E pyesin a frikësohet nga Albin Kurti? Kjo është përgjigja e nënkryetarit të Listës Serbe

Periskopi.com Lajme

Nënkryetari i Listës Serbe, Igor Simiq në RTV Dukagjini është pyetur nëse ka frikë nga Albin Kurti pasi ai do të jetë kryeministër i ardhshëm i Kosovës, përcjellë Periskopi.

Ai tha se nuk i ka pëlqyer retorika që ka përdorur as gjatë fushatës e as pas zgjedhjeve.

“Shikoni pas gjithë kësaj që kemi mbijetuar unë nuk po flas për frikë por për brengosje, nuk e pëlqej këtë retorikë, dhe retorika që e përdorë Vetëvendosje pas zgjedhjeve nuk më pëlqen. Edhe farsa për votat nga Serbia, ka raportuar edhe AP, por kur doli që nuk është helmuar asnjë person atëherë askush nuk e demantoi lajmin”, tha Simiq.

Igor Simiq: Të hetohet vrasja e Ivanoviqit njësoj si e Astrit Deharit

Periskopi.com Lajme

Përballë analistëve në RTV Dukagjini po flet nënkryetari i Listës Serbe, Igor Simiq, i cili ndër të tjera ka thënë se ata po kërkojnë një hetim për Oliver Ivanoviqit të ngjashëm me atë që iu bë Astrit Deharit, përcjellë Periskopi.

“Ne kërkojmë të bëhet një hetim si në rastin e Astrit Deharit, të pavarur dhe ndërkombëtarë. Kërkoj që të gjendet ai që ka dhënë urdhërin e Oliver Ivanoviqit. Prokurori ka thënë se nuk ka dëshmi, ju a dëgjoni që të akuzoni një person pa prova”, tha Simiq.

Ai tha se vrasja e Ivanoviqit duhet të zbardhet, por me anë të një hetimi ndërkombëtarë, duke mbrojtur Milan Radoiçiqin, i cili është i dyshuari kryesor për vrasjen e Oliver Ivanoviqit. /Periskopi

 

Nënkryetari i Listës Serbe: Palmer na ka thënë se nuk ka qeveri pa Listën Serbe

Periskopi.com Lajme

Nënkryetari i Listës Serbe, Igor Simiq ka thënë sot se zyrtari amerikan, Matthew Palmer beson se qeveria e Kosovës nuk mund të formohet pa përfaqësuesit e Listës Serbe.

Sipas Simiqit, Palmer ka thënë se shmangia e Listës Serbe është një shkelje flagrante e Kushtetues dhe të gjitha rregulloret e kundërshtojnë atë që Albin Kurti e deklaron.

Simiq ka theksuar se taksa ndaj Serbisë duhet të shfuqizohet dhe t’i hapet rrugë dialogut.

“Ekziston frika se ky proces do të vazhdojë të mbetet i bllokuar për një kohë të pacaktuar, kryesisht për shkak të ngurrimit të politikanëve shqiptarë për të hyrë në procesin e themelimit të institucioneve”, ka deklaruar Siqmi, njofton kp.

Palmer pritet që nesër të vizitojë Beogradin dhe të takohet me përfaqësues të shtetit serb.

Simiq: Qeveria pa Listën Serbe është antikushtetuese

Periskopi.com Lajme

Nënkryetari i Listës Serbe dhe bartës i listës zgjedhore të këtij subjekti politik në zgjedhjet e parakohshme parlamentare të 6 tetorit në Kosovë, Igor Simiq, ka thënë se subjekti i tij politik ka fituar zgjedhjet në mjediset me shumicë serbe dhe tashmë ka të drejtën e garantuar me të gjitha aktet juridike të Kosovës, që të propozojë anëtarët për Qeverinë e Kosovës.

