Zyrtare: Humb Kolinda Grabar-Kitaroviq, president i Kroacisë zgjidhet Zoran Milanoviq

Periskopi.com Lajme

Presidenti i ri i Kroacisë është ish-kryeministri Zoran Milanoviq i Partisë Socialdemokrate të opozitës (SDP), tregojnë rezultatet e Komisionit Shtetëror Zgjedhor pas pothuajse të gjitha vendvotimeve të proceduara.

Ai mposhti presidenten aktuale, Kolinda Grabar-Kitaroviq të Bashkimit Demokratik Kroat (HDZ) në pushtet, në raundin e dytë të zgjedhjeve.

Sipas KSHZ-së, mbi bazën e 99.54 për qind të vendvotimeve të numëruara, Milanoviq fitoi 52.69 për qind ose rreth 1,030,000 vota, dhe Grabar-Kitaroviq 47,31 për qind ose rreth 926,000, transmeton KosovaPress.

Kandidati i SDP mposhti kandidaten e HDZ në qytetet e mëdha kroate – Zagreb, Split, Rjekë dhe Osjek.

Në zgjedhje votuan 54.97 për qind e gjithsej 3.9 milionë qytetarëve me të drejtë vote.

Presidenti i ri i Kroacisë u lind në Zagreb në vitin 1966 ku u diplomua në juridik. Ai punoi në Ministrinë e Jashtme dhe Çështjeve Evropiane në vitet 1990, dhe pas vdekjes së Ivica Raçan në 2007, ai u zgjodh president i SDP, partia kryesore e qendrës së majtë të Kroacisë.

Ai drejtoi qeverinë e koalicionit të qendrës së majtë nga fundi i 2011 deri në fillim të vitit 2016. Pas humbjes së zgjedhjeve parlamentare kur ai nuk arriti të formojë një qeveri, dha dorëheqje si kryetar i partisë dhe iu përkushtua biznesit privat.

Milanoviq bëri fushatë nën sloganin “Normalisht, një president me karakter”, duke theksuar se do të luftonte padrejtësinë, dhunën, korrupsionin, do të mbronte të drejtat më të dobëta dhe të njeriut dhe do të mbronte barazinë e të gjithë qytetarëve.

Ai do të marrë presidencën e tij më 18 shkurt.

Dalin rezultatet preliminare: Kolinda Grabar Kitaroviq po i humb zgjedhjet presidenciale

Periskopi.com Lajme

Është mbajtur sot balotazhi për president të ri të Kroacisë, ku në garë ishin demokratja Kolinda Grabar Kitaroviq dhe socialdemokrati Zoran Milanoviq doli fitues i raundit të parë.

Sipas rezultateve preliminare ish-kryeministri Milanoviç po fiton bindshëm ndaj presidentes aktuale.

53.25 % të votave të qytetarëve sipas rezultateve të para ka fituar Milanoviç, kurse 46.75 % Grabar-Kitaroviç.

Kreu i shtetit në Kroaci ka më shumë kompetenca ceremoniale përfaqësuese, megjithatë zgjedhjet konsiderohen si një tregues i fuqisë në elektorat të kampeve të majtë e të djathtë. Anëtarja më e re e BE-së, Kroacia merr kryesinë e radhës së BE më 1 janar.

Në fushatën zgjedhore tema si drejtimi joefektiv i qeverisë dhe largimi masiv i njerëzve nga vendi luajtën një rol të madh. /Reporteri.net/.

 

Vërehet detaji befasues në foton e presidentes kroate për festat e fundvitit

Periskopi.com Lajme

Presidentja kroate, Kolinda Grabar-Kitaroviq është kritikuar me të madhe, pasi siç thuhet, ka përdorur të njëjtën fotografi si të vitit të kaluar, me rastin e urimit për festat e fundvitit.

Sipas mediave kroate, bëhet fjalë për një urim të saj ajo pozon para një peme Krishtlindjesh.

Dhe siç thuhet më tej, me gjasë pa shumë përpjekje, dikush nga ekipi i Kolindas, dhe kush e di – mbase ajo vetë, ka prerë foton në mënyrë që Kolinda të jetë pak më e zmadhuar sesa vitin e kaluar

Mediat kroate vënë në pah edhe faktin se përveç pozave të Kolindas, rregullimi i dekoratave në pemë dhe figurave nën pishë dëshmon se është me të vërtetë një fotografi identike.

