“Dreka e thjeshtë” në Prevallë siç e quajti zëvendëskryeministri Haki Abazi, por zyrës së kryeministrit Albin Kurti i kushtoi mbi një mijë euro.

Gazeta Insajderi, bazuar në të drejtën për qasje në dokumente publike ka siguruar dy faturat që qeveria kishte paguar për takimin e mbajtur dy javë më parë në Prevall. Fatura e parë, kap shifrën 850 euro derisa fatura e dytë 525 euro. Por për çfarë u shpenzuan këto para?

Me 29 shkurt, kryeministri Albin Kurti kishte mbledhur kabinetin e tij prej 50 personash. Ai kishte caktuar vendtakimin në zonën turistike Prevall, për të diskutuar për planin qeverisës.

Takimi gjithë ditor në hotelin “Sharr”, i Kurtit me varësit e tij zgjati tetë orë. I tërë ky organizim i Kurtit, sipas zyrës së tij i kushtoi 1 mijë e 375 euro.

Gazeta Insajderi, ka siguruar dy faturat që zyra e Kurtit i ka paguar atë ditë.

Vetëm dreka për ministrat, stafin mbështetës dhe sigurimi i afërt të kryeministrit në këtë hotel luksoz kishte kushtuar Zyrës së Kryeministrit 750 euro, kurse shfrytëzimi i sallës kishte kushtuar 100 euro, shkruan Gazeta Insajderi.

Sipas kësaj fature, shujta ditore ka kushtuar 15 euro. Kabineti i qeveris përbëhej nga 50 persona, për të cilët u shpenzua 750 euro.

Menjëherë pas përfundimit të takimit, zëvendëskryeministri Haki Abazi, pati thënë se qëndrimi në sallën e hotelit iu ka kushtuar 150 euro, si dhe sipas tij dreka që e kanë konsumuar ka qenë e thjeshtë.

“Unë e di që na ka kushtuar 150 euro sallë ku kanë qëndruar gjatë gjithë ditës ministrat, stafi mbështetës dhe për pjesën tjetër, është një drekë e thjeshtë të cilën e kanë konsumuar ministrat bashkë me stafin dhe këtu përfundon e gjithë kostoja. Sigurisht se do ta bëjmë publike. Natyrisht e kemi zgjedh një vend brenda Kosovës që është Prevalla dhe ku është mundësuar punë produktive për të gjithë pjesëtarët e kabinetit qeveritar”, tha ai.

Në këtë takim përveç drekës së Qeverisë Kurti, dreka dhe kafe ishin shërbyer edhe për vozitësi, shërbimi policorë të Kosovës dhe mbrojtja e ministrave.

Edhe shujta e tyre kishte kushtuar 15 euro, ky staf përbehej nga 35 persona, e ku Zyrës së Kryeministrit i kushtoi 525 euro.

Bazuar në përgjigjen e zyrës së kryeministrit, në këtë hotel ishin rezervuar salla për gjithë ditën si dhe dreka për kabinetin qeveritar, stafin mbështetës, zyrtarët nga ZPS, stafin Teknik, sigurimi i afërt të kryeministrit, vozitësit dhe mbrojtja e afërt e ministrave si dhe për shërbimin policor të Kosovës.

Kjo mbledhje filloi në orë 9 të mëngjesit. Kabineti i Qeverisë Kurti kishte marrë rrugën për në Prevallë në orët e hershme të mëngjesit të së shtunë, të 29 shkurtit. Krejt kjo për të arritur dakordim për planin qeverisës 2020-2023. Kurti, pas pesë orësh takim kishte shpalosur draft programin qeverisës i cili kishte 41 faqe

Zëvendëskryeministri i parë i Kosovës, Avdullah Hoti, ka bërë të ditur se për çka do të diskutohet sot në takimin qeveritarë që është duke u zhvilluar në Prevallë.

Ai ka thënë se në këtë takim do të diskutohet për Programin Qeverisës 2020-2023.