Në një prononcim për Radion Evropa e Lirë ai thotë se “synimi për t’ia hequr të drejtat popullit serb dhe në vend të përfaqësuesve legalë dhe legjitim në Qeveri, Prishtina të fusë serbë më të pranueshëm, është në kundërshtim me të gjitha aktet ligjore dhe me Kushtetutën, si dhe paraqet gabim të njëjtë, sikur se që e kanë bërë serbët në vitet ‘90, duke marrë në institucione shqiptarë të përshtatshëm”.

“Ajo qeveri do të ishte jokushtetuese, si dhe një sjellje e tillë do të tregonte fytyrën e vërtetë të liderëve politikë, të cilët e kanë gojën plot me sundim të ligjit”, ka thënë Simiq.

Ai ka shtuar se do të ishte cinike që dikush që ka fituar 26 për qind të votave të bashkësisë së tij, të vë në pikëpyetje pozitën e Listës Serbe, e cila ka marrë 96 për qind të votave të bashkësisë serbe.

Gjithashtu sipas tij, pozitën e përfaqësuesve të Listës Serbe ua ka besuar populli me votë dhe nuk e presin atë si dhuratë nga kushdo.

“As neve nuk na pëlqejnë përkrahësit e idesë shqiptaro-madhe, por ne nuk mund të zgjedhim se kush do t’i përfaqësojë shqiptarët, sepse për ketë vendosin fqinjët tanë, shqiptarët”, tha Simiq.

Simiq tregon se a do të votojë Lista Serbe shpërndarjen e Kuvendit

Periskopi.com Lajme

Nënkryetari i Listës Serbe, Igor Simiq ka njoftuar se do të vendosin sot nëse do të marrin pjesë në seancën e nesërme të Kuvendit të Kosovës, ku është paraparë votimi për shpërndarjen e këtij organi më të lartë legjislativ.

Simiq tha për TV Prva se nuk mund të parashikohet me siguri nëse Parlamenti i Kosovës do të shpërndahet nesër.

Vendimi për mbajtjen e seancës për shpërndarjen e Kuvendit erdhi pak kohë pas dorëheqjes së Ramush Haradinajt nga posti i kryeministrit.

Seanca mbahet nesër nga ora 10:00.

Lista Serbe deklarohet pas takimit Pompeo-Vuçiq

Periskopi.com Lajme

Nënkryetari i Listës Serbe, Igor Simiq, tha qëndrimi i sekretarit të Shtetit amerikan Mike Pompeo, se për vazhdimin e dialogut Beograd-Prishtinë duhet të hiqet taksa, është në përputhje me atë të presidentit Aleksandar Vuçiq dhe Serbisë.

Ai në këtë mënyrë ka komentuar takimin e sotëm në Nju Jork të presidentit Vuçiq dhe sekretarit të Shtetit amerikan Mike Pompeo, ku është biseduar për Kosovën.

“Dita e sotme është unike në historinë e fundit politike të marrëdhënieve SHBA-Serbi, ku takimi përfundon me një qëndrim të përbashkët për situatën në Kosovë. Ky përparim diplomatik në marrëdhënie është rezultat i politikës përgjegjëse të presidentit Vuçiq, e cila bën që edhe ithtarët më të mëdhenj të pavarësisë së Kosovës ta pranojnë se çështja e Kosovës nuk përfundon me njohje të njëanshme të Kosovës, dhe se duhet të gjendet një zgjidhje kompromisi që respekton interesat e Serbisë dhe popullit serb”, tha Simiq.

Simiq tregon se a do të marrë pjesë Lista Serbe në zgjedhjet e parakohshme

Periskopi.com Lajme

Të gjitha partitë në vend deri më tani janë deklaruar se janë të gatshme për zgjedhje të parakohshme.

Të premten, Ramush Haradinaj ka dhënë dorëheqje nga posti i kryeministrit të vendit, kjo për shkak të ftesës nga Gjykata Speciale në cilësinë e të dyshuarit.

Në bazë të Kushtetutës, me dorëheqjen e tij nënkuptohet edhe rënia e Qeverisë.

