Rikthehen emocionet e Ligës së Kampionëve, vëmendja në Madrid dhe Bergamo

Periskopi.com Sporti

Luhen këtë mesjavë ndeshjet e treta të fazës së Grupeve të Ligës së Kampioneve ku vëmendja më e madhe do të jetë në Alfredo Di Stefano, ku do të luhet sfida mes Realit të Madridit dhe Interit.

Është kjo një ndeshje delikate për të dyja skuadrat që priteshin të dominonin Grupin B, por që pas dy javëve të para po rezulton e kundërta. Si Interi ashtu edhe Reali i Madridit do të kërkojnë fitoret e tyre të para.

Zikaltrit kanë 2 pikë pas 2 barazimeve, ndërsa Reali është në fund me 1 pikë pas 1 humbjeje e 1 barazim. në këtë ndeshje interi do të duhet të bëjë sërish pa Romelu Lukakun që ka pësuar dëmtim muskular, një problem ky jo i vogël për zikaltrin përsa i përket shënimit të golit.

Ajo e Madridit do të jetë edhe një sfidë mes Contes dhe Zidane që si futbollistë kanë qenë shokë skuadre te Juventus për 6 sezone. për këto personalitete do të jetë përballja e parë si trajnerë kundërshtarë. Ndërsa te Reali i Madridit, mungesa e vetme do të jetë ajo e Militaos që rezultoi pozitiv me Coronavirus.

Zidane në prag të kësaj sfide u kërkoi futbollistëve të tij që të konsiderojnë këtë ndeshje si një finale dhe të tregojnë se përse janë pjesë e klubit madrilen.

Sfidë interesante është edhe ajo mes Atalantës dhe Liverpoolit në Bergamo. Atalanta që vazhdon të habisë Evropën edhe pse nuk duket e favorizuar përballë skuadrës së Klopp do të kërkojë të fitojë sfidën.

Nga ana tjetër edhe vetë trajneri i The Reds nuk e ka nënvlerësuar skuadrën e Gasperinit teksa një ditë përpara sfidës deklaroi se skuadra e tij mund të mësojë shumë nga Atalanta.

Tjetër ndeshje që do të luhet sot është ajo mes Midtylland dhe Ajaxit. Skuadra holandeze udhëton drejt Danimarkës me vetëm 17 futbillistë, pasi 11 lojtarë kanë rezultuar pozitivë me Covid-19 mes të cilëve figurojnë Tadic, Klaassen, Onana, Stekelenburg e Gravenberch. Po kështu sot do të luhet edhe sfida mes Salzburgut dhe bayernit me skuadrën bavareze që do të kërkojë fitoren e 14 radhazi pa Sule në skuadër që ka rezultuar me Covid dhe Goretzkën për probleme fizike

Liga e Kampionëve, mbyllen pjesët e para të gjashtë ndeshjeve, ja rezultatet

Periskopi.com Sporti

Kanë përfunduar pjesët e para të ndeshjeve që po zhvillohen në kuadër të xhiros së dytë të fazës së grupeve të Ligës së Kampionëve, nga grupet E,F,G dhe H.

Barcelona është duke e mposhtur Juventusin me rezultat minimal 0-1 me golin e Ousmane Dembeles në minutën e 14’, ashtu sikur edhe Manchester United po fiton ndaj RB Leipzigut (1-0).

Këto janë rezultatet e gjashtë ndeshjeve që po zhvillohen tani: Club Brugge 1-1 Lazio Dortmund 0-0 Zenit Farencvaros 0-2 Dynamo Kiev Juventus 0-1 Barcelona Manchester United 1-0 RB Leipzig Sevilla 0-0 Rennes