Tag: pritje ne kufi
Deri katër orë pritje rrugës për në Shkup
Gjatë ditës së sotme ka pasur deri katër orë pritje në rrugën alternative që është hapur për në Shkup, nëpër një pjesë të malit, për shkak të punimeve në rrugën nacionale Kaçanik-Hani i Elezit, e cila lidh pikën kufitare me Maqedoninë.
Kjo rrugë hapet vetëm një orë gjatë ditës. Në fotografitë e siguruara nga KosovaPress shihet tollovia dhe kolonat e krijuara në këtë rrugë.
Me datën 22 dhjetor Ministria e Infrastrukturës kishte njoftuar se kjo rrugë ishte hapur për qarkullim, duke ritheksuar se qarkullimi rrugor mund të zhvillohej pa pengesa.
Lajm i mirë për mërgimtarët
Në pikë-kalimet kufitare në dalje dhe hyrje të territorit të Kosovës, gjendja sot është përmirsuar dukshëm dhe pritjet janë më të shkurtra.
Në bazë të dhënave të fundit, në pikë-kalimin kufitar të Vërmicës qytetarëve për të hyrë në Kosovë u duhet të presin deri në 20 minuta.
Gjendje dukshëm e përmirësuar vërehet edhe në Merdare, ku pritjet për të hyrë dhe dalë nga territori i Kosovës arrijnë deri në 10 minuta.
Kujtojmë se në pikë-kalimin kufitar të Merdares, pritjet e qytetarëve për të dalë nga territori i Kosovës gjatë kësaj jave shkonin deri në pesë orë.
E as në Jarinje, qytetarëve nuk po u duhet të presin shumë për të dalë ose hyrë në territorin e vendit.
Aty kolonat e veturave arrijnë deri në 20 metra, ndërkaq që pritjet shkojnë deri në 15 minuta.
E për pritjet e gjata të shkaktuara kohëve të fundit nëpër pikë-kalimet kufitare, MPB-ja po fajëson edhe palën serbe.
Zëvendësministri i Punëve të Brendshme, Isa Xhemajlaj tha të enjten për lajmi.net se një pjesë të fajit e ka edhe pala serbe me kontrollet e tyre të panevojshme.
Sipas tij, shkaktar për një gjë të tillë është edhe fluksi i madh i njerëzve gjatë sezonit të verës, fluks ky që ka gjetur të papërgatitur palën kosovare.
Mërgimtarët po kthehen, deri në pesë orë pritje në Merdarë për të dalë nga Kosova
Kolonat e gjata dhe pritjet në pikëkalimet kufitare të Kosovës po vazhdojnë edhe këtë mëngjes.
Sipas të dhënave zyrtare nga Qendra Kombëtare për Menaxhim Kufitar, në orën 08:07 të mëngjesit, pritjet për të dal nga Kosova në pikëkalimin kufitar të Mërdares janë pesë deri në pesë orë e gjysmë.
Kurse kolonat në hyrje janë të gjata deri në 100 metra, e në dalje 1700 metra.
Pas Merdares, pritjet janë të gjata për të dal nga pikëkalimi i Dheut të Bardhë, deri në 120 minuta, apo dy orë.
Kujtojmë se ka pasur raste kur pritjet nëpër kufij kanë qenë deri në 10-11 orë, për çka janë ankuar shumë mërgimtarët që vijnë për pushime në Kosovë.
Mërgimtarët po presin deri në pesë orë në Merdare
Kolonat dhe pritjet e gjata po vazhdojnë të jenë prezentë edhe sot në pikëkalimet kufitare të Kosovës.
Si zakonisht kur gjatë ditëve të verës numri i qytetarëve që vijnë në Kosovë dhe dalin nga vendi rritet, njëjtë po ndodh edhe aktualisht, shkruan Indeksonline.
Sipas të dhënave nga Qendra Kombëtare për menaxhim kufitar, në pikëkalimin kufitar të Mërdares si zakonisht pritjet janë më të gjata.
Figuron që për të dal nga Kosova duhet të pritet deri në pesë orë apo 230-300 minuta, kurse për të hyr një orë e gjysmë apo 90 minuta.
Sa i përket kolonave, në hyrje të Mërdares janë 30-40 metra, kurse në dalje 1200-1300 metra.
Pikë tjetër kufitare më e ngarkuar është Dheu i Bardhë dhe Muçibaba me nga një orë në hyrje dhe katër orë në dalje.
Mërgimtarët po presin deri në katër orë për të dalë nga Kosova
Kufiri mes Kosovës dhe Serbisë vazhdon të jetë i mbi ngarkuar.
Në Merdare për të hyrë në Kosovë pritja është deri në 3 orë e 20 minuta ndërsa për të dal nga Kosova pritjet janë deri në 4 orë.
Pushimi i mërgimtarëve në Kosovë pothuajse për çdo vit është duke u shoqëruar me ‘tortura’ për të hyrë në Kosovë si dhe për të dal nga ajo.
Institucionet e Kosovës vazhdojnë të akuzojnë palën serbë për pritet e gjata në kufi.
Lajmi i fundit nga pika kufitare në Merdarë – Vazhdojnë pritjet e bashkëatdhetarëve
Pika kufitare më e frekuentuar vazhdon të mbetet ajo në Merdare, në këtë sezonë kur numri i bashkatdhetarëve që vijnë në Kosovë për pushime është i madh.
Derisa para një ore për të hyrë në Kosovë nuk kishte pritje më të gjata sesa 5-10 minuta, kolona tashmë ka filluar të krijohet.
Sipas të dhënave të fundit të përditsuara nga Qendra Kombëtare për Menaxhimin e Kufijve, pritjet momentalisht janë nga 30 deri në 40 minuta, për të hyrë në Kosovë.
Mërgimtarët sërish mbesin rrugëve, kolonë deri në katër kilometra nga Kroacia në Serbi
Tashmë ka filluar sezona kur nisin pushimet, e mërgimtarët ia mësojnë Kosovës, raporton Periskopi.
Por, edhe këtë vit – ngjashëm si herave të tjera, ata po përballen me kolona të gjata teksa po kalojnë nëpër vende të ndryshme të BE’së.
Së fundmi është publikuar një fotografi e cila thuhet se është bërë rrugës nga Kroacia për në Serbi.
Mërgimtarët që kanë kaluar asaj rruge sot kanë bërë të ditur se është krijuar kolonë e gjatë deri në katër kilometra.
Si rrjedhojë, ata po presin me orë të tëra. /Periskopi
