Policia arreston dy të dyshuar për ngjarjen e tmerrshme në ‘Lagjen e Spitalit’

Periskopi.com Lajme

Zyrtari për media në Policinë e Kosovës, Bajram Krasniqi, ka konfirmuar se në këtë ngjarje të rëndë, një është i vrarë dhe tre janë të plagosur.

Ai tha se Policia e Kosovës ka arrestuar dy të dyshuar, derisa shtoi se ende nuk dihen motivet e kësaj ngjarje.

Krasniqi konfirmoi se në vendin e ngjarjes janë gjetur dy armë, një e gjatë dhe një e shkurtër.

Zëdhënësi Bajram Krasniqi ka thënë se dyshohet se të dyja familjet jetojnë në Lagjen e Spitalit.

‘’Në orën 15:50 ka ndodhur një rast gjuajte me armë. Në vendin e ngjarjes kemi gjetë 4 personë të pagosur. Jan ëtrnsportuar në QKKU. Njëri prej tyre ka ndërruar jetë. Kjo është informata që kemi për momentin. Jemi duke pritur edhe porkurorin për të dalë në vendin e ngjarjes. Besoj që më vonë do të japim edhe info tjera, edhe për motivin. Për momentin nuk mund të spelukojmë asgjë për motivin.

‘’Dyshohet se të dyja familjet banojnë këtu. Ende është duke u ekzaminuar vendi’’/PERISKOPI/

Veseli: DokuFest është ngjarja më e rëndësishme artistike në Kosovë

Periskopi.com Lajme

Kryetari i Kuvendit, Kadri Veseli, ka thënë se festivali i filmit “DokuFest”, që ndez çdo vit atmosferën në qytetin e bukur të Prizrenit, është ngjarja më e rëndësishme artistike në Kosovë që na bën të gjithëve krenarë.

Ai i ka përgëzuar organizatorët dhe vullnetarët e DokuFest-it që kanë arritur ta përfshijnë këtë festival në listën 10 më të mirëve të Evropës duke ngritur lart reputacionin e Kosovës në hartën ndërkombëtare të jetës kulturore.

“Po ashtu, ky festival, është një shembull i mirë i potencialit zhvillimor që ka Kosova në rrafshin e turizmit kulturor. Prandaj, të tilla iniciativa do të gëzojnë në të ardhmen një mbështetje edhe më të madhe nga qeveria e Kosovës”.

Më poshtë mund ta lexoni shkrimin e plotë të Kryeparlamentarit Veseli në Facebook:

Festivali i filmit “DokuFest”, që ndez çdo vit atmosferën në qytetin e bukur të Prizrenit, është ngjarja më e rëndësishme artistike në Kosovë që na bën të gjithëve krenarë. Përgëzoj e falenderoj organizatorët dhe vullnetarët e DokuFest-it që kanë arritur ta përfshijnë këtë festival në listën 10 më të mirëve të Evropës duke ngritur lart reputacionin e Kosovës në hartën ndërkombëtare të jetës kulturore. Po ashtu, ky festival, është një shembull i mirë i potencialit zhvillimor që ka Kosova në rrafshin e turizmit kulturor. Prandaj, të tilla iniciativa do të gëzojnë në të ardhmen një mbështetje edhe më të madhe nga qeveria e Kosovës.

 

Publikohen imazhet e para të aksidentit tragjik të helikopterit në ”King Power”

Periskopi.com Sporti

Leicester City u përballë mbrëmë me West Hamin në ”King Power”, ku barazoi, 1-1.

Pas ndeshjes, presidenti i klubit, Vichai Srivaddhanaprabha mori helikopterin, me dy pilotë dhe vajzën e tij, për t’u nisur për shtëpi.

 

 

Por, për fat të tij, helikopteri kishte një defekt në motor, që bëri që mjeti në fjalë të përplasej dhe të përfshihej nga flakët.

Ende nuk është konfirmuar detajet e këtij aksidenti dhe nëse ka viktima.

Por, tashmë në rrjetet sociale janë duke qarkulluar pamjet e para nga vendi i ngjarjes së kësaj tragjedie.

Për më shumë, ju ftojmë që t’i shikoni fotot e mëposhtme.

