Studimi i fundit: Populli i Kosovës sivjet më optimist se sa vitet e kaluara

Periskopi.com Lajme

Studimi i fundit i Asociacionit Gallup International, të cilin e ka siguruar Telegrafi, tregon se këtë vit, niveli i optimizmit në Kosovë ka shënuar ngritje të lehtë në krahasim me tri vitet e kaluara. Por, qytetarët e Shqipërisë mbesin në grupin e e shteteve më optimiste në botë. Sa i përket pesimizmit, radhës i prinë Libia, Hong Kongu, Jordania dhe Italia

Studimi i fundit i Asociacionit Gallup International në mbarë globin ku merr pjesë edhe Kosova dhe Shqipëria përmes Kantar Index Kosova dhe Be Research, anëtare të këtij asociacioni, nxjerr në pah se 37% e popullatës në botë mbesin optimist se viti i ardhshëm do të jetë më i mirë se ky që po lëmë pas.

Për dekada tani, studimi i fudvitit i Asociacionit Gallup International vazhdon të regjistrojë paradoksin se njerëzit që jetojnë në vende më të pasura kanë tendencë të jenë më pesimistë për vitin e ardhshëm dhe e kundërta, thuhet në hulumtimin e Gallup International.

Indeksi global i shpresës dhe dëshpërimit janë fuqimisht të ndikuara nga mosha dhe niveli i shkollimit – të rinj (deri në moshën 34 vjeç) dhe ata me nivel më të lartë të shkollimit janë dukshëm më optimist. Përkatësia fetare megjithatë nuk duket të jetë faktor vendimtarë me përjashtim të një fakti që njerëzit e fesë hindu janë më optimist nga ‘natyra’.

Kosova në periudhat më të vështira ekonomike dhe politike, për disa vite rresht ishte shteti më optimist në botë, ku 90% e popullatës konsideronin se viti i ardhshëm do të jetë më i mirë se viti paraprak, përderisa sot vetëm 56% e popullatës pajtohen me këtë deklaratë.

Në fakt, këtë vit, niveli i optimizmit në Kosovë ka shënuar ngritje të lehtë në krahasim me tri vitet e kaluara, që mund të jetë si rezultat i ndryshimeve të fundit në skemën politike si rrjedhojë e zgjedhjeve të fundit e megjithatë, indeksi i përgjithshëm i lumturisë në Kosovë këtë vit mbetet pothuajse i njëjtë (62) krahasuar me vitin 2017 (61.

Nē anën tjetër, trendi i nivelit tē optimizmit nē Shqipëri, edhe pse kishte ngritje tē vazhdueshme qē nga viti 2016 deri më vjet, këtë vit ngelet në pozitën e mëhershme.

Indeksi i lumturisë në Shqipëri ka shënuar rënie të dukshme (37) prej 10 njësi krahasuar me indeksin që Shqipëria kishte në vitin 2017, rezultat ky i ndikuar nga trazirat e shkaktuara nga tërmetet dy muajt e shkuar, si dhe nga situata e përgjithshme politike kohëve të fundit.

E megjithatë, qytetarët e Shqipërisë mbesin në grupin e shteteve më optimiste në botë (70%), së bashku me Nigerinë (73%), Perunë (70%), Kazakistanin (67%) dhe Armeninë (62%).

Sa i përket pesimizmit, radhës i paraprinë Libia (76%), Hong Kongu (68%), Jordania (60%) dhe Italia (59%).

Metodologjia:

Studimi i fundit i Gallup International (EoY) është traditë vjetore e iniciuar dhe disenjuar nga udhëheqësia e Dr. George Gallup në vitin 1977. Që nga ky vit, studimi realizohet një herë në vit.

Këtë vit u realizua nga Asociacioni Gallup International në partneritet me ËIN në 46 shtete të botës. Në Kosovë dhe Shqipëri studimi u realizua nga Kantar Index Kosova dhe Be Research.

Mostra dhe realizimi:

Gjithsej 45,676 individ në mbarë botën u intervistuan. Secili shtet u përfaqësua me mostër reprezentative me rreth 1000 të intervistuar ballë për ballë. Margjina e gabimit për këtë studim është +3-5% në nivel të besueshmërisë 95%.

Asociacioni Gallup International (GIA) është asociacioni kryesor për hulumtime dhe këtë vit feston ditëlindjen e 73-të. Për mbi 70 vjet, anëtarët e Gallup International kanë dëshmuar ekspertizë në realizimin e studimeve krahasuese në disa shtete me kualitet të lartë të të dhënave. Anëtarët e asociacionit janë institute dhe kompani kombëtare me renome dhe njohuri të thellë në metodat dhe teknikat e hulumtimeve, burimeve statistikore, zakonet dhe dallimet kulturore në shtetet e tyre dhe janë të përzgjedhur me kujdes nga bordi i asociacionit. Anëtarët e asociacionit, edhe pse vetëm nga një për shtet, bashkëpunojnë në baza ditore duke ndarë njohuritë, risitë në teknikat dhe mjetet hulumtuese, si dhe njohuritë rreth zgjidhjeve më të përshtatshme për projektet dhe problematikat në mënyrë që klientëve tonë t’ju ofrojmë zgjidhjen më të mirë.

Mesazhi emocionues i Tony Blair: Popullit të Kosovës dua t’i them, përjetuat shumë por u rimëkëmbët, vazhdoni rrugën e paqes

Periskopi.com Lajme

Ish-kryeministri britanik, Tony Blair, ka kujtuar momentet kur kishte marrë vendim si kryeministër i Britanisë që vendi i tij t’i bashkohej intervenimit të Kosovë.

Ai nëpërmjet një mesazhi që ka shpërndarë në faqen Tony Blair Institute for Global Change, inkurajon popullin e Kosovës ‘të vazhdojë për ndërtimin e së ardhmes për hir të asaj nëpër të cilën ka kaluar’.

“Në vitin 1999, mora vendim si kryeministër që Britania t’u bashkohej forcave të NATO’s që të ndërhynte në konfliktin në Kosovë, për të parandaluar humbje jetësh, për të mbrojtur të drejtat e njeriut dhe për të siguruar paqe dhe stabilitet në rajon dhe gjithë Evropën. Ndihma që ofrouan forcat e paqëruajtëse të OKB’së me praninë e tyre në Kosovë, mundësuan rikthimin e refugjatëve që ishin zhvendosur gjithandej nga rajoni, dhe u arrit një marrëveshje nga spektri politik”, shkruan Blair.

Ai shkruan tutje:

“Progresi kërkon vendime të vështira për lidershipin. Por e keni bërë këtë edhe më herët dhe mund ta bëni sërish. Kam një besim se Ballkani përfundimisht do t’i tejkalojë sfidat që ka dhe do ta marrë vendin e merituar në botë. Duke reflektuar për gjeneratën e humbur, përcaktimi ynë është të sigurojmë paqe për gjeneratat e ardhshme. Për popullin e Kosovës, dua t’ju them: Keni tejkaluar shumë gjëra, por jeni rimëkëmbur. Tani duhet ta ndërtoni të ardhmen e qëndrueshme për popullin tuaj. Një shtet brenda familjes evropiane. Kam besim se ky vendim do të merret në të ardhmen dhe do të bëhet realitet për Kosovën dhe qytetarët e saj”/Periskopi/