lëvizjes Vetëvendosje për asamble në Komunën e Vushtrrisë.

Ndërsa nga burime policore në Mitrovicë, Reporteri.net, ka mësuar se njëra nga të miturat në polici ishte paraqitur bashkë me prindin e saj, ku kishte deklaruar se derisa ndodhej në korridorin e shkollës ishte prekur në gjoks, por edhe në shpinë nga profesori. Për më tepër ajo kishte deklaruar se ky nuk ishte rasti i parë i ngacmimit, pasi edhe më parë e kishte ngacmuar me fjalë.