“Në këtë program reflektohet plotësisht marrëveshja e koalicionit, ku janë të specifikuara masat që do t’i ndërmarrim për të rritur punësimin, për kujdes social gjithëpërfshirës, për arsim e shëndetësi cilësore, rend e ligj për të gjithë, mbështetje për bujqësinë, diplomaci të fortë, kujdes për mergatën tonë dhe çështje të tjera”.

Presidenti i Kosovës, Hashim Thaçi ka publikuar fotografi nga Prevalla dhe bjeshkët e Sharrit.

“Vapën e ditës së sotme, më së miri e mund vreskia e Prevallës dhe e bjeshkëve të Sharrit. HTH”, shkruan ai në FB, përballë fotografive që ka publikuar.

Ndërkohë, mediat serbe kanë raportuar se presidenti Thaçi po pushon ‘në një plazh të tërë veç për vete’. Sipas mediave serbe, Thaçi po kalon pushimet në Bordum të Turqisë në një pallat ultraluksoz.

Mirëpo, Thaçi s’qenka në Bordum të Turqisë, por në Prevallë./Periskopi/

Presidenti i Shqipërisë, Ilir Meta po vazhdon të paraqitet komik me deklaratat dhe veprimet e tij. Pas paralajmërimit se në Ballkan do të ketë tërmet apokaliptik, ai ka shkuar në malet e Prevallës për të kaluar disa ditë pushimi. Por kjo nuk është e çuditshmja…

Meta në profilin e tij në Facebook ka publikuar një video teksa si fëmijë kënaqet duke kaluar gurët në ujë të Prevallës. E asaj videoje ia bashkëngjit një shkrim për krizën politike në Shqipëri, duke sulmuar Edi Ramën.

‘’Mirëmëngjes të dashur miq!

Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?Ju uroj një fundjavë të mbarë’’, është postimi i Metës.

Ai nuk resht së publikuari pamje nga Prevalla. Edhe sot, me mëngjes e ka shfaqur një fotografi me krejt familjen.

Ilir Meta para disa ditësh doli me një deklaratë qesharake se do të ketë tërmet apokaliptik, duke iu referuar një sizmologu grek, i cili pastaj e demantoi presidentin.

Sizmiologu i vjetër grek, Akis Tselentis, drejtor i Institutit Gjeodinamik Observatori Kombëtar të Athinë, ka çmontuar alarmin e Metës, i cili çuditërisht kërkonte mbledhjen e Këshillit të Sigurisë Kombëtare.

“Asnjëherë nuk kam bërë asnjëherë asnjë parashikim specifik për tërmete. Unë nuk kam bërë asnjë parashikim. Asnjëherë nuk kam qenë në kontakt me presidentin tuaj. E gjitha kjo është fake (e rremë) dhe qesharake”, tha ai./PERISKOPI/

https://www.facebook.com/ilirmetazyrtar/videos/418132678797083/

 

 

 

Një zjarr masiv përfshiu sonte një restaurant të njohur në Prevallë.

Detaje për zjarrin ka dhënë zëdhënësi i Policisë së Rajonit të Prizrenit, Vesel Gashi. Ai për Indeksonline ka theksuar se nuk ka të lënduar.

“Bëhet djalë për restaurantin ‘Te Syla’, njësitet e zjarrfikësve gjenden në vendin e ngjarjes së bashku me njësitet policore, po ashtu edhe një ekip të KEDS-it. Nuk raportohet për të lënduar, vetëm për dëme materiale”, ka thënë Gashi.

Sipas tij, njësitet e përmendura ende janë në vendin e ngjarjes dhe zjarri është nën kontroll.

 

Një laurë do të vendoset edhe në Qendrën Turistike në fshatin Bogë të Komunës së Pejës.

Ministria e Mjedisit dhe Planifikimit Hapësinor ka marrë vendim që edhe në Qendrën Turistike në Bogë dhe në atë në Prevallë të vendoset një taksë e njëjtë sikurse në Brezovicë, raporton KTV.

Shumë shpejt kjo pjesë turistike e Kosovës do të bëhet me pagesë.

Ministria e Mjedisit ka paralajmëruar se kjo pagesë do të bëhet për arsye të sigurimit.

Qytetarët, të cilët e shfrytëzojnë këtë pjesë, shprehen skeptikë për pagesën në këtë vend turistik.

