KGJK-ja pezullon nga detyra gjyqtarin Rafet Ismaili

Periskopi.com Lajme

Këshilli Gjyqësor i Kosovës (KGJK) nën udhëheqjen e zëvendëskryesueses, Makifete Saliuka, mban mbledhje të jashtëzakonshme me të vetmen pikë të rendit të ditës: Shqyrtimi i kërkesës së kryetarit të Gjykatës Themelore në Mitrovicë, Nikolla Kabashiq, për pezullimin nga detyra e gjyqtarit Rafet Ismaili, gjyqtar në Gjykatën Themelore të Mitrovicës – Dega në Skenderaj – Divizioni Penal.

Gjyqtari, i cili është arrestuar më 26.09.2019, nën dyshimin se e kishte kryer veprën penale: keqpërdorim i detyrës zyrtare nga neni 414 par.1 të KPRK.

Këshilli Gjyqësor i Kosovës, është i vendosur dhe i përkushtuar t’u ofrojë përkrahje të plotë organeve përgjegjëse për zbatimin e ligjit me qëllim të ngritjes së efikasitetit dhe luftimit të dukurive negative.

Suspendohet gjyqtari Sali Berisha, dyshohet se mori 6 mijë euro ryshfet

Periskopi.com Lajme

Këshilli Gjyqësor i Kosovës (KGJK) nën udhëheqjen e Kryesuesit, Skënder Çoçaj, ka mbajtur sot mbledhje të jashtëzakonshme në lidhje me arrestimin e gjyqtarit të Departamentit të Krimeve të Rënda, në Gjykatën Themelore në Pejë, Sali Berisha.

Këshilli aprovoi kërkesën e U. D Kryetarit të Gjykatës Themelore në Pejë, Sami Sharaxhiu, për pezullimin nga detyra e gjyqtarit Sali Berisha.

KGjK, shpreh shqetësimin lidhur më këtë rast dhe njëkohësisht gatishmëri për përkrahjen e organeve gjegjëse të sistemit të drejtësisë në procedurat e mëtutjeshme.

Ndërkaq, Policia e Kosovës më herët përmes një komunikate për media ka treguar për arsyet e arrestimit të gjyqtarit Sali Berisha.

Ai dyshohet se nga viktima, kishte marrë një shumë prej 6 mijë eurosh për një rast penal.