Ndryshe Kitaroviq do të përballet me 5 janar me Zoran Milanovic në raundin e dytë të zgjedhjeve për president në Kroaci. Milanovic doli fitues në raundin e parë dhe tani pritet garë e fortë për postin mandati i së cilës zgjatë pesë vite.

Dočekajmo Božić kao blagdan radosti života, s veseljem u nama samima, u pažnji prema potrebitima i posvećenosti jedni…

Gepostet von Kolinda Grabar-Kitarović am Dienstag, 24. Dezember 2019

 

 

Milanoviqi fiton ndaj Kitaroviqit, shkojnë në balotazh

Periskopi.com Lajme

Zoran Milanoviq nga partia Social Demokrate ka dalë i pari në zgjedhjet presidenciale në Kroaci, duke e lënë prapa Kolinda Grabar-Kitaroviq nga qendra e djathtë.

Kitaroviq ka lënë prapa me diferencë të vogël këngëtarin Miroslav Skoro, i cili si kandidat i pavarur për president arriti të marrë 24.40 për qind të votave.

Milanoviq, që fitoi 29.52 për qind, dhe Kitaroviq që mori 26.72 për qind do të garojnë në balotazh më 5 janar 2020.

Image

Kolinda Grabar-Kitaroviq kopjon Melania Trumpin në detaje

Periskopi.com Showbiz

Presidentja e Kroacisë Kolinda Grabar-Kitaroviq ishte edhe një herë në qendër të vëmendjes falë stilit të saj.

Në prag të zgjedhjeve presidenciale në Kroaci të dielën, më 22 dhjetor, u mbajt një debat televiziv për kandidatët dhe Grabar-Kitaroviq tërhoqi  vëmendjen e të gjithëve.

Kolinda zgjodhi një fustan blu të lehtë dhe sapo u shfaq, të gjithë e kishin të qartë se kush ishte frymëzimi i saj i modës.

Veshja e saj ishte e ngjashme me atë të Zonjës së Parë të Amerikës në përurimin e Donald Trump në janar 2016. Kolinda madje kopjoi këpucët dhe stilin e flokëve të Melania.

Thaçi takohet me Kitaroviqin: Kroacia, shembull që Kosova duhet ta ndjekë

Periskopi.com Lajme

Presidenti i Kosovës, Hashim Thaçi, në kuadër të punimeve të Asamblesë së Përgjithshme të Kombeve të Bashkuara, ka takuar presidenten e Kroacisë, Kolinda Grabar-Kitaroviq.

Sipas një njoftimi nga presidenca, Thaçi e Grabar-Kitaroviq kanë biseduar për mundësinë e thellimit të bashkëpunimit bilateral dhe zgjerimit të shkëmbimit ekonomik dhe tregtar.

“Kroacia është një shembull i mirë i suksesit për rrugën që duhet ndjek Kosova drejt anëtarësimit në NATO dhe Bashkim Evropian”, ka thënë Thaçi pas takimit.

“Nga ana tjetër, presidentja e Kroacisë, Kolinda Grabar-Kitaroviq ka theksuar se marrëdhëniet ndërmjet Kroacisë dhe Kosovës janë shumë të mira, duke ofruar mbështetjen e shtetit të saj në të gjitha fushat për Kosovën”, thuhet në njoftim.

Sipas njoftimit, Thaçi, gjatë ditës, do të takohet me liderë të ndryshëm botërorë “për të shtyrë përpara agjendën e bashkëpunimit bilateral”.

Presidentja kroate me deklaratë bombastike: Më vjen keq që s’mora pushkën dhe nuk qëllova serbët

Periskopi.com Lajme

Presidentja e Kroacisë, Kolinda Grabar-Kitaroviq, ka lëshuar një deklaratë bombastike e cila ka ngjallur reagime të mëdha në Serbi.

Kitaroviq duke folur për luftën që ka pasur Kroacia mes Serbinë, ka thënë se asaj i vjen keq që nuk ka qëlluar serbë.

E përditshmja serbe Informer në ballinën e sotme ka vendosur një fotografi të presidentes me uniformë ushtarake.