Menjëherë pas dorëheqjes së tij, partitë në Kosovë u shprehën të gatshme dhe kërkuan zgjedhje të parakohshme.

Edhe Lista Serbe ka lënë të nënkuptojë se do të marrë pjesë në këto zgjedhje.

Nënkryetari i Listës Serbe, Igor Simiq, ka thënë se Qeveria e Kosovës ka rënë në momentin kur kjo parti u largua nga Qeveria e jo tani kur Haradinaj ka dhënë dorëheqje, transmeton lajmi.net.

“Ne gjithmonë do të luftojmë për popullin tonë, populli serb dëshiron përfaqësues legjitim”, ka thënë Simiq për “Tv Prva”.

Ai po ashtu shtoi se Qeveria e Kosovës ka rënë në momentin kur Lista Serbe është larguar nga Qeveria e jo tani kur Haradinaj ka dhënë dorëheqje.

Voton Simiq: Zgjedhjet nisën pa probleme

Periskopi.com Lajme

Procesi zgjedhor në katër komunat në veri të Mitrovicës, tanimë kanë filluar. Në njërën nga qendrat e votimit, që nga mëngjesi vërehet një interesim i madh i qytetarëve për të votuar.

Aty votoi edhe deputeti i Listës Serbe, Igor Simiq, i cili tha se është me rëndësi që secili ta kryej punën e vet, që zgjedhjet të kalojnë në mënyrën më të mirë të mundshme

“Shpresoj që këto zgjedhje do të shkojnë në mënyrën më të mirë të mundshme ashtu siç kanë filluar. Janë hapur të gjitha qendrat zgjedhore në bazë të informacioneve që kam dhe pa asnjë problem. Siç po e shiheni interesimi është i madh te qytetarët e Mitrovicës së Veriut që ta shfrytëzojnë të drejtën për të votuar dhe për të përcaktuar të ardhmen e tyre. Ajo çka është më me rëndësi, është që secili ta kryej punën e vet, që zgjedhjet të kalojnë në mënyrën më të mirë të mundshme dhe që qytetarët të mund të vendosin vet për atë që kush do të mund t’i udhëheq në periudhën e ardhshme“, ka thënë ai.

Ai është shprehur i bindur se kandidatët e Listës Serbe do t’i fitojnë këto zgjedhje.

“Është fakti që unë jam thellë i bindur dhe të gjithë anëtarët e listës serbe se katër kandidatët e tyre do të arrijnë fitore të bindshme, jo për faktin se jam unë pjesë e listës serbe por e di që kjo është mënyra e vetme që ne të vazhdojmë të qëndrojmë në këto hapësira”, tha ai.

 

Simiq shkon e del nga komisioni kur të dojë

Periskopi.com Lajme

Deputeti i Listës Serbe, Igor Simiq, i cili është edhe kryesues i Komisionit Parlamentar nga për të Drejtat, Interesat e Komuniteteve dhe për Kthim, nuk ka qëndruar deri në fund të mbledhjes së këtij komisioni.

Komisioni i cili në rend dite kishte diskutimin në me rekrutimin e përfaqësuesve të komunitetit joshumicë në konkursin e fundit të Policisë së Kosovës, u vazhdua me kryesimin e nënkryetarit, Xhelal Sveçla.

Kjo sjellje e Simiq, erdhi pas përgjigjeve të marra nga ministri i Punëve të Brendshme, Ekrem Mustafa dhe drejtorit të Policisë së Kosovës, Rashit Qalaj, gjatë raportimit të tyre.

Veprimin e deputetit serb e kanë kritikuar anëtarët e tjerë të komisionit.

Emilja Rexhepi kërkoi nga Simiq që të mos largohet pasi ky komision nuk është vetëm për komunitetin serb por për komunitetet dhe kthim.

“Unë e thash atë që deshta dhe tani komisionin e ushëheqë zëvendësi im Sveçla”, ka thënë Simiq.

Deputeti i VV-së, Xhelal Sveçla, se kjo sjellje e Listës Serbe është e papranueshme që kur të do vjen dhe shkon.

