KESCO dhe Qatar Charity nënshkruajnë marrëveshje për subvencionimin e 866 familjeve me jetimë

Periskopi.com Lajme

KESCO dhe Qatar Charity kanë nënshkruajnë të enjtën Memorandumin e Mirëkuptimit për subvencionimin e 866 familjeve me jetimë. Kjo organizatë humanitare ka vendosur që të bëjë subvencionimin e furnizimit me energji elektrike të këtyre familjeve për një vit.

I pranishëm në ceremoninë e nënshkrimit ka qenë edhe shkëlqesia e tij, ambasadori i Katarit për Shqipëri dhe Kosovë, z. Ali bin Hamad.

“Ngjarja e sotme tregon përkushtimin tonë në ndërtimin e marrdhënieve sa më të mira me Kosovën. Tutje, në jemi të përkushtuar që këto marrëdhënie vëllazërore të forcohen edhe më tepër në të ardhmen”, tha Ambasadori Hamad.

Në emër të KESCO-s ka nënashkruar Drejtori i Furnizimit, z. Huseyin Ozen. “Ne jemi të lumtur dhe të nderuar që po nënshkruajmë këtë Memorandum të Mirëkuptimit me Qatar Charity, një organizatë e fuqishme botërore.  Kjo ndihmë është e mirëseardhur për këto famijle dhe do ti ndihmojë këto familje që janë në gjendje të vështirë”, tha z. Ozen.

Në emër të Qatar Charity ka folur përfaqësuesi nga Katari, z. Nawaf Al- Hamad. Ai theksoi se këto nuk janë aktivitetet e vetme humanitare që kjo organizatë ka bërë në Kosovë. Vlera e përgjithshme e donacioneve për vendin tonë kap shifrën prej 25 milionë eurosh.

Aktin e sotëm e ka përshëndetur edhe zëvëndësministri i financave, Z. Ilir Kapiti.

“Falënderoj në emër të Qeverisë së Kosovës shtetin e Katarit për këtë ndihmë. Marrëdhëniet tona janë jashtëzakonisht të mira dhe jemi të përkushtuar ti avancojmë ato”, tha z. Kapiti.

Qatar Charity është ndër organiziatat humanistare më të mëdha të botës dhe operon në shumë vende.

 

 

 

Shpërndahen pako ushqimore për 250 familje skamnore të Ferizajt

Periskopi.com Lajme

Drejtoria Komunale e Shëndetësisë dhe Mirëqenies Sociale në Ferizaj në bashkëpunim me organizatën “Qatar Charity”, në prag të festës së Fitër-Bajramit, ka ndihmuar rreth 250 familje skamnore me pako ushqimore.

Lista e familjeve të përzgjedhura për të ndihmuar u bë nga Qendra për Punë Sociale në Ferizaj.

Me këtë rast u vlerësua lart kontributi i kësaj organizatë që ndihmoi këto familje në prag të Festës së Bajramit.

Familjet që gëzuan këto ndihma kanë falënderuar këtë organizatë dhe Komunën e Ferizajt që sadopak po i ndihmon me rastin e kësaj feste.