“Žao mi je što nisam pucala na Srbe”, titulli i kësaj gazete, e që në shqip i bie; “Më vjen keq që nuk kam qëlluar serbët”.

Kitaroviq madje thotë që është ndjerë e penduar që nuk mori një pushkë dhe nuk ju bashkuar luftës me serbët gjata operacionit ‘Olluja’ apo siç njihet ndryshe ‘Stuhia’.

Kujtojmë se presidentja kroate është bërë qendër e vëmendjes edhe nga mediet botërore për shkak të vendimeve të saj, pamjes, gjesteve dhe shumë gjërave që karakterizojnë atë si Presidente femër.

Kolinda Grabar Kitarovic: Nuk kam thënë se Bosnja është shtet i paqëndrueshëm shkaku i islamit

Periskopi.com Lajme

Presidentja e Krocisë, Kolinda Grabar Kitaroviq, mohoi se ka deklaruar se Bosnja dhe Hercegovina është shtet i paqëndrueshëm nën kontrollin e islamit militant.

Gazeta izraelite, Jerusalem Post, ka raportuar se Grabar Kitaroviq, e cila po viziton Izraelin ka thënë se Bosnja dhe Hercegovina “është shumë e paqëndrueshme dhe se në disa aspekte e kanë marrë përsipër njerëz të lidhur me Iranin dhe organizata terroriste”.

o ashtu sipas Jerusalem Post, Grabar Kitaroviq ka deklaruar se Bosnja “është nën kontrollin e islamit militant, i cili është dominues në përcaktimin e qëndrimeve”.

E pyetur nga gazetarët nëse këto deklarata janë të vërteta, Grabar Kitaroviq u përgjigj:

“Absolutisht jo”.

Ajo ka thënë t’iu ketë shprehur autoriteteve izraelite dëshirën e saj për ta parë Bosnjën dhe vendet e tjera të rajonit të anëtarësuara në Bashkimin Evropian.

“Nuk kam dhënë intervista dhe nuk u kam dhënë deklarata gazetarëve përveç dy konferencave për shtyp”, tha presidentja kroate.

E pyetur të komentojë reagimet e ashpra të Bosnjës pas tekstit në Jerusalem Post, Grabar Kitaroviq tha:

“Këto janë komente mbi komentet e një gazetareje. Po e përsëris, nuk e kam thënë atë”.

Më herët anëtari kroat i presidencës trepalëshe të Bosnjës, Zhelko Komshiq, tha se Grabar Kitaroviq po vazhdon “aktivitetet propaganduese në dëm të Bosnjës, duke paraqitur gënjeshtra brutale”.

Siç raporton Shërbimi i Ballkanit i Radios Evropa e Lirë, kjo nuk është hera e parë që Grabar Kitaroviq ka bërë vlerësime të ngjashme gjatë paraqitjeve publike.

Dy vjet më parë ajo ka thënë se në Bosnje dhe Hercegovinë kthehen mijëra luftëtarë nga vatrat e luftës në Siri.

Rrjedhimisht sipas saj, në Bosnje armatosen myslimanë selafi dhe mijëra të tillë ndodhen në kufi me Kroacinë, përkatësisht me Bashkimin Evropian

 

Grabar Kitarovic kritikon Bosnjën nga Izraeli: Kontrollohet nga islami militant

Periskopi.com Lajme

Bosnje e Hercegovina kontrollohet nga islami militant, i cili është dominues në përcaktimin e agjendave, ka thënë presidentja e Kroacisë, Kolinda Grabar Kitaroviq, gjatë vizitës në Izrael.

Bosnje e Hercegovina është shumë e paqëndrueshme, dhe në disa aspekte udhëhiqet nga njerëz që kanë lidhje me Iranin dhe organizatat terroriste”, deklaroi presidentja kroate, pas takimit me presidentin e Izraelit, Reuven Rivlin.

Menjëherë pas kësaj deklarate, reaguan anëtarët e presidencës trepalëshe të Bosnje e Hercegovinës, Zhelko Komshiq dhe Shefik Xhaferoviq, të cilët theksuan se presidentja kroate bën pretendime pa asnjë fakt.

