Zbulohet mashtrimi që Erdogan i bëri presidentit Trump

Periskopi.com Lajme

Kurrë mos i beso një turku! Fraza e filmit të njohur “Mesdheu” duket se është ilustruar në praktikën e punës së presidentit amerikan Donald Trump që mesa duket është gënjyer hapur nga homologu i tij turk, Recep Tayyip Erdogan.

Një libër i publikuar së fundmi në SHBA mbi politikën e jashtme të administratës aktuale, nxjerr në pah mënyrën sesi presidenti aktual amerikan vepron për të zgjidhur situata të vështira. Libri quhet “Një gjeni shumë i qëndrueshëm” dhe ka për autorë gazetarët e “Washington Post” Carol Leonnig dhe Philip Rucker. Gazeta izraelite “Haaretz” nxjerr një detaj nga ky libër sipas të cilit Trump i bëri presion kryeministrit Benjamin Netanyahu që të lironte një qytetare turke që akuzohej se ndihmonte Hamasin, sepse një gjë të tillë e kërkonte presidenti turk, Recep Tayyip Erdogan.

…Marrëveshja nisi të merrte formë kur Trump u takua me Erdogan në samitin e NATO-s në Bruksel në fillim të korrikut 2018. Gjatë takimit Erdogan i kërkoi Trump që të bënte presion Izraelit për të liruar Ozkan, e arrestuar disa javë më parë pas hyrjes në Izrael me para të padeklaruara dhe me një celular për operativët e Hamasit. Në këmbim, Erdogan i premtoi Turmp se do të lironte Andreë Brunson, një pastor amerikan që ishte arrestuar në Turqi thuhet në libër.

Mjaftoi kjo dhe një telefonatë e Trump për Netanyahun që çështja të merrte drejtim. Gazetarët shkruajnë se kryeministri izraelit nuk kishte dëgjuar ndonjëherë për shtetasen turke që u lirua të nesërmen.

Lirimi i saj i kapi në befasi zyrtarët izraelitë dhe nuk ishte e qartë menjëherë se pse Trump kishte kërkuar një gjë të tillë, shkruajnë autorët.

E papritura erdhi më vonë. Ndërkohë që Ozkan u lirua me një urdhër verbal nga Trump te Netanyahu dhe ky te autoritetet e veta, Erdogan nuk u nxitua.

Në datën 18 korrik gjykata turke refuzoi apelin për lirimin e Brunson dhe caktoi një datë tjetër për në muajin tetor. Trump shkruajti në tuiter se vendimi ishte një turp i vërtetë. Ai u ndje i mashtruar nga presidenti turk…Në 26 korrik Trump telefonoi Erdogan dhe ishte i zbehtë. Telefonata ishte e shkurtër, me Trump-in që fliste në shumicën e kohës dhe që nuk merrte përgjigjet që donte. Trump pastaj iu kthye tuiterit për të njjoftuar pakënaqësinë e tij. SHBA do të vendosë sanksione të mëdha ndaj Turqisë, shkroi ai raporton gazeta në fjalë.

Do duhej pritur tetori i vitit 2018 që Brunson të lirohej nga burgjet e Turqisë dhe pas kthimit në SHBA ndalesa e parë ishte në Shtëpinë e Bardhë ku bëri një fotografi me Trump që kërkonte të rifitonte mbështetjen e evangjelistëve.

Situata në dukje zbavitëse është premisë për një pyetje: Nëse Erdogan gënjen hapur presidentin e SHBA, sa të vështirë e ka ta bëjë një gjë të tillë me miqtë e shumtë që i zënë derën sa herë kanë nevojë?

 

Ligjvënësit pritet të hetojnë nëse Trump e gënjeu Mueller

Periskopi.com Lajme

Hetuesit e Dhomës së Përfaqësuesve po shqyrtojnë nëse Presidenti Donald Trump gënjeu këshilltarin special Robert Mueller gjatë hetimit në Rusi.

Një avokat i Shtëpisë së Bardhë informoi një Gjykatë Federale për linjën e hetimit në një seancë për të kërkuar materiale nga raporti i Mueller për seancat e fajësisë, njofton Klan Kosova.

Më herët të hënën, Donald Trump tha se po mendonte të dëshmonte para Kongresit.

Hetimi i udhëhequr nga Demokratët deri tani është përqendruar në abuzimin e pretenduar të pushtetit nga Donald Trump në marrëdhëniet SHBA-Ukrainë.

Ligjvënësit kërkuan materiale të klasifikuara të jurisë nga raporti në korrik.

Një gjykatës në tetor e lejoi këtë qasje, megjithëse Departamenti i Drejtësisë apeloi. Siç shkruan BBC, seanca dëgjimore e së hënës ishte për të përcaktuar nëse apeli duhet të bllokojë përkohësisht grantin e mëparshëm të qasjes.