Leicester helicopter crash

Leicester helicopter crash

Leicester helicopter crash

Leicester helicopter crash

Leicester helicopter crash

Ngjarja e rëndë në Shkodër, zbulohet motivi i vrasjes me thikë të 54-vjeçarit

Periskopi.com Lajme

Thika, e cila u ngul në trupin e tij nga Fredi Pëllumbi e la të vdekur Prendush Fushajn.

Sipas mediave shqiptare, 54-vjeçari u vra në lagjen “Mark Lula” në Shkodër mbrëmjen e sotme pasi gjatë pasdites kishte debatuar ashpër me autorin e ngjarjes.

Vrasja e rëndë sipas policisë ka ndodhur për “motive të dobëta”.

Viktima Fushaj kishte denoncuar në polici, 30-vjeçarin Pëllumbi se ai i kishte vjedhur një sasi parash, ç’ka kishte sjellë edhe një arrestim të autorit të krimit nga policia e Shkodrës.

Blutë e Shkodrës nuk kishin gjetur prova kundër 30-vjeçarit dhe e kanë lënë të lirë atë, por me kalimin e ditëve arrestimi ka bërë që Fredi Pëllumbi të shkojë në banesën e viktimës për të kërkuar llogari dhe pas një debati të ashpër e ka masakruar atë me thikë.

Prendush Fushaj fillimisht mbeti i plagosur rëndë dhe policia sqaron se ndërroi jetë rrugës për në spital.

“Rreth orës 19.15 jemi njoftuar nga urgjenca Spitalit Rajonal Shkodër se ka ardhur një person i goditur me mjet prerës (thikë) dhe pas pak minutave ka ndërruar jetë”, njofton policia.

Ndërkohë policia vijon të kërkojë 30-vjeçarin, i cili u arratis menjëherë pas vrasjes së kryer pranë banesës së viktimës, në vendin e quajtur “Ura e Thive”.

Policia ka ngritur postblloqe dhe po realizon krehjen e zonës për të arritur në gjurmët e Fredi Pëllumbit.

Toka do të përjetojë errësirë totale, ngjarja më e madhe e këtij shekulli

Periskopi.com Lajme

Përshkruhet si një spektakël që nuk e kemi parë asnjëherë deir më sot, ai që do të ndodhë në natën mes 27 dhe 28 korrikut.

Qielli që zakonisht është i errët, do të “ngjyhet” me të kuqe, në atë që astrofilët dhe astronomët thonë se do të jetë eklipsi total më i gjatë i gjithë shekullit. Në po të njëjtën natë, të quajtur “Hëna e përgjakur”, do të ndodhë dhe një kundërvënie e madhe e Marsit, dhe e gjithë kjo mund të vihet re, gjë që nuk ndodhte qysh prej vitit 2003. Ngjarja do të zgjasë 1 orë e 43 minuta, kanë shtuar ekspertët. Ndërsa i gjithë fenomeni, ose më saktë hyrja dhe dalja e Hënës në hijen e Tokës, do të zgjasë 3 orë e 55 minuta. / bota.al

Tragjedi në një liqen: Përmbyset barka, humbin jetën 11 persona

Periskopi.com Lajme

Të paktën 11 turistë, përfshirë fëmijë kanë vdekur dhe pesë raportohet si të humbur pasi një barkë me 31 persona është përmbysur dje në një liqen të Shteteve të Bashkuara.

Imazhet dramatike shfaqin barkën e cila lëvizë nëpërmjet valëve masive në një liqen në jug të Missourit. Ngjarja ka ndodhur në mbrëmjen e së enjtes, raportoi “The Sun”, transmeton Periskopi.

Shtatë persona janë dërguar në spital, u tha gazetarëve sherifi Doug Rader.

Tragjedia ishte përshkruar nga shërbimet emergjente si një “incident masiv i shkaktuar”.

“Aty kishte një erë të fortë. Problemet u krijuan si pasojë e erës”, tha Rader. “Ata ishin duke u kthyer për në tokat e tyre. Gjendeshin dy barka. E para u përmbys. E dyta shpëtoi”./Periskopi/

Video:

https://www.thesun.co.uk/news/worldnews/6823609/table-rock-lake-duck-boat-crash-eleven-dead-tourist/