“Është bërë qesharake veprimet e Listës Serbe që kur do vje e mban takime kur do nuk vje tani ka disa muaj qe thonë se bojkotojnë institucionet dhe vijnë udhëheqin komisione, ne kemi kërkuar nga ministri për kthim me ardh me raportim e ka thënë se nuk vje se po bojkoton”, tha Sveçla, raporton EO.

 

Simiq: Bashkë me Vuçiqin do të luftojmë për secilin serb në Kosovë

Periskopi.com Lajme

Zëvendëskryetari i Listës Serbe Igor Simiq përkujtoi arrestimin e drejtorit të Zyrës së ashtuquajtur për Kosovën Marko Gjuriq, një vit më parë pasi hyri pa leje në Kosovë, duke thënë se Prishtina zyrtare tregoi se dëshiron lëvizje të njëanshme për të zgjidhur çështje të hapura midis serbëve dhe shqiptarëve, por ‘në dëm të popullit serb’.

“Në ditën e sotme të vitit të kaluar ‘u rrëmbye’ edhe Gjuriq, ndërsa me forcë brutale u rrahën ‘përfaqësuesit ligjorë dhe legalë’ të popullit serb, ministrat, deputetët, kryetarët e komunave, të gjithë anëtarët e Listës Serbe, të cilët ishin të bindur se mund të bisedonin në mënyrë paqësore për të ardhmen e marrëdhënieve serbo-shqiptare,” tha Simiq për Tanjug.

Ai theksoi se gjithçka ‘është bërë me qëllim të rrezikimit të sigurisë së qytetarëve, brenda kuadrit të gjithë veprimit, planit për të trembur serbët në veri të Kosovës që të largohen vetë nga zona’.

“Asnjëherë nuk do të pajtohemi me një plan të tillë. Ky është vendi ynë, ne qëndrojmë këtu dhe nga këtu nuk ka kthim prapa. Ne do të vazhdojmë të luftojmë bashkë me vendin tonë Serbinë, qeverinë dhe presidentin Aleksandar Vuçiq për çdo serb në Kosovë”, tha Simiq.

Simiq tregon si do të veprojë Lista Serbe: Kohëve të fundit keni marrë vendime të vështira

Periskopi.com Lajme

Nënkryetari i Listës Serbe, Igor Simic, ka thënë se partia e tij do të dakordohet me Beogradin, dhe më pas do të marr vendim nëse do t’i lëshojnë institucionet e Republikës ose jo.

Këto deklarime Simic i ka bërë sot në televizionin publik serb, duke shtuar se do të arrijnë një marrëveshje me autoritetet në Beograd se si do të veprojnë më tutje.

Sipas tij Prishtina ka marrë disa vendime muajve të fundit, të cilat ua kanë bërë jetën edhe më të vështirë serbëve, duke përmendur arrestimet, sulmet ndaj serbëve të kthyer dhe taksën ndaj produkteve serbe.

Ndër të tjera në këtë intervistë, Simic, ka folur edhe për Platformën e Dialogut e cila u miratua në Kuvendin e Kosovës ditë më parë, duke e cilësuar si pengesë dhe goditje përfundimtare për vazhdimin e dialogut të Brukselit.

“Miratimi i Platformës absolutisht e bën dialogun të pakuptimtë. Është një tentativë për të rrëmbyer potencialet ekonomike, gjë që dërgon një mesazh të qartë për të gjithë serbët. Prandaj ne jemi duke kërkuar që të braktisim institucionet, për shkak të këtyre veprimeve të pakuptimta që kanë vështirësuar jetën e serbëve”, ka thënë ai.

Simiq: Serbët e festojnë Ditën e Serbisë, jo atë të Kosovës

Periskopi.com Lajme

Nënkryetari i Listës Serbe, Igor Simiq, lidhur me kremtimin e 11 vjetorit të Pavarësisë së Kosovës, ka thënë se serbët e kanë festën e vet, Stretenjën dhe Ditën e shtetësisë së Serbisë të cilën e kanë kremtuar para dy ditësh dhe nuk kanë pse ta kremtojnë Ditën e Kosovës, transmeton Koha.net.