Kongresi ka parë pjesën më të madhe të raportit Mueller – përfshirë disa pjesë të redaktuara – por një material i caktuar i jurisë ka mbetur i fshehtë

Donald Trump cakton të dërguarin e tij në bisedimet Kosovë-Serbi

Periskopi.com Lajme

Presidenti Donald Trump ka caktuar Ambasadorin e SHBA-së në Gjermani, Richard Grenell, si të dërguarin e tij për bisedimet e paqes Kosovë-Serbi.

Lajmi i dhënë nga Shtëpia e Bardhë, të enjten në darkë, 4 tetor, nuk ndryshon statusin e Grenellit që do të vijojë të jetë ambasador në Berlin.

Kjo lëvizje është shenjë se SHBA është e vendosur të arrijë një sukses të ri diplomatik në Ballkan, të ngjashëm po shumë më të vështirë se marrëveshja mes Greqisë dhe Maqedonisë së Veriut.

SHBA është përkrahësja më e madhe e pavarësisë së Kosovës dhe mbrojtësja kryesore në kuadrin e NATO-s të sigurisë së saj territoriale. Synimi amerikan është që konflikti të mbyllet edhe zyrtarisht, me njohjen e Kosovës nga Serbia.

FIllimi i dialogut do të presë krijimin e një qeverie të re pas zgjedhjeve të kësaj jave në Kosovë. Po dialogu është vështirësuar shumë nga përpjekjet e ethshme të Serbisë për të bindur vende të ndryshme të botës për të tërhequr njohjen e pavarësisë së Kosovës si dhe tarifa me vlerën 100% që qeveria kosovare ka vendosur për mallrat serbe.

Hipotezat se Kosova do të duhet të japë një pjesë të territorit për të fituar njohjen nga Serbia ka shkaktuar protesta e shqetësim në Kosovë. Nga ana tjetër mundësia e njohjes së Kosovës ka nervozuar Kishën Ortodokse Serb edhe nacionalistët në Serbi që shpresojnë se situata ndërkombëtare mund të përmbyset në favor të tyre.

Gati 100 shtete të botës e njohin Kosovën tani, 23 nga 28 vende anëtare të BE-së, përfshi edhe shumica e vendeve fqinje. Ajo që e rrezikon më shumë situatën është përpjekja ruse për ta mbajtur të gjallë konfliktin në rajon.

Të paktën një nga diplomatët e njohur të Kosovës e përshëndeti vendimin menjëherë. “Urime dhe fatin më të mirë @RichardGrenell”, shkroi në rrjetin Tuitër, kolegu i tij, Ambasadori i Kosovës në Gjermani, Beqë Cufaj. “Jam i sigurtë që miku im, Richard Grenell do të bëjë një punë të mirë. Koha ka ardhur që Serbia ta njohë Kosovën dhe një marrëveshje të arihet mes të dy vendeve që do të sjellë paqe dhe zhvillim në Balkan.

Mike Pompeo mund të zëvendësojë John Boltonin

Periskopi.com Lajme

Vetëm një ditë pasi presidenti Donald Trump shkarkoi Këshilltarin e Sigurisë Kombëtare, John Bolton, zyrtarët e administratës po diskutojnë mundësinë e zëvendësimit të tij me rivalin e tij kryesor, Sekretarin e Shtetit Mike Pompeo.

Sipas këtij skenari, diplomati i lartë i vendit do të marë rolin e Këshilltarit të Sigurisë Kombëtare dhe do t’i bëjë të dy punët, sipas një zyrtari të lartë të administratës dhe një burimi që ka njohuri për këtë, njofton Klan Kosova.

Kjo do ta bënte Pompeon personin e dytë në histori që ka dy pozita në të njëjtën kohë.

I pari është Henry Kissinger, i cili ishte Këshilltari i Sigurisë Kombëtare të presidentit, Richard Nixon, kur u emërua sekretar i shtetit në 1973 dhe i mbajti këto pozita për dy vjet.

Nuk është ende e ditur se sa seriozisht Trump po e konsideron këtë mundës dhe një burim i njohur me procesin thotë se Pompeo i ka dhënë presidentit një listë të emrave të tjerë për t’u marrë parasysh.

Të mërkurën, kur u pyetën për zgjedhjet e tij më të mira për të zëvendësuar Boltonin, Presidenti tha: Unë kam pesë njerëz që e dëshirojnë shumë atë rol … Pesë njerëz që i konsideroj njerëz shumë të kualifikuar, të mirë.

Shtëpia e Bardhë konfirmon: Trump shqyrton blerjen e Grenlandës

Periskopi.com Lajme

Këshilltari ekonomik i Shtëpisë së Bardhë Larry Kadlow konfirmoi sot se presidenti Donald Trump “dëshiron të marrë në konsideratë” blerjen e Grenlandës, megjithëse ishulli, i cili është pjesë e Mbretërisë së Danimarkës, është raportuar se nuk është në shitje.

