U fut në ‘Roland Garros’ si tenistja e 131-të në botë, sot siguron gjysmëfinalen

Periskopi.com Sporti

Një sezon fantastik për tenisten argjentinase Nadia Podoroska në Roland Garros, që ka siguruar kualifikimin në gjysmëfinale.

23 vjeçarja e lindur në Rosario, sot (e martë) ka eliminuar një nga favoritët kryesor në këtë turne, Elina Svitolina, 6:2 dhe 6:4.

Është interesante se Podoroska është tenistja me përparimin më të madh në renditjen e vitit 2020, këtij viti të çuditshëm që kaloi nën ndikimin e koronavirusit.

Ajo e filloi vitin si e 255 në listen e renditjes botërore. Në Ronald Garros arriti si e 131, dhe sot siguroi gjysmëfinalen.

Me paraqitjet e shkëlqyera në Paris, Podorska nuk është më tenistja e 131 në botë. Ajo tani është në 50 më të mirët, nëse arrin në finale do të kalojë e 31-ta, ndërsa nëse fiton titullin, do të hyjë në 20 më të mirët.