Mbushja e telefonit natën e dëmton atë

Periskopi.com Tech & Auto

Telefoni celular tashmë është kthyer në objektin e pandashëm dhe shumë të nevojshëm për secilin prej nesh. Duke qenë kaq i nevojshëm, është mirë të kemi një bateri plot përgjatë gjithë ditës. Studimet e fundit kanë treguar se gjatë gjithë kësaj kohe, kemi qenë duke e karikuar gabim aparatin celular. Ideja e të bërit këtë proçes përgjatë gjithë natës, në fakt është tejet e dëmshme për telefonin.

Kjo sepse në këtë mënyrë, celulari karikohet edhe kur bateria ka arritur 100% të mbushjes, e sipas specialistëve, kjo sjell vetëm tension ekstra për aparatin, çka do të thotë dëmtimin e baterisë, deri në skadimin përfundimtar të saj.

Shpjegimi më konkret lidhet me faktin se bateria ka një përmbajtje acide, e cila nuk kërkon karikimin e plotë. Kuptohet, të gjithë dëshirojmë një celular të karikuar në maksimum për të nesërmen, por ka disa mënyra të tjera për ta arritur këtë, si psh: eleminimi i programeve që nuk i përdorim, përzgjedhja e zonave të mira me sinjal etj. Në fakt, mjafton vetëm një orë për të patur një bateri të qëndrueshme, kështu që rrjedhimisht do të na duhet të zbatojmë atë çfarë kanë rekomanduar specialistët.

Hyundai mbushet në diell – 1.300 km shtesë pa paguar karburant

Periskopi.com Tech & Auto

Prodhuesi i Koresë së Jugut Hyundai zbuloi një makinë me panele diellore në çati.

Hyundai Sonata do të jetë në gjendje të udhëtojë mbi 1.300 kilometra në vit më shumë nëse çatia e tij është e ekspozuar në diell gjashtë orë në ditë.

Sedani është mundësuar nga një motor benzinë prej 152 kuaj fuqi, 2.0 litra GDi dhe një motor elektrik 51 kuaj fuqi që mbushet me bateri, transmeton KosovaPress.

Edhe pse 1.300 km shtesë pa paguar për karburant ose energji elektrike duken mjaft joshëse, dobësia është që instalimi i paneleve diellore në çati nuk është as i thjeshtë dhe as i lirë, kështu që do të llogaritet si pajisje speciale.

Nëse i shtojmë kësaj rritjen e peshës së veturës për shkak të paneleve, që do të thotë njëherësh edhe rritje të konsumit, ato 1.300 km ose rreth dy rezervuarë karburanti në vit, nuk janë aq domethënëse për momentin.

Duke pasur parasysh që Hyundai nuk e ka njoftuar çmimin me të cilin do të dalë në treg makina me energji diellore, lind pyetja se sa është kostoja efektive.

Sigurisht, gjithçka varet nga lokacioni ku do të drejtohet, para së gjithash dhe më kryesorja, klientët nga vendet që kanë më shumë ditë me diell do të kenë përparësi.

Hyundai do të lansojë Sonata në Korenë e Jugut dhe në tregun e tij të preferuar amerikan.