Në takimin mes presidentes kroate dhe homologut të saj izraelit, është diskutuar edhe për vazhdimin e bashkëpunimit në fushën e mbrojtjes, sigurisë dhe luftimit të terrorizmit, shkruan The Jerusalem Post.

Kitaroviq vuri në dukje, se vendi i saj po vuan nga një problem migrantësh, që nuk është krejtësisht si ai i pjesës më të madhe të Evropës. Ajo bëri dallimin midis migrantëve dhe refugjatëve, duke thënë se ndërsa Kroacia ishte e gatshme të jepte azil për refugjatët, migrantët; që kërkojnë një mënyrë jetese të përmirësuar nuk duhet të jenë në kundërshtim me kufijtë ndërkombëtarë.

Presidenti Rivlin e ftoi Kitaroviqin që të kthehej në fund të janarit 2020 në Izrael, ku ai do të ishte nikoqir i liderëve botërorë për të përkujtuar 75 vjetorin e çlirimit të Aushvicit. Ai i tha se Izraeli dhe Kroacia po shikojnë drejt të ardhmes pa e harruar të kaluarën.

3 momente kur presidentja kroate Kolinda Grabar Kitarovic ‘dridhi’ botën me deklaratat e saj

Periskopi.com Video

Vuçiq i dërgon mesazh urimi Kroacisë për ditën e shtetësisë, kështu i përgjigjet Kolinda Grabar Kitarovic

Periskopi.com Lajme

Presidenti serb, Aleksandër Vuçiq, i ka dërguar një mesazh urimi për Ditën e Pavarësisë, presidents kroate, Kolinda Grabar – Kitaroviç.

Vuçiq në mesazhin e tij shkruan ‘dëshirën për bashkëpunim mes të dyja vendeve si dhe intensifikimit e dialogut për të diskutuar çështje në interes të të dyja shteteve’, shkruan B92, përçjell Periskopi.

“Ju lutem pranoni urimet e mia për ditën e pavarësisë së Republikës së Kroacisë, ku përmes këtij mesazhi, shpreh dëshirën për bashkëpunim në të mirë të qytetarëve të të dyja shteteve”, thuhet mes tjerash në mesazhin e Vuçiq dërguar Kitaroviçit, mesazh të çilin, presidentja kroate e ka bërë vetë me dije se i ka arritur nga presidenti serb.

Në këtë mënyrë, Kitaroviç vendos theksin te mesazhi i Vuçiqit ‘për intensifikim të dialogut për të bashkëpunuar për temat në interes të qytetarëve të të dyja vendeve’./Periskopi/

Presidentja kroate: Sa më shpejt të bëhet liberalizimi i vizave për kosovarët

Periskopi.com Lajme

Presidentja e Kroacisë, Kolinda Grabar-Kitaroviq, ka thënë se shteti i saj dëshiron liberalizim sa më të shpejtë për kosovarët.

Këto komente ajo o ka bërë në konferencën për media pas përfundimit të Samitit të Brdo-Brijunit.

“Negociatat do të fillojnë me Maqedoninë edhe me Shqipërinë ne do të mbështesim negociatat. Dëshirojmë ta shikojmë edhe Bosnjën që sa më shpejt të ec përpara”.

“Ne do ta vazhdojmë procesin e Brdo-Brijunit për ta vendosur në qendër këtë pjesë të Europës Juglinore dhe për t’u bërë pjesë e së ardhmes europiane”.

“Jam e lumtur që patëm një takim konstruktiv dhe që konfirmoi kontributin tonë për rrugën drejt BE-së”.

“Ne duhet të flasim akoma për strategjinë e zgjerimit dhe për zgjidhjen e problemeve në mes nesh në mënyrë që të arrihet një anëtarësim i plotë”, ka thënë ajo, njofton Klan Kosova.

“Ne do të vazhdojmë të punojmë për ta arritur këtë”.

“Kroacia do ta marrë Presidencën në gjysmën e 2020, ne do ta kemi në kryeagjendë Evropën Juglindore”.

Kitaroviq reagon ashpër ndaj Sheshelit: Si e lejuat një kriminel t’i fyejë kroatët

Periskopi.com Lajme

Presidentja kroate, Kolinda Grabar-Kitaroviq ka reaguar pas mbajtjes së Kongresit i Partisë Radikale serbe që është mbajtur në Hrtkovci.