“Kur flasim për ndonjë farë pavarësie të Kosovës, ne pyesim për çfarë është fjala dhe ç’ka për të kremtuar”, ka thënë Simiq për agjencinë serbe të lajmeve tanjug.

Ai ka shtuar se në Kosovë nuk është më euforia që ka qenë para 11 vjetësh kur është shpallur pavarësia kur u premtua “liberalizimi i vizave, ekonomi më e mirë, anëtarësim në të gjitha organizata ndërkombëtare”.

“Asnjë nga këto nuk është bërë”, ka thënë Simiq.

Se situata nuk është e mirë në Kosovë, sipas tij, tregon e dhëna se papunësia është 50 për qind ndërsa 70 për qind e rinisë së Kosovës është papunë.

Simiqi pakënaqësi në Kosovë sheh edhe te tërheqja e njohjes nga disa shtete si dhe prishjen e marrëdhënieve me SHBA-në.

Duke folur për Platformën e Kosovës për dialog, me Serbinë, ai ka thënë se këtë Platformë nuk do ta pranojë askush në Serbi.

Simiq bën thirrje për protestë në veri

Periskopi.com Lajme

Kryetari i Listës serbe, Igor Simiq u ka bërë thirrje qytetarëve të pjesës veriore të Mitrovicës për të protestuar kundër ‘aneksimit të pjesës veriore të Mitrovicës’, e cila do të mbahet sot në mesditë përpara zyrave të EULEXIT dhe Bashkimit Evropian.

Simiq na një deklaratë për Tanjug, ka thënë se “Protesta do të mbahet për shkak të paralajmërimit të Prishtinës për aneksimin e Mitrovicës dhe të gjithë pjesës veriore, gjithashtu edhe për presionin e ushtruar nga Prishtina ndaj politikanëve dhe serbëve të pjesës veriore të Kosovës”.

Lista Serbe proteston nesër para zyrave të BE’së dhe EULEX’it

Periskopi.com Lajme

Nënkryetari i Listës Serbe, Igor Simiq, ka ftuar që gjithë qytetarët që nesër të bëhen pjesë e një proteste para zyrave të Bashkimit Evropian dhe të EULEX.

Me anë të kësaj proteste ata do të kundërshtojnë “Aneksimin e Mitrovicës së Veriut”, shkruan Blic.rs, transmeton Klan Kosova.

Simiq ka thënë se Prishtina ka paralajmëruar aneksimin e Mitrovicës së Veriut dhe gjithë pjesës veriore.

Ai ka thënë se Lista Serbe do t’ju japë përkrahje të gjitha protestave dhe ka thirrur qytetarët që të jenë paqësorë nesër në orën 12:00 për siç ka thënë për të kundërshtuar planet e përfaqësuesve politikë shqiptarë.

Simiqi i Listës Serbe nuk beson se Kosova do ta heq taksën

Periskopi.com Lajme

Nënkryetari i Listës Serbe Igor Simiq sot në rts ka thënë se ajo që është publikuar në Ëashington post për iniciativën e Hashim Thaçit që taksa e Kosovës e vënë ndaj mallrave të Serbisë të hiqet, është shpifje.

Ai në vazhdim ka përkujtuar se të gjitha anëtarët e Qeverisë në Kosovës nga partia e tij (Thaçit) kanë votuar për vënie të taksës.

Ka thënë se Thaçi është dora e djathtë e Kadri Veselit i cili publikisht është lavdëruar se propozimi i Haradinajt në fillim ka qenë që taksa të jetë 30 %, ndërsa propozimi i tij ka qenë 100 për qind, transmeton Koha.net.

