Sekuestrohen 229 mijë euro false në Prizren

Periskopi.com Lajme

Policia e Kosovës ka njoftuar se ka sekuestruar në Prizren 458 bankënota të dyshimta 500 euroshe, në vlerë totale 229 mijë euro.

Fillimisht policia kishte ndalur një veturë rreth orës 23:15 të hënën në lagjen “Dardani”. Në veturë ishin tre persona, ndërsa te një nga ta u gjet sasi e vogël e marihuanës.

Më pas është ushtruar kontroll i hollësishëm i cili ka rezultuar me gjetjen e një bankënote në vlerë prej 500 eurosh tek i dyshuari i dytë, ka njoftuar policia që thotë se lidhur me rastin është informuar prokurori i shtetit për rrjedhën e hetimit dhe është kërkuar që të merret aprovimi nga gjykata për bastisjen e një shtëpie ku dyshohej për para të falsifikuara.

Pas sigurimit të autorizimit është kontrolluar një shtëpi në rrugën “Rrustë Kabashi” me ç’rast në cilësi të provës materiale janë gjetur dhe sekuestruar 458 bankënota 500 eurosh në vlerë 229000 euro.

Pas intervistës, i dyshuari është ndalur nën masën e arrestit policor.

Raportohen 100 euro të falsifikuara në Fushë Kosovë

Periskopi.com Lajme

Në Fushë Kosovë një punonjëse e një banke ka raportuar se një i dyshuar, kishte deponuar një kartëmonedhë në vlerë 100 euro, e cila dyshohet të jetë e falsifikuar.

Sipas raportit policor, monedha është konfiskuar.