Kitaroviç ka thënë se është shkatërruese që në vitin 2019 të mbahet një kongres i tillë në simbolin e vrasjes së udhëheqësve kroatë duke nënçmuar viktimat në vendin e krimit, shkruan B92.

“Është shkatërruese që Serbia në vitin 2019 lejon një grup të të njëjtëve njerëz në Hrtkovci, një simbol i vuajtjeve të kroatëve të Vojvodinës”, ka shkruar në twitter, Grabar-Kitaroviç.

“Tallja në vendin e krimit është një humbje qytetërimi për një shoqëri, një revizionizëm historik i papranueshëm dhe një rehabilitim politikash për të cilat nuk ka vend në Evropën moderne”, ka thënë Kitaroviç.

“Dhjetëra mijëra kroatë në Vojvodinë ishin detyruar të braktisin shtëpitë e tyre në vitet e 90-ta për shkak të përsekutimit serbo-madh nga Vojisllav Sheshel dhe proganda e tij”, ka shkruar ndër të tjerash Presidentja Kroate.

Sot në Hrtkovci, është mbajtur Kongresi i 10-të ku Vojislav Shesheli u rizgjodh si udhëheqës i partisë.

Lidhja Demokratike e kroatëve në Vojvodinë ka kërkuar dje nga organet përgjegjëse që ta ndalojnë mbajtjen e kongresit të SRS-së në Hrtkovci, por kjo nuk ka ndodhur.

 

Grabar – Kitarovic: Nuk përzihem në punët e Serbisë por duhet të kemi kujdes, ta ruajmë paqen në rajon

Periskopi.com Lajme

Presidentja kroate, Klinda Grabar Kitarovic, nuk ka dashur të bëj komente për protestat anti-qeveritare në Serbi, pork a thënë se ‘ajo nuk do të dëshironte ta shihte asnjë vend jostabil në rajon, pasiqë kjo do ta prekte gjithë rajonin’.

“Ka shumë çështje që po ndodhin në Serbi dhe në të cilat nuk do të doja të komentoja, por ajo që mund të them është se destabilizmit i rajonit – dhe këtu hyn edhe destabilizimi i Serbisë, do ta prkte gjithë rajonin”, ka thënë Kitarovic, duke u përgjigjur në pyetjet e gazetarëve në konferencë për media, shkruan Hina kroate, përkthen Periskopi.

AJo ka thënë se nuk është kohë edhe aq e mirë për Evropën Juglindore aktualisht.

“Evropa Juglindore nuk po kalon në kohë edhe aq të mirë prandaj duhet të hapim sytë mirë kur vijnë në pyetje raportet tona, raporte që përfshijnë edhe ato mes Kroacisë, Serbisë dhe Bosnjë e Hercegovinës”, ka thënë ajo.

Ndryshe, ka disa ditë që kanë nisur protestat anti – qeveritare në Serbi. Më të përshkallëzuara, ishin në dy ditët e fundit./Periskopi/

Besim Beqaj takon në Kroaci presidenten Kitarovic

Periskopi.com Lajme

Ministri i Inovacionit dhe Ndërmarrësisë, Besim Beqaj në kuadër të vizitës zyrtare në Kroaci, u prit edhe nga Presidentja e Republikës së Kroacisë.

Gjatë takimit u dha përkrahje e plotë për shtetin e  Kosovës dhe mbështetje për qasjen e përbashkët zhvillimore të vendeve të Ballkanit Perendimor.

Gjithashtu, Ministri Beqaj gjatë ditës së sotme do të takoj edhe zëvendës Kryetarin e Parlamentit, Sinisa Hajdas Donic dhe zëvendës Kryeministrin, njëherësh dhe Ministër i Bujqësisë, Tomislav Tolusic.

 

Kjo është këshilltarja nga Kosova e Kolinda Grabar-Kitaroviq

Periskopi.com Lajme

Kosovarja Gentiana Fana, është pjesë e zyrës së Presidentes kroate Kolinda Grabar – Kitaroviq.

Fana atje shërben si anëtare e Këshillit Rinor në zyrën presidenciale të Kroacisë, ndërsa ajo qysh në moshën dyvjeçare ishte larguar nga Kosova për tu vendosur bashkë me familjen në Zagreb, njofton Klan Kosova.

