Shqipëri-Bjellorusi: Publikohen formacionet zyrtare

Periskopi.com Sporti

Shqipëria do të luajë në orën 16:00 sfidën e fundit të Nations League ndaj Bjellorusisë. Kjo ndeshje do të jetë si një finale pasi do të përcaktojë se cila skuadër do të arrijë në vendin e parë.

Pas fitores ndaj Kazakistanit, kuqezinjtë kërkojnë fitoren e dytë radhazi në “Air Albania” dhe do të kenë dy mungesa të sigurta si Abrashi për shkak pezullimi si dhe Hysaj me Covid-19. Pak minuta më parë janë bërë publike edhe formacionet zyrtare nga të dy trajnerët.

Trajneri Reja ka ulur në stol Kallakun dhe Uzunin duke aktivizuar Laçin dhe Memollën. Në vend të Hysajt dhe Abrashit do të luajnë Dokën dhe Gjasulën.

Shqipëria: Berisha, Doka, Gjimshiti, Veseli, Ismajli, Memushaj, Gjasula, Memolla, Laçi, Manaj, Cikalleshi.

Bjellorusia: Khatkevich, Bordachev, Sachivko, Polyakov, Yuzepchuk, Staasevich, Yablonski, Meavski, Ebong, Skavyash, Lisakovich.

Erdhi dita e ndeshjes vëllazërore, Shqipëri-Kosovë

Periskopi.com Sporti

Shqipëria dhe Kosova zhvillojnë sot një ndeshje miqësore.

Shqipëria dhe Kosova do të zhvillojnë sot një ndeshje vëllazërore për të parë nivelin dhe përgatitjen fizike të lojtarëve para ndeshjeve të rëndësishme në kuadër të Ligës së Kombeve, raporton KosovaPress.

Para ndeshjes, trajneri i Shqipërisë, Edi Reja, theksoi se do të bëjë disa eksperimente në formacionin atartues kundër Kosovës, derisa trajneri i Kosovës, Bernard Challendes, e cilësoi si të panevojshme këtë miqësore në këtë kohe pandemie si dhe para dy sfidave me Slloveninë dhe me Moldavinë.

Si Shqipëria, ashtu edhe Kosova do t’i kenë disa mungesa të rëndësishme për shkak se disa lojtarë që luajnë në ekipe të mëdha evropiane, nuk janë lejuar të udhëtojnë për shkak të rrezikut të infektimit me virusin Covid-19.

Ndeshja zhvillohet me fillim nga ora 16:00 dhe pa praninë e tifozëve.

Shqipëria merr vetëm një pikë në udhëtim te Kazakistani

Periskopi.com Sporti

Shqipëria nuk arriti të fitonte ndaj Kazakistanit, ndeshje kjo e vlefshme për Ligën C në grupin 4, transmeton Periskopi.

Kuqezinjtë e Edi Rejës e kërkuan fitoren me çdo kusht, kjo edhe pas humbjes në ndeshjen e fundit ndaj Lituanisë në “Air Albania”, muajin e kaluar, por nuk e  gjetën.

Shqipëria mund të mbyllte këtë takim me fitore, po mos t’i shpërdoronte shanset e mira Armando Broja, që fillimisht ia largua topi nga vija e golit nga lojtari kundërshtar, e më pas goditi disa herë portën e jashtme.

Në fund, të dy kombëtaret morën nga një pikë, por që tanëve u janë dashur plotë tri.

Kosova e Shqipëria bashkohen edhe në volejboll

Periskopi.com Sporti

Komiteti Olimpik Kombëtar i Shqipërisë ka njoftuar për një tjetër marrëveshje në sport mes Kosovës dhe Shqipërisë.

Pasi u bashkuan në një ligë basketbolli mbrëmë, Kosova dhe Shqipëria kanë bërë sot edhe një tjetër hap.

Federata e Volejbollit të Kosovës dhe Federata e Volejbollit të Shqipërisë janë pajtuar për një ligë të përbashkët, përcjell lajmi.net.

Këtë e ka konfirmuar KOKSH përmes ‘Twitter’.

Ky shihet si një lajm i madh për volejbollin, pasi pritet rritje kualiteti dhe konkurrence. 

