MASHT-i skandaloz – greva, përjashtim nga ENQA, dështim në PISA

Periskopi.com Lajme

Viti 2019 e ka përcjellur me dështime edhe Ministrinë e Arsimit, Shkencës dhe Teknologjisë.

Në janar u ndërpre viti shkollor dhe Sindikata e Bashkuar e Arsimit, Shkencës dhe Kulturës hyri në grevë, për shkak të paknaqësisë me paga.

Greva zgjati një muaj dersia SBASHK-u bëri marrëveshje me Qeverinë e Kosovës.

Në shtator, Agjencia e Kosovës për Akreditim u largua nga Asociacioni Evropian për Sigurimin e Cilësisë së Arsimin e Lartë – ENQA.

“Mungesa e konsensusit të gjerë në arsimin e lartë lidhur me rolin dhe aktivitetet e agjencisë si dhe mungesa e resurseve njerëzore dhe financiare për të realizuar aktivitetet e AKA”, u përmendën se janë disa nga arsyet e largimit.

Ndërkohë, arsye kryesore u thanë të jenë ndërhyrjet politike në arsim. Shefja e Zyrës së Bashkimit Evropian në Prishtinë, Nataliya Apostolova, fajësoi qeverinë dhe politikën për këtë situatë.

Zyra e BE-së kujtoi vendimin e ministrit në detyrë të Arsimit, Shyqiri Bytyqi, të marrë me kërkesën e kryeministrit Ramush Haradinaj, për ta shkarkuar Këshillin Shtetëror të Cilësisë në vitin 2017.

“Të qenët anëtar i kësaj organizate nuk ishte vetëm një arritje e madhe për institucionet e Kosovës, por edhe shumë e rëndësishme për të lehtësuar mobilitetin për studentët dhe të rinjtë e kualifikuar të Kosovës. Ndërprerja e anëtarësimit është një kthim prapa dhe pasojë e drejtpërdrejtë e politikave jo të shëndosha në të kaluarën, siç ishte vendimi i qeverisë në shtator të vitit 2017 për të shkarkuar të gjithë Bordin e Agjencisë pa arsyetimin e duhur”, thuhej në reagimin e Zyrës së BE-së.

Ndërsa, MASHT-i u mjaftua duke thënë se e kanë pranuar me shqetësim lajmin se ENQA, ka konstatuar që Agjencia e Kosovës për Akreditim nuk i përmbushë rregullat evropiane për të qenë pjesë e Asociacionit dhe si e tillë nuk mund të jetë pjesë e ENQA-s.

Edhe organizatat joqeveritare në Kosovë, që merren me arsimin, fajësuan politikën dhe keqmenaxhimin e vetë Agjencisë së Kosovës për Akreditim.

Pas kësaj, lajmi i hidhur për arsimin kosovar erdhi edhe pas publikimit të rezultateve të testit PISA.

PISA e rangoi Kosovën të katërtën në listën mes 79 vendeve të botës. Për këtë rezultat zhgënjyes, njohësi i çështjeve të arsimit, Dukagjin Pupovci tha për lajmi.net se problem kryesor në sistemin tonë arsimor është mungesa e përgjegjësisë dhe llogaridhënies.

Ndërsa, kreu i SBASHK-ut, Rrahman Jashari tha se të gjithë janë fajtor për këtë dështim. Sipas tij, duke filluar nga Akademia e Shkencave të Kosovës bashkë me Institutin Pedagogjik dhe të tjerët, duhet të uën dhe të bëjnë një platformë për arsimin në Kosovë.

Por, ministri i Arsimit, Shyqyri Bytyqi nuk pranoi të ishte pjesë e këtij dështimi. Ai u arsyetua duke thënë se nuk kishin kohë të mjaftueshme për t’u përgatitur.

“Nga çka kemi thënë se ne presim rezultate më të mira dhe sot ka disa përmirësime më të mira. Dhe ketë e kemi thënë sepse organizimi ka qenë më i mirë. Tani se kush është përgjegjës ne duhet të diskutojmë në tërësi sepse më së pakti jemi ne, sepse e kemi marrë në kohën vetëm tre muaj para testit. Ne duhet ta shikojmë sistemin arsimor, sepse ky test bëhet në shkollë. Duhet të shikojmë të merremi me kurrikula”, theksoi Bytyqi.

Mirëpo, as kurrikula e re nuk është monitoruar nga askush i MASHT-it edhe pse ka kohë që ka nisur të zbatohet. Madje, askush nuk e di se si punohet në shkolla e as çfarë performance kanë mësimdhënësit.