25 vjeçarja ka prejardhje nga komuna e Drenasit, ndërsa në një prononcim të dhënë për klankosova.tv ajo ka shpalosur disa nga detajet e angazhimeve të saj sa i përket pozitës që ajo ka në shtetin kroat:

”Me presidenten Kolinda Grabar- Kitaroviq gjithnjë kishim takime profesionale të cilat ndërlidhen me rininë dhe problemet me të cilat ata ballafaqohen”.

Ajo tregon edhe për takimin më të veçantë që pati me të:

”Takimi që më la më së shumti përshtypje ishte ai së bashku me të rinjtë tek shtëpia për fëmijë pa prind, pasi problemet me të cilat ballafaqohen ata çdo ditë janë të papërshkrueshme”, thotë ajo.

Drenicasja Gentiana Fana, e cila jeton dhe vepron në Kroaci, theksoi për klankosova.tv edhe raportet që ky shtet vazhdon t’i ketë me Kosovën pasi dhe shpesh herë në vizitat zyrtare që Presidenti Hashim Thaçi realizoi atje, ajo ishte pjesë e disa takimeve:

”Kroacia e sheh Kosovën si një shtet mik, një aleat me të cilin mund të bashkëpunojë. Por për fat të keq, nga ana e Kroacisë ende nuk ka aq shumë investime në Kosovë ose Shqiperi dhe qëllimi i diasporës në Kroaci është të ritim investimet”.

Më tej ajo shton se Zagrebi zyrtar do e mbështesë rrugën e kosovarëve drejt Bashkimit Europian, njofton Klan Kosova.

”Kroacia mbështetë Kosovën në rrugën e saj drejt Bashkimit Europian, por kjo varet më shumë nga vet shteti i Kosovës”.

Gentiana Fana është e vetmja nga Kosova e cila është pjesë e Këshillit Rinor e zyrës presidenciale në Kroaci, pasi ky këshill sipas saj ka dy vjet që është formuar dhe rënditet i pari në historinë e Kroacisë i këtij niveli.

”Në zyren e presidentes nuk ka të tjerë shqiptarë perveç meje”, thotë ajo.

Anëtarja e Këshillit Rinor në Kroaci, Gentiana Fana, ka treguar se aktivitetet e saj në këtë lëmi nuk përfundojnë me kaq.

”Angazhimi im i ardhshëm është Leadership Academy në Bruksel ku jam e ftuar nga Komisioni Europian si përfaqësuese e vetmja e Kroacisë. Së bashku me 26 të rinjtë tjerë (një nga çdo shtet i Bashkimit Europian)”.

Në këtë akademi ajo thotë se pritet të krijohet programi për rininë i cili do të prezentohet dhe zbatohet pas zgjedhjeve europiane.

Duke qenë se është pjesë e institucionit më të lartë shtetëror të Kroacisë, duke përfaqësuar rininë në botë, ajo apelon tek të rinjt që të jenë këmbëngulës në qëllimet që ata kanë, njofton Klan Kosova.

Gentiana Fana në Kroaci studioi në Fakultetin e Shkencave Politike në Universitetin e Zagrebit.

Kush është Kolinda? – presidentja e bukur që u rrit në një fshat ku familja i punonte në kasaphane

Periskopi.com Lajme

Kolinda Grabar Kitaroviq është politikane kroate duke shërbyer si presidente e katërt e Kroacisë prej vitit 2005. Është gruaja e parë e zgjedhur në pozitën më të rëndësishme shtetërore që prej kur në trojet dalmate mbahen zgjedhjet shumëpartiake, nga viti 1990 saktësisht. Ajo është bërë po ashtu politikania më e re që synon presidencën, duke garuar qysh në moshën 46-vjeçare.

Kitaroviq sot është 50 vjeç dhe është e martuar për Jakov Kitaroviqin. Bashkëshorti i saj është inxhinier dhe me të ishte martuar në vitin 1996. Kanë dy fëmijë, Katarinën dhe Lukën. Martesa e çiftit duket të jetë e palëkundur meqenëse nuk ka pasur asnjë lajm për probleme mes tyre apo thashetheme për afera jashtëmartesore deri tani.

