Fatmir Sejdiu komenton vizitën e Albin Kurtit te varri i Rugovës

Periskopi.com Lajme

Ish-presidenti i Kosovës, Fatmir Sejdiu ka përshëndetur vizitën që Albin Kurti ka bërë te varri i Ish-presidentit Ibrahim Rugova.

Sejdiu ka thënë se ai ishte një hap institucional.

“Ishte një veprim institucional normalisht me vullnetin e tij, por që ndikon mirë në klimën politike në vend”, tha Sejdiu në RTV Dukagjini.

Ai ka thënë se në Kosovë njerëzit duhet të mësojnë vetën të dëgjojnë edhe mendime të kundërta.

“Shumësia e mendimeve është e domosdoshme për demokracinë. Kjo më së shumti vlen edhe për vendin tonë si një vend i ri… Praktikat e totalitarizmit dhe autoritarizmit nuk janë të mira dhe është mirë që nuk janë të pranishme në Kosovë”.

Duke u kthyer 12 vite pas, Sejdiu ka thënë se përzgjedhjen e flamurit dhe himnit e bënë një grup i ngushtë njerëzish përfshirë atë si president dhe kryeministrin e asaj kohe, Hashim Thaçi.

“Erdhën ide të ndryshme nga një konkurs ndërkombëtarë…Kishte disa kufizime të cilat nënkuptonin një Kosovë me një pavarësi me mbikëqyrje ndërkombëtare”.

Sejdiu thotë se pas shpalljes së Pavarësisë Kosova hyri në një faqe kënaqësie të madhe dhe me shpresë të madhe.

Sipas tij faza e dytë ishte anëtarësimi në disa organizata ndërkombëtarë dhe vendimi i GJND-së për Pavarësinë.

Ish-Presidenti thotë se faza e tretë ishte një karrem për Kosovën, kur rrëshqiti nga dialogu teknik në dialog politik.

Një ditë pas Kuvendit Zgjedhor të LDK-së, Sejdiu me familje në Plavë e Guci

Periskopi.com Lajme

Ish-presidenti i Kosovës, Fatmir Sejdiu, një ditë pas Kuvendit të IX-të Zgjedhor të LDK-së, ka shkuar me familjen e tij të vizitojë Malësinë e Malit të Zi.

Këtë e bëri të ditur ai me anë një postimi në rrjetin social Facebook.

Ai tha se për të ishte një ditë e mrekullueshme.

“Një ditë e mrekullueshme me familje në Plavë e Guci dhe në bjeshkët e Tamarës e të Kelmendit”, ka shkruar Sejdiu.

Ai ka deklaruar dje para mediave se procesi i Kuvendit Zgjedhor në LDK është shtrydhur, duke shtuar se delegatët nuk kanë ushtruar votën e lirë sepse janë kërcënuar me largim nga puna.