Sot shkruhet historia: Kosova dhe Shqipëria bëhen një

Periskopi.com Sporti

Sot do të nënshkruhet marrëveshja. Sot do të hedhet e zeza mbi të bardhën. Sot do të jetësohet ëndrra e shumë shqiptarëve. Sot, është dita vendimtare.

Pas një pune të gjatë dhe intenstive, në Tiranë (ora 19:00), do të nënshkruhet marrëveshja për formimin e Ligës Unike mes Kosovës dhe Shqipërisë.

Një ligë me tetë skuadra. Katër më të mirat nga të dy vendet. Ëndrra e kamotshme bëhet realitet për formimin e një lige mes dy vendeve shqiptare.

Federata e Basketbollit e Kosovës (FBK) dhe Federata e Basketbollit e Shqipërisë (FSHB) kanë punuar një kohë të gjatë për këtë projekt madhor, që sot bëhet realitet.

Marrëveshjen do ta nënshkruajnë, Presidenti i FSHB-së, Z. Avni Ponari, kryetari i FBK-së, Z. Arben Fetahu, në praninë e Znj. Besa Shahini, Ministre e Arsimit, Sportit dhe Rinisë në Shqipëri dhe Znj. Vlora Dumoshi, Ministre për Kulturë, Rini dhe Sport e Kosovës.

I pranishëm në këtë ceremoni do të jetë edhe Kryeministri i Republikës së Shqipërisë, Z.Edi Rama, i cili njëherësh do të zbulojë edhe logon e Ligës UNIKE.

Gjithashtu në ceremoninë e nënshkrimit të marrëveshje do të jetë edhe Presidenti i FIBA Europës, Turgay Demirel.

Demirel, vitin e kaluar kishte qenë në Kosovë për të ofruar përkrahje për basketbollin e Kosovës.

Sadiku fajëson mungesën e VAR: Do të fitonim një penallti

Periskopi.com Sporti

Pas humbjes ndaj Lituanisë, për mikrofonat e “Rtsh” ka folur kapiteni i Kombëtares, Elseid Hysaj, i cili u ndëshkua me karton të kuq dhe është shprehur:

“E kishim përgatitur mirë ndeshjen, ndikoi lodhja nga ndeshja e mëparshme. Humbëm shumë energji. Duhet të ishim të freskët, në 30 metrat e fundit nuk kishim shumë forca. Kjo ndikoi. Personalisht, duke ardhur nga një periudhë e gjatë pushimesh. Ndjeva lodhje fizikisht. U mundova të jap më të mirë, por ata mbrojtjen mirë, nuk na lanë asnjë rast.

Pretendimi për penallti? ”Për mua kishte kontakt. Po të ishte VAR, ndoshta mund të ishte dhe penallti. Arbitri ashtu e pa”, u shpreh Sadiku. /Periskopi.com/

Gabimi katastrofal i Gjasulës i kushton Shqipërisë, të gjitha Kombëtaret me pikë të njejta në grup

Periskopi.com Sporti

Kombëtarja e Shqipërisë u desh të pajtohet me një humbje të dhimbshme me rezultat minimal, 1-0, si nikoqire e Lituanisë, në ndeshjen e vlefshme për Ligën e Kombeve.

Golin e vetëm të ndeshjes e realizoi Kazlauskas në minutën e 51-të, pas një gabimi katastrofal në pasim të Gjasulës, teksa edhe reagimi i portierit, Thomas Strakosha nuk ishte më i miri.

Në vazhdim, kuqezinjtë e kërkuan vazhdimisht golin por nuk e arritën, falë edhe një paraqitjeje fantastike të portierit të Lituanisë, i cili priti një super goditje nga gjuajtja e lirë të Rey Manajt në minutën e 65-të.

Në minutën e 87-të, gjërat u përkeqësuan për Shqipërinë pasi Elseid Hysaj u ndëshkua me kartonin e dytë të verdhë, duke u përjashtuar nga përballja.

Sidoqoftë, fatmirësisht për Shqipërinë, askush nuk kryeson pastër në grup, teksa të gjitha skuadrat kanë nga tri pikë në Grupin 4 të Ligës C.

