Madridi vërshohet nga protestuesit kundër bisedimeve me seperatistët

Periskopi.com Lajme

Dhjetëra mijëra protestues kanë marrë pjesë sot në një protestë masive në Madrid, e cila është organizuar nga partitë e qendrës së djathtë, të cilat po e kundështojnë planin e qeverisë spanjolle për t’i ulur tensionet në rajonin e Katalonisë përmes negociatave, shkruan BBC.

Protesta është organizuar nga Partia Popullore dhe partia “Qytetarët”, të cilat reaguan pasi kryeministri i Spanjës, Pedro Sanchez, ua mundësoi separatistëve katalanë një raund bisedimesh për zgjidhjen e çështjes së tyre.

Partitë djathtiste po e vlerësojnë këtë ofertë të kryeministrit spanjoll si tradhti dhe dorëzim para kërkesave të separatistëve. Megjithatë, përfaqësuesit e separatistëve e kanë refuzuar ofertën e qeverisë.

Protestuesit e kanë mbushur sheshin në qendër të Madridit dhe rrugët afër tij, duke brohoritur “Jetë të gjatë, Spanjë”. Policia ka raportuar se në këtë protestë po marrin pjesë rreth 45 mijë protestues.

 

Separatistët në Ukrainë mbajnë zgjedhje

Periskopi.com Lajme

Separatistë e mbështetur nga Rusia në lindje të Ukrainës po mbajnë zgjedhje, të cilat po konsiderohen nga Kievi dhe Perëndimi si “të paligjshme”.

Shtetet e Bashkuara dhe Bashkimi Evropian thonë se zgjedhjet e sotme të mbajtura në zonat e kontrolluara nga separatistët në rajonet e Donetskut dhe Luhanskut do të pengojnë edhe më tej përpjekjet për t’i dhënë fund konfliktit që ka vrarë më shumë se 10,300 persona, që prej prillit të vitit 2014. Presidenti ukrainas, Petro Poroshenko tha se zgjedhjet “paraqesin edhe një shembull tjetër të aktivitetit subversiv rus”.

Moska mohon se zgjedhjet paraqesin shkelje të marrëveshjeve të Minskut, që kanë për qëllim dhënien fund të dhunës.

Kreu i rajonit të Donetskut, Denis Pushilin, 37-vjeç, pritet që të fitojë në zgjedhjet atje.Ndërkaq, në Luhansk, kreu aktual i këtij rajoni, Leonid Pasechnik, po ashtu pritet të fitojë

Që të dy, si Pushilin dhe Pasechnik kanë premtuar se do të kërkojnë lidhje më të ngushta me Moskën.