Që nga viti 2011 ekziston ligji i cili parasheh se të gjithë mësimdhënësit duhet të licensohen, por deri sot ka mbetur vetëm formalitet pasi askush nga MASHT-i nuk ka bërë ndonjë përpjekje që të bëhet vlerësimi i tyre. Skandal i kësaj ministre ishin edhe tekstet shkollore.

Për më shumë se tri javë më parë, lajmi.net ka dërguar pyetje në drejtim të MASHT-it për të gjitha këto çështje, por këta të fundit nuk kanë kthyer asnjë përgjigje

Caktohen datat për afatin e dytë të provimit të Maturës

Periskopi.com Lajme

Ministri i Arsimit, Shkencës dhe Teknologjisë, Shyqiri Bytyqi ka marrë vendim për caktimin e datave të mbajtjes së afatit te dytë të provimit të Maturës Shtetërore 2019.

Sipas këtij vendimi, maturantët do t’i nënshtrohen pjesës së parë të provimit të maturës me datën 30 gusht, ndërsa pjesa e dytë e provimit do të mbahet më datën 7 shtator.

Provimi i Maturës Shtetërore do të mbahet më katër lëndë, tri lëndë obligative dhe një lëndë me zgjedhje.

Këto janë programet e studimeve që janë akredituar dhe ato që NUK janë akredituar

Periskopi.com Lajme

Këshilli Shtetëror i Cilësisë (KShC) i Agjencisë së Kosovës për Akreditim (AKA), me datë 18 Qershor dhe 15 Korrik mbajti mbledhjet e saj nr. 73 dhe 74. Në kuadër të pikave të rendit të ditës u shqyrtuan Raportet Finale për nivelin Institucional dhe atë të Programeve të Studimit, të hartuara nga panelet e ekspertëve ndërkombëtar. Mbi këtë bazë KShC i AKA-së mori vendimet mbi akreditimin e IAL-ve dhe programeve të tyre të studimit.

KShC njofton opinionin publik dhe të gjitha palët se vendimet e marra janë rezultat i punës e cila është e bazuar në përgjegjësitë dhe kompetencat e tyre si organ i vetëm rregullatorë për cilësinë në arsimin e lartë, ashtu siç është e përcaktuar me Udhëzimin Administrativ 15/2018, udhëzim ky hartuar nga Ministria e Arsimit, Shkencës dhe Teknologjisë, së Republikës së Kosovës.

Gjithashtu, KShC sqaron se IAL-të të cilat kanë marrë vendim negativ në vlerësim institucional mund të vazhdojnë punën e tyre me studentët aktual, mirëpo nuk mund të regjistrojnë student të rinj për vitin akademik 2019-2020.

Për të parë listën me vendime për akreditim apo mos akreditim të programeve të studimit, ju lutem klikoni këtu. Ju njoftojmë se pjesa e mbetur e programeve të studimit do të trajtohet në mbledhjet e ardhshme të KShC-së.

Këto lista nuk janë përfundimtare dhe mund të pësojnë ndryshime, varësisht nga rezultatet e procedurës së ankimimit që mund të zhvillohet në shkallë të dytë në Komisionin e Ankesave ndaj vendimeve të KSHC-së.

Bytyqi: Të ndalojmë Serbinë të përdorë terror në sistemin arsimor në Luginë

Periskopi.com Lajme

Ministri i Arsimit, Shkencës dhe Teknologjisë, Shyqyri Bytyqi, ka thënë se qytetarët e Luginës së Preshevës jetojnë në një terror në fushën e sistemit arsimor nga shteti serb, dhe se përmes një rezolute duhet të ndalet një gjë e tillë.

Bytyqi u shpreh se ka një numër veprimesh që duhet të ndërmerren për përmirësimin e gjendjes në Preshevë, Medvegjë dhe Bujanoc.

“Serbia nuk duhet të guxohet të lejohet që të përdor terror në sistemin arsimor, sepse përmes terrorit në sistemin arsimor është duke ndodhur spastrimi etnik në heshtje. Ne sot jemi dy shtete, Kosova dhe Shqipëria dhe në asnjë mënyrë nuk duhet të lejojmë që të kemi spastrim etnik në heshtje. Ajo çka duhet është që të kemi veprime dhe jo vetëm diskutime. Veprimet duhet të jenë të dy anshme, në Kosovë dhe në Luginë. Veprimet që mund të merren në territorin e Kosovës janë shumë më të lehta se ato që shteti duhet t’i marrë për Luginën”, tha ai.

Ai tha se mund të rrisin kuotën për shkollimin e studentëve të Luginës në Kosovë, por shtoi se është shqetësuese pasi nuk dihet nëse këta të fundit do të mund të shërbejnë në Luginë.