Kudlow tha për Fox News Sunday se ai nuk dëshiron të parashikojë se çfarë mund të ndodhë, por tha se Grenlanda, e vendosur midis Atlantikut dhe Oqeanit Arktik, është një vend strategjik me “shumë minerale të vlefshme”.

Pasi gazeta ‘Wall Street Journal’ kohët e fundit njoftoi se Trump ishte i interesuar të blinte Grenlandën nga Mbretëria e Danimarkës, shefja e diplomacisë së Grenlandës tha se ky ishull nuk është në shitje.

Ndryshe, Grenlanda mbulon një sipërfaqe prej 2 milionë e 166 mijë e 86 kilometra katrorë, pjesa më e madhe e së cilës është e mbuluar nga akulli i përhershëm, transmeton KosovaPress.

Me një popullsi prej 56,480 banorësh në vitin 2013, është territori më pak i dendur për nga popullsia në botë. Një e treta e popullsisë jeton në kryeqytetin Nuuk. Shumica e popullsisë përbëhet nga Inuit, paraardhësit e të cilëve u zhvendosën në shekullin 13 nga tokat e brendshme të Kanadasë.

Daçiq thotë se do t’i organizojë serbët që ta votojnë Trumpin, shkak Kosova

Periskopi.com Lajme

Ministri i Jashtëm serb Ivica Daçiq ka njoftuar se do t’i organizojë serbët që jetojnë në Shtetet e Bashkuara të Amerikës të votojnë Donald Trumpin në zgjedhjet presidenciale të vendit.

Ai për Telegrafin serb thotë se “po të vepronin me zgjuarsi, kjo do t’i krijonte një pozitë më të mirë në administratën e re në Washington.

Sipas gazetës, kjo do të jetë vetëm një pjesë e një ofansive të fuqishme diplomatike të nisur nga Serbia këtë vjeshtë mbi Kosovën, kryesisht në Amerikë, transmeton Klan Kosova.

“Serbia tani është në një pozitë shumë më të mirë sesa ishte në të kaluarën. Tani, ekziston një vullnet në Washington për të dëgjuar pikëpamjet tona. Megjithatë, kjo nuk do të thotë që ne do të ndalemi këtu, por do të intensifikojmë përpjekjet tona për të forcuar pozicionet tona, për të rritur numrin e miqve që kemi në Amerikë, në mënyrë që sa më shumë senatorë dhe kongresmenë, njerëz në poste drejtuese, të jenë me ne”, tha kryediplomati serb.

Sipas tij, Amerika po hyn në një vit zgjedhor dhe kjo është një mundësi që duhet ta shfrytëzojnë.

“Konkretisht, si ministër i jashtëm, unë do të aranzhoj mbështetjen për Trumpin në zgjedhjet e ardhshme. Serbët në Amerikë e votojnë Trumpin sidoqoftë. Nëse e bëjmë këtë me zgjuarsi, nëse i kombinojmë ato pak vota, ne do të krijojmë një pozitë më të mirë në administratën e re. Në kohën e duhur, shqiptarët e bënë , bashkuan zërat e diasporës së tyre”.

“Për shembull, Engel, i cili ka qenë lobist i tyre për vite me radhë, ka një bazë të qëndrueshme të zërave të sigurtë shqiptarë dhe nuk duhet befasuar që mbron me zemër interesat e shqiptarëve, pasi ato zëra janë të rëndësishëm për të që të zgjidhet në detyrë”.

“Ne duhet të bëjmë të njëjtën gjë, në zgjedhjet e ardhshme për t’i ndihmuar serbët ta shohin qartë Trumpin, i cili do të jetë një ndihmë e madhe për vendin dhe interesat për të cilat lufton “, theksoi Daçiq, transmeton Klan Kosova.

Sipa kësaj gazete janë rreth 650,000 serbë që jetojnë në Shtetet e Bashkuara të Amerikës./

Trump i vë 10 përqind ‘taksë’ shtesë Kinës në produktet e saj

Periskopi.com Lajme

Amerika do ta rrisë tarifën e shpallur ndaj produkteve të Kinës.

Këtë e ka konfirmuar Presidenti Donald Trump përmes llogarisë së tij në Twitter ku ka thënë se do nga një shtatori do të ketë një tarifë shtesë prej dhjetë përqind për produktet që importohen nga Kina në SHBA.

“Derisa bisedimet të zgjashin SHBA do të fillojnë nga 1 shtatori vënien e një tarife shtesë prej dhjetë përqind për të mira dhe shërbime në vlerë prej 300 miliardë dollarësh”, ka thënë Trump.

“Kjo nuk përfshinë mallrat në vlerë 250 miliardë dollarë që janë tarifuar me 25 përqind”.