Fëmijëria dhe shkollimi

Presidentja kroate ka lindur në Rekë të Kroacisë më 29 prill, 1968. Ajo pjesën më të madhe të fëmijërisë e kishte kaluar në fshatin e prindërve, Dubravkës dhe Brankos, në Lopaqë. Prindërit e saj kishin një kasaphane dhe një ranç, biznese prej të cilave siguronin jetesën. Politika botërore, gjithnjë e kishte intriguar Kolindën si fëmijë.

Me të nisur edukimin, ajo kishte arritur ta sigurojë një vend në një prej programeve amerikane për shkëmbim të studentëve. Kishte diplomuar në një shkollë të mesme të Los Alamos në SHBA, në vitin 1986. Pasi ishte kthyer në Jugosllavi, kishte nisur studimet në Fakultetin e Shkencave Sociale në Universitetin e Zagrebit. Më pas, ishte diplomuar edhe nga Akademia Diplomatike e Vienës. Më tej, kishte siguruar sërish një bursë nga fondacioni Luksiq për në Shkollën e Qeverisjes Kennedy në Universittein e Harvardit. Studimet doktorale në marrëdhëniet ndërkombëtare, i ka nisur në Fakultetin e Shkencave Sociale në Zagreb në vitin 2015, shkruan Periskopi.

Karriera

Fillimisht, Kitaroviq ishte bërë këshilltare në kuadër të departamentit për bashkëpunim ndërkombëtar të Ministrisë së Shkencës dhe Teknologjisë në Kroaci. Më vonë, në vitin 1993, i ishte bashkuar Unionit Demokratik të Kroacisë. Në vitin 1997, kishte nisur punën si këshilltare diplomatike në ambasadën kroate në Kanada.

Tonino Picula ishte bërë ministër i Jashtëm i Kroacisë pasi që Partia Socialdemokrate e Kroacisë kishte ardhur në pushtet, pas zgjedhjeve të vitit 2000. Pas dy viteve, Kitaroviq i ishte bashkuar Parlamentit të Kroacisë. Shumë shpejt ajo ishte bërë ambasadore e Kroacisë në SHBA, më 8 mars 2008. Pozitën e ambasadores e kishte lënë në vitin 2000 për t’u bërë Ndihmës Sekretare e Përgjithshme e NATO-s për Diplomaci Publike, më 4 gusht, 2011.

Kitaroviq ka fituar 37.2 për qind të votave, në raundin e parë, në zgjedhjet presidenciale të 2014-15-ës në Kroaci. Në raundin e dytë, ajo kishte marrë 50.7 për qind të votave, më 11 janar 2015. Ajo  u bë gruaja e parë në krye të shtetit në periudhën post-pavarësi.  Me t’u zgjedhur presidente ajo e kishte mbështetur ligjin për të drejtën e martesës ndërmjet komunitetit LGBTI. I kishte përkrahur iniciativat e gjelbra dhe i kishte dhënë mbështetje të drejtës për abortim.

Ajo nuk e ka zbuluar asnjëherë se sa është paga e sajt. Nuk ka të dhëna as për pasurinë e saj.

Kundërthëniet dhe thashethemet

Ajo ishte bërë pjesë e një kundërthënie në vitin 2018 kur kishte folur për Luftën e II-të Botërore në Argjentinë. Për shkak të dukjes së saj, Kitaroviq shpesh u përzihet njerëzve me aktoren Damond Foxxx dhe modelen amerikane, Coco Austin.

Shpirti i saj sportiv gjatë Kupës Botërore të vitit 2018 ndaj lojtarëve kundërshtarë të Kroacisë që humbnin ndeshjet, ishte vlerësuar lartë nga të gjithë njerëzit kudo në botë. Aktualisht nuk ka thashetheme lidhur me jetën dhe karrierën e saj.

Rrjetet sociale

Presidentja kroate është shumë aktive në rrjetet sociale. Ka një numër të madh përcjellësish në këto rrjete, siç është Facebook-u, Instagram-i dhe Twitter-i. Ka më shumë se 73 mijë ndjekës në Twitter, mbi 150 mijë në Instagram dhe mbi 560 mijë në Facebook. /Periskopi/

 

Kolinda prapë hit në rrjetet sociale, kësaj radhe për një arsye shumë interesante

Periskopi.com Lajme

Presidentja e Kroacisë Kolinda Grabar Kitaroviq edhe njëherë ka pushtuar rrjetet sociale në tërë regjionin.

