Tri tërmete të fuqishme godasin detin Jon, lëkundjet ndjehen në disa shtete

Periskopi.com Lajme

Tri tërmete të fuqishme goditën detin Jon në harkun e një ore, duke filluar nga mesnata, deri rreth orës 01:04 minuta me orën lokale shqiptare.

Epiqendra ishte rreth 36 kilometra larg ishullit grek Zakintos, por u ndje deri në Athinë, si dhe në Shqipëri, Itali, Maltë dhe Maqedoni.

Ende nuk ka të dhëna për dëmet që mund të ketë shkaktuar lëkundja e fortë e tokës, veçanërisht në qytetet pranë epiqendrës së tërmetit, transmeton tch.

Sipas raportimeve, tërmeti i parë ishte me magnitudë 5.1 ballë, i dyti dhe më i forti 6.6 ballë, ndërsa i treti rreth 5.2.