68-vjeçari gjendet i vrarë në Dibër, pranë trupit edhe arma e krimit

Periskopi.com Lajme

Pasditen e sotme një person është gjetur i vrarë në banesën e tij në Dibër.

Raportohet se viktimë ka mbetur Xheladin Mandri 68 vjeç.

Mësohet se ngjarja ka ndodhur në fshatin Shumbat të Dibrës.

Nga informacionet paraprake dihet se i moshuari jetonte i vetëm.

Ndërkohë Policia po kryen veprimet hetimore, dyshohet se mund të jetë vetëvrarë me armë automatike.

Arma është gjetur pranë tij.

Lideri i arratisur i ISIS, Al-Bagdadi dyshohet se u vra gjatë një sulmi në Siri

Periskopi.com Lajme

Ushtria amerikane ka zhvilluar një operacion kundër liderit të arratisur të grupit të Shtetit Islamik (IS), Abu Bakr al-Bagdad, raportojnë mediat amerikane.

Pretendimet për një sulm kundër Abu Bakr al-Bagdadi nuk janë konfirmuar ende, ndërsa nga Shtëpia e Bardhë thanë se presidenti Donald Trump do të bënte të dielën një “deklaratë të madhe”, duke mos dhënë detaje të tjera.

Trump pastaj ndau me njdekësit një cicërimë në Twitter ku shkroi “Diçka shumë e madhe sapo ka ndodhur!”, ndërsa nuk tregoi se për çfarë është fjala.

Disa zyrtarë në kushte anonimiteti kanë thënë se forcat amerikane synuan të sulmojnë drejtuesin ISIS, në veri-perëndim të Sirisë, por nuk mund të konfirmonin se ai është vrarë, shkruan BBC, përcjellë Periskopi.

Udhëheqësi i ISIS është raportuar gabimisht se ka vdekur në më herët.

Shtëpia e Bardhë nuk ka konfirmuar as që ka ndodhur një operacion, as vrasjen e Bagdadit.

Në tetor 2011, SHBA. zyrtarisht e shpallën atë një “terrorist” dhe ofruan një shpërblim prej 10 milion dollarë (5.8 milion;; 7.3 milion euro) për informacione që çojnë në kapjen ose vdekjen e tij.

Bagdadi ka një reputacion si një teknik shumë i organizuar dhe i pamëshirshëm i fushës së betejës.

Ai lindi pranë Samarra, në veri të Bagdadit, në 1971 dhe emri i tij i vërtetë është Ibrahim Aëad al-Badri.

Raportet sugjerojnë se ai ishte një klerik në një xhami në qytet rreth kohës së pushtimit të udhëhequr nga SHBA në 2003. /Periskopi

Kush ishte Festim Lato, presidenti i vetëshpallur i Çamërisë që u vra në Holandë

Periskopi.com Lajme

Personi i cili shpalli pavarësinë e Çamërisë dhe u vetëshpall president i çamëve i cili sot u gjet i vrarë në Holandë. Deri më tash nuk dihen as arsyet e vrasjes dhe as nëse ka lidhje me veprimtarinë e Latos për pavarësinë e Çamërisë.

Kohë më parë ai ishte edhe në Kosovë, kjo para se të shpalltë Çamërinë shtet.

Gazeta Fjala atë kohë kishte siguruar agjendën të cilën planifikonin të zhvillonin edhe në Kosovë, ne kohën kur në Holandë do të shpallej pavarësia.

Ky aktivitet vlerësohet se do ta përkeqësonte edhe më shumë pozicionin e Kosovës në arenën ndërkombëtare, sidomos që Lato në Shqipëri sipas informacioneve akuzohet edhe si agjent i shërbimeve sekrete greke.

Burime të gazetës thonë se Implementimi i kësaj agjende në Kosovë, do të kthente vendin në  lajm ndërkombëtar duke e shfaqur si faktor destabiliteti për rajonin, por në të njëjtën kohë kjo e dëmton edhe vetë kauzën çame, pikërisht tash kur ka filluar të përmendet edhe nga njerëz të rëndësishëm në Bashkimin Evropian.

Festim Lato, në vitin 2005 kishte shpallur edhe Ushtrinë Çlirimtare të Çamërisë, e cila në qytetin e Janinës asokohe i kishte shpërndarë disa fletushka për çlirimin e Çamërisë nga Greqia.

Kjo organizatë kishte vendosur edhe disa eksplozivë që shpërthyen pa ndonjë dëm pranë shtyllave elektrike të tensionit të lartë. Kurse, në vitin 2006, ajo kishte dalë edhe në ekranet e televizioneve greke me flamurin shqiptar, ku disa persona të maskuar mbanin në krahët e tyre automatikët kallashnikovë, prodhim shqiptar.

Në atë kohë ishte duke u diskutuar për pavarësinë e plotë të Kosovës.

Burime të Gazetës Fjala tregojnë se ishte viti 2006 dhe e gjithë diplomacia serbe dhe shërbimet sekrete të saj, të ndihmuara nga ato ruse, po bënin të pamundurën që të ndalonin pavarësinë e Kosovës dhe, me të gjitha mjetet, kërkonin një shkak që do të tërhiqte vëmendjen e opinionit politik dhe shoqëror.

“Lato ishte larguar nga Shqipëria në vitin 1994, kurse edhe babai i tij dyshohet se kishte qenë në shërbim të agjenturës greke dhe ishte përcjellë për vite me radhë nga Sigurimi i Shtetit të Shqipërisë. Lato, kishte marrë pjesë edhe në luftën e UÇK-së në Kosovë, por gjatë gjithë kohës ai kishte bërë fotografi dhe xhirime, për të cilat ata që e kanë njohur tregojnë se i raportonte dikujt jashtë vendit”, thonë burime të Gazetës Fjala.

Festim Lato, ai që mbrëmë paralajmëroi shpalljen e pavarësisë së Çamërisë, prej atëherë më nuk shkonte shpesh në Shqipëri.

Atje nuk do të ketë as aktivitet, sipas informacioneve që posedon Gazeta Fjala.

Shteti shqiptar ka ndaluar aktivitetin e tij atje dhe çdo aktivitet i njerëzve të afërt të tij monitorohet zyrtarisht.

Sipas raporteve të SHISH-it, një nga detyrat kryesore që i ishin ngarkuar atij ishte ajo e daljes publike të Ushtrisë Çlirimtare të Çamërisë për luftë kundër Greqisë, në një moment vendimtar për Kosovën, e cila prej asaj kohe është zhdukur tërësisht.

Burime të gazetës thonë se asokohe, Greqia në njërën anë synonte ta theksonte kinse provokimin shqiptar për Çamërinë dhe implikimin e Kosovës në çështjet greke, duke i dhënë një armë e fuqishme Serbisë kundër pavarësisë së Kosovës.