“Kjo është loja klasike ndërmjet policit të keq e të mirë në të cilën njëri aktron se si nuk i urren serbët dhe i respekton si bashkëbisedues, në radhë të parë presidentin Aleksandar Vuçiq kur flitet për negociata në Bruksel, ndërsa në anën tjetër Haradinaj do të përfaqësojë vijën e fortë që duhet të krijojë kushte të atilla që serbëve t’iu rëndohet sa më shumë jeta në Kosovë “, ka theksuar Simiq.

Simiqi në fund ka fajësuar shqiptarë të Kosovës për, siç ka thënë, vjedhje dhe plaçkitje të serbëve në Kosovë.

 

Simiqi i Listës Serbe:  Në Kosovë, serbët ishin në ankth gjatë festës së Vitit të Ri

Periskopi.com Lajme

Zëvendëskryetari i Listës Serbe, Igor Simiq ka thënë se serbët në Kosovë në kohën kur kremtoi e gjithë bota, e pritën Vitin e Ri në ankth pa e ditur se çfarë do të ndodhë me ta në vitin 2019.

“Bllokada totale e shpërndarjes së produkteve nga Serbia qendrore tek të gjithë në Kosovë, sidomos për serbët, veçanërisht nëse e dimë se 95 për qind e asaj që serbët shpenzojnë në Kosovë vjen nga Serbia qendrore, krijon tensione dhe shqetësime lidhur me atë se çka do të sjell e ardhmja”, tha ai për TV Pink.

Kujtojmë se më 21 nëntor të vitit të shkuar autoritetet kosovare vendosën taksë prej 100 për qind ndaj produkteve me origjinë nga Serbia, taksë kjo e cila në mbledhjen e fundit të Qeverisë u vendos edhe për mallrat e brendeve të huaja që hyjnë në Kosovë nga Serbia.

 

Ia huq Simiq, thotë se i gjithë ekipi negociator i Kosovës është me të kaluar nga lufta

Periskopi.com Lajme

Heshtja e bashkësisë ndërkombëtare dhe nxitja e lehtë që u jep aktiviteteve të Prishtinës, siç është rasti me formimin e Ushtrisë së Kosovës, ka kontribuar që të gjitha ekipet e Prishtinës që shkojnë për negociata në Bruksel të kenë të kaluar nga lufta, i tha TV Pink të Beogradit nënkryetari i Listës Serbe, Igor Simiq.

“Kjo bëhet me qëllim që, në një anë, të shpërlahet e kaluara e atyre njerëzve, dhe që ata të prezantohen si dofarë politikanësh dhe paqësorësh që tash duhet të arrijnë paqen”, është shprehur ai.

I pyetur rreth vendimit që shefi i ri ekipit të Prishtinës për dialog me Beogradin të jetë zëvendëskryeministri i Qeverisë së Kosovës, Fatmir Limaj, Simiq është përgjigjur se në Prishtinë është e vështirë që ndër politikanët aktivë shqiptarë të gjesh ndonjërin pa histori brenda UÇK-së së dikurshme.

Në pyetjen nëse mund të pritet zgjidhje me kompromis kur në krye të ekipit negociator të Prishtinës është dikush si Fatmir Limaj, Simiq u përgjigj se dje e kishte parë propozimin që kryeministri Haradinaj ua ka prezantuar ambasadorëve të SHBA, Francës, Britanisë së Madhe, Gjermanisë e Italisë, si dhe përfaqësueses speciale të BE-së Natali Apostolloves, dhe “më besoni jo vetëm që ai përbën listën e dëshirave të shqiptarëve të Kosovës, por është listë me të cilën synohet poshtërimi absolut i popullit serb dhe shtetit të Serbisë, por edhe i robërimit të popullit serb në këto hapësira”, është shprehur deputeti i Kuvendit të Kosovës, Igor Simiq.