Ndërsa, disa qytetarë të tjerë thonë se së pari duhet të investohet në këtë pjesë, pastaj të vendoset taksë.

Disa biznese këtu në Bogë, prapa kamerës kanë thënë se nuk është në rregull të vendoset taksë, pasi shumica e investimeve aty janë nga vetë bizneset private.

Kurse, laura në Qendrën Turistike në Brezovicë ishte vendosur në janar të vitit 2018 nga Ministria e Mjedisit dhe Planifikimit Hapësinor./Koha.net

https://video.gjirafa.com/hyrja-ne-boge-e-prevalle-do-te-behet-me-pagese

Ky është rrëfimi pozitiv i një njeriu të fortë.

https://www.facebook.com/Ora7Official/videos/490139114806020/

Kompania Kosovare për Distribuim dhe Furnizim me Energji Elektrike, KEDS, ka bërë vendosjen e rrjetit të ri elektrik në Prevallë.

Nga ky invesitm kanë përfituar rreth 100 shtëpi të kësaj ane, ndërsa me implementimin e njehsorëve PLC, pritet të zvogëlohet dukshëm edhe humbjet komerciale në rrjet.

KEDS ka vendosur afër 45 shtylla të reja të betonit për tension të ulët dhe ka shtrirë rreth tre kilometra kabllo elektrike.

Prevalla është pikë e rëndësishmë e turizmit në Kosovë. Ky vend tërheq numër të madh të vizitorëve në çdo stinë.

Ditë më parë, KEDS ka investuar edhe në fshatin Shkrel të Rugovës. Edheai projekt pritet që të ndihmojë zhvillimin e turizmit në atë pjesë.

Zëdhënësi i KEDS-it, Viktor Buzhala, thotë se projekti në Prevallë siguron cilësi shumë më të mirë të energjisë elektrike për banorët e zonës.

“Ndërrimi i rrjetit në Prevallëështë bërë në mënyrë që të ofrohet furnizim shumë më i mirë me energji elektrike, por është projekt i rëndësishëm kur kemi parasysh faktin se Prevalla është destinacion turistik”, thotë Buzhala.

Plani Zhvillimor i Rrjetit të Shpërndarjes është një master plan i KEDS-it që parasheh investimin e 300 milionë eurove në rrjetin distributiv elektrik të Kosovës deri në vitin 2025.

Përmes këtij master plani KEDS mëton të rinovojë rrjetin elektrik dhe ta bëjë atë të ngjashëm me rrjetet elektrike të shteteve të zhvilluara evropiane

Ndotja e ambientit në Kosovë po mbetet problematikë që kërkon zgjidhje.

Së fundmi mbeturina dhe ndotje janë parë edhe në rrugën Brezovicë-Prevallë.

Aty shihen goma veturash të hedhura, pelena a të foshnjave, shishe plastike dhe mbeturina të tjera që duket se janë hedhur nga kalimtarë andej.

Prevalla, një vend me natyrë të mrekullueshme dhe e vërtetuar për efekte shëruese, është kthyer në një katrahurë, raporton KTV.

Aty janë vendosur lodra të ndryshme me qëllim të përfitimit nga vizitorët kryesisht nxënës që vijnë për vizitë.

Veç kësaj, këtij peizazhi bukurinë po ia humb edhe vendosja e këtyre kamp-shtëpizave.

Tashmë afati kur është dashur vetë pronarët t’i largojnë këto kamp-shtëpiza ka kaluar. Drejtori i kësaj Agjencie, Bajram Kafexholli, ka thënë se javën e ardhshme bashkë me Inspektoratin, do të dalin në teren për t’i larguar ato.

Gjatë qëndrimit të ekipit të KTV-së asnjë nga pronarët nuk ka qenë në këto kamp-shtëpiza. Pavarësisht kësaj, disa vizitorëve nga Dubai nuk po iu pengon kjo pamje jo edhe aq e mirë.Sidoqoftë, lëndët kundër pronarëve të këtyre kamp-shtëpizave do të paraqiten në gjykatë, ndërsa do të detyrohen që t’i kryejnë edhe shpenzimet e nevojshme.