West Ham po e transferon lojtarin më të fortë në FIFA 19 për një shumë të majme

Periskopi.com Sporti

Planet e trajnerit të West Hamit, Manuel Pellegrini, për edicionin 2019/20 pësuan një goditje të madhe muajin e kaluar kur Marko Arnautovic kërkoi largimin nga klubi.

Sulmuesi austriak ishte top golashënuesi i “Çekanëve” fushatën e kaluar dhe kishte nënshkruar kontratën e re në janar.

Sidoqoftë, West Hamit nuk i mbeti shumë zgjidhje pos ta shesë yllin e skuadrës te Shanghai SIPG për vetëm 25 milionë euro, transmeton Periskopi.

Tani, më pak se një muaj para mbylljes së afatit kalimtar, West Hami është në kërkim të një transferim kualitativ.

Por kërkimi i londinezëve duket se ka përfunduar, pasi “BBC Sport” po raporton se është arritur marrëveshje 50 milionëshe për transferimin e yllit të Eintracht Frankfurtit, Sebastian Haller.

25-vjeçari, i cili më herët përfaqësoi Francën për grupmoshat U21, shënoi 20 gola në 41 ndeshje për skuadrën gjermane sezonin e kaluar.

Por a e keni ditur se Haller është aktualisht lojtari më i fuqishëm në FIFA?

Sulmuesi ka vlerësimin 98 në fuqi në numrin më të ri të lojës, FIFA 19, që e bën atë futbollistin më të fuqishëm në prodhimin më të ri të lojës së famshme të futbollit. /Periskopi.com/