Biden do të takohet me familjen e George Floydit

Periskopi.com 7 June 2020, 20:13 Lajme

Kandidati demokrat për president të SHBA-ve, Joe Biden, do të udhëtojë në Houston të hënën ku do të takohet me familjen e George Floydit, dy javë pas vdekjes së tij, ngjarje që ka ngjallur protesta në mbarë SHBA-në për padrejtësi racore, kanë njoftuar dy ndihmës të Bidenit.

Biden pritet të ngushëllojë familjen e Floydit dhe ta xhirojë një video-mesazh për funeralin e Floydit, që pritet të mbahet pas takimit të hënën në Houston.

Kandidati për president nga radhët e demokratëve nuk pritet të marrë pjesë në varrim, bëjnë të ditur mediet amerikane.

Afro-amerikani Floyd vdiq, sipas autopsisë, pasi një polic i kishte vendosur gjurin në qafën e tij për në se nëntë minuta. Viktima mësohet të ketë pasur koronavirusin dhe sëmundje të tjera shoqëruese.

Donald Trump, presidenti amerikan i SHBA-ve, ka nxjerrë në rrugë Gardën Kombëtare për mbrojtje të monumenteve dhe dyqaneve nga protestuesit e dhunshëm.

Cory Booker jep dorëheqje nga gara për president të SHBA-ve

Periskopi.com 13 January 2020, 18:03 Lajme

Kandidati demokrat për president të SHBA-ve, Cory Boooker ka bërë të ditur se do t’i japë fund fushatës pas rezultateve dëshpëruese nëpër sondazhe.

Senatori nga Nju Xhersi ka dështuar që të kualifikohet për debatin e ardhshëm mes demokratëve që do të mbahet në Ajoa të martën.

Booker është konsideruar si yll në rritje në partinë e tij, mirëpo nuk ka arritur të fitojë mbështetje të mjaftueshme.

Tani janë 12 demokratë janë duke garuar për të fituar pozitën e presidentit në Shtëpinë e Bardhë.

“Sot po pezulloj fushatën time për president me të njëjtin frymë që e kam nisur”, ka thënë ai.