Ai tha se ekipi i Kosovës për negociata me Serbinë në Bruksel përbëhet nga Fatmir Limaj, Shpend Ahmeti, Enver Hoxhaj, Avni Arifi, Behgjet Pacolli, Dardan Gashi, Mahir Jagcilar, si dhe Visar Ymeri e Dukagjin Gorani, këta dy të fundit si zëvendësim nëse LDK e VV refuzojnë të dërgojnë përfaqësuesit e tyre. Nga kjo listë rezulton se pjesëmarrës me rol aktiv në luftën e UÇK-së është vetëm Fatmnir Limaj, që e bën të pasaktë pohimin e Simiqit, rikujton Koha.net.

 

Simiq: Nëse ndonjë forcë e armatosur niset për veri, Serbia do t’i përgjigjet

Periskopi.com Lajme

Igor Simiq, deputet në Kuvendin e Kosovës dhe nënkryetar i Listës serbe ditën kur u votua për transformimin e FSK-së në Ushtri ka treguar pse deputetët e kësaj partie kanë munguar në seancën sotme plenare. 

“Situata është e jashtëzakonshme dhe ne nuk mund të parashohim aktivitete në Prishtinë. Ne nuk ishim në Kuvend, sepse kundërshtojmë këtë veprim qe shkel të gjitha aktet ndërkombëtare”, ka thënë Simiq.

Ai ka shtuar “se nuk deshëm t’i japim legjitimitet këtij veprimi të Kuvendit” .

Ka deklaruar se “ne do të mbetem këtu për të drejtën tonë dhe për mbetje në Serbi” .

Simiq, sikur dhe Rakiq, është kërcënuar se nuk do lejohet që pjesëtarët e Ushtrisë së Kosovës të shkojnë në veri:

“Nëse ndonjë force e armatosur niset këndej, ne do të mbrojmë popullin tonë para atyre forcave. Serbia është me ne”.

Në fund Simiq ka paralajmëruar se për votimin sotëm Lista serbe do t’i drejtohet Gjykatës Kushtetuese të Kosovës.

“Do të ankohemi në Kushtetuese, edhe pse nuk presim ndonjë vendim spektakular nga kjo Gjykatë”, ka përfunduar ai.

Simiq: Situata politike është e atillë që nesër mund të eskalojë

Periskopi.com Lajme

Deputetët e Listës Serbe kanë përsëritur se do të vazhdojnë të qëndrojnë të mbyllur në hapësirat e grupit të tyre parlamentar në Kuvendin e Kosovës deri në takimin me komisionarin për Zgjerim Johannes Hahn, i cili nesër do të arrijë për vizitë në Kosovë.

Në konferencën e dytë për media gjatë ditës së sotme, Igor Simiq nga Lista Serbe ka bërë të ditur se gjatë takimit ata do të njoftojnë Hahn me “me zhvillimet negative në terren qëkur Qeveria e Kosovës ka vendosur ngritjen e taksës në 100 për qind ndaj prodhimeve serbe”.

Simiq: Prisnim që personat e arrestuar të transferoheshin në zonat serbe

Periskopi.com Lajme

Zëvendëskryetari i Listës Serbe,  Igor Simiq tha se përfaqësuesit e Shtabit të Krizave biseduan me familjet e të arrestuarve dhe avokatët mbrojtës lidhur me katër serbët  e arrestuar që është vendosur masa e paraburgimit prej 30 ditësh.

“Ata janë në burg, e cila është një qendër për rastet e sigurisë së lartë, të cilat absolutisht nuk kanë asnjë bazë për ta përdorur atë në situata të tilla”, tha ai për RTS, transmeton Klan Kosova.

Ai kujtoi se Mitrovica e Veriuta ka qendrën e vet kështu që ishte absolutisht e pritshme që këta njerëz të transferoheshin në qendrën serbe pasi të ishte vendosur masa e paraburgimit, por kjo nuk ndodhi.

Ky reagim erdhi pas arrestimit dhe vendosjes së masës së paraburgimit prej një muaji ndaj tre të arrestuarve për rastine  vrasjes së politikanit serb, Oliver Ivanoviq, njofton Klan Kosova.