Kësaj radhe ajo shihet duke ia rregulluar flokët gazetares së televizionit kroat.

Grabar Kitaroviq duke u bërë gati për një lidhje direkte në televizionin shtetëror kroat nga Neë York-u i ka dalë në ndihmë gazetares duke tentuar t’ia rregullojë flokët .

Në videon e cila nuk është transmetuar direkt në programin e televizionit kroat, por në Tëitter shihet se me të vërtete presidentja është përkujdesur për dukjen e gazetares.

Komentet në këto pamje për presidentet janë të gjitha pozitive duke e vlerësuar gjestin e të parës së shtetit kroat dhe duke e quajtur atë “mbretëreshë”.

Thaçi i afërt me presidenten e bukur Kolinda Grabar-Kitaroviq

Periskopi.com Lajme

Presidenti i Kosovës Hashim Thaçi është takuar në Nju Jork me presidenten kroate Kolinda Grabar-Kitaroviq, takim të cilin presidenti e ka quajtur të përzemërt.

Me të, sipas njoftimit në Facebook, Thaçi ka biseduar për thelimin e marrëdhënieve dypalëshe, rritjen e shkëmbimit tregtar, mbështetjen e Kroacisë ndaj Kosovës në proceset euroatlantik si dhe për dialogun e Kosovës me Serbinë.

Njoftimi i Presidentit:

Në kuadër të javës së Asamblesë së Përgjithshme të Kombeve të Bashkuara, në Nju Jork, zhvillova një takim të përzemërt me presidenten e Kroacisë, Kolinda Grabar-Kitaroviq, me të cilën, ndër të tjera, biseduam për thellimin e marrëdhënieve dypalëshe, rritjen e shkëmbimit tregtar, mbështetjen e shtetit kroat për integrimet euro-atlantike të Kosovës, si dhe për fazën përfundimtare të dialogut për normalizimin e marrëdhënieve ndërmjet Kosovës dhe Serbisë.

Kosova është mirënjohëse për ndihmën e jashtëzakonshme të Kroacisë në shtetndërtimin e vendit, forcimin e demokracisë, sigurimin e një të ardhme të sigurt në rrugën drejt BE-së dhe NATO-s.

Kolinda i hakmerret Vuçiqit 

Periskopi.com Lajme

Pas deklaratave të fundit të presidentit serb Aleksandër Vuçiq i cili krahasoi Kroacinë me Gjermaninë e kohës së Hitlerit, është e mundshme që marrëdhënihet serbo – kroate të përkeqësohen. Kështu shkruan e përditshmja kroate Jutarni List duke u thirrur në burime brenda qeverisë kroate, transmeton Periskopi.

“Përdorimi i termave të tillë për një vend, do të mund të kthejë prapa raportet e mira mes të dyja vendeve si dhe mund të anulohen vizitat e përfolura të të dy presidentëve në të dyja vendet”, shkruan J.List.

Sipas zyrtarëve kroat, referimi që Vuçiq ka bërë me terma të tillë, duke krahasuar Kroacinë me nazistët, po konsiderohet si një ‘autogol’ për presidentin serb.

“Duke krahasuar një shtet anëtar të BE’së me Hitlerin në një deklaratë zyrtare, tregon se nuk do të mund të mbështesim këtë vend tutje, megjithëse Vuçiq është munduar të paraqesë Serbinë si një faktor paqeje dhe stabiliteti në rajon”, shkruan Jutarnji.

‘Lidershipi serb është terrorizuar me praninë e Izraelit dhe Shteteve të Bashkuara të Amerikës për të shënuar përvjetorin e operacionit Stuhia. Është evidente se Vuçiq ka një sërë problemesh të brendshme përfshirë edhe çështjen e njohjes së Kosovës dhe po blen kohë në Serbi me qëndrime nacionaliste. Derisa kjo qëndron kështu, nuk mund të ketë bisedime për normalizim të raporteve mes Serbisë dhe Kroacisë, ku parashiheshin edhe takime të nivelit të lartë mes të dyja vendeve”, shkruan Jutarnji./Periskopi/