Kujtojmë se Shqipëria bën pjesë në të njëjtin grup me Kazakistanin, Bjellorusinë dhe Lituaninë. /Periskopi.com/

Shqipëria pëson gol amatoresk kundër Lituanisë, gabim i tmerrshëm

Periskopi.com Sporti

Lituania ka kaluar në epërsi si mysafire e Shqipërisë, në ndeshjen e vlefshme për Ligën e Kombeve.

Kazalauskas ka realizuar në minutën e 52-të, pas një gabimi amatoresk nga futbollistët shqiptarë.

Shikoni golin. /Periskopi.com/

Shqipëria shënon fitore të madhe, mposht lehtësisht Bjellorusinë

Periskopi.com Sporti

Shqipëria ka shënuar fitore të madhe në Minsk duke e mposhtur Bjellorusinë me rezultat të pastër 0:2.

Cikalleshi dhe Bare ishin realizatorët e këtij takimi.

Shqipëria e nis mbarë këtë edicion në Ligën e Kombeve dhe tani radhitet në vendin e parë me tri pikë, aq sa ka edhe Kazakistani.

Skandal dhe huti në Shqipëri: FSHF njoftoi për tri raste pozitive në Kombëtare, ‘korigjon gabimin’ në njoftimin tjetër

Periskopi.com Sporti

Tre lojtarë të kombëtares, më saktë Ramadani, Memolla e Ismajli, kanë rezultuar pozitivë, sipas një njoftimi të vetë Federatës Shqiptare të Futbollit.

Postimi në faqen zyrtare të institucionit është korigjuar menjëherë, por lajmi nisi të bënte zhurmë, duke e detyruar FSHF të nxjerrë një përgënjeshtrim.

Ajo që nuk kuptohet është aludimi për dashakeqësi mediatike, kur në fakt ishte vetë Federata që e nxorri lajmin… ndoshta gabim.

Përgënjeshtrim

Federata Shqiptare e Futbollit përgënjeshtron lajmin e rremë të shpërndarë nga tre media se tre futbollistë të Kombëtares shqiptare kane rezultuar pozitiv në testin e COVID. Ky lajm është i pavërtetë dhe tendencioz. Asnjë lojtar i kombëtares, pjestar i stafit apo anëtar i delegacionit nuk ka rezultuar pozitiv. Bashkëngjitur edhe testet e futbollistëve të përmendur.
I bejme thirrje madias te distancohen nga keto lajme te paverteta dhe mga kjo praktike aspak profesionale. Më poshtë përgjigjet për Ramadanin dhe Memollën.

Shqipëria konfirmon miqësoren që e zhvillon me 7 tetor

Periskopi.com Sporti

Federata Shqiptare e Futbollit ka bërë me dije se kombëtarja shqiptare e futbollit do të luajë ndeshje miqësore ndaj Armenisë më 7 tetor 2020.

FSHF ka arritur tashmë një marrëveshje me Federatën Armene të Futbollit, që kjo ndeshje të luhet në kryeqytetin armen, Jerevan.

Shqipëria dhe Armenia janë përballur 5 herë në ndeshje zyrtare dhe miqësore në historinë e tyre. Ndeshja e parë mes dy përfaqësueseve është luajtur më 9 nëntor 1996 në Tiranë dhe ka përfunduar në barazim 1-1. Sfida ishte e vlefshme për Eliminatoret e Botërorit “Francë 1998”. Takimi i kthimit është luajtur më 6 shtator 1997 në Jerevan dhe u mbyll me fitoren 3-0 për Armeninë.

Shqipëria dhe Armenia u përballën për të tretën herë në një miqësore të luajtur më 14 gusht 2013 në Tiranë, me kuqezinjtë që fituan me rezultatin 2-0.

Gjithashtu, dy përfaqësueset ishin në një grup në eliminatoret e Europianit “Francë 2016”. Në ndeshjen e parë të 29 marsit 2015, luajtur në stadiumin “Elbasan Arena”, Shqipëria fitoi në shifrat 2-1, ndërsa sfida e kthimit e luajtur më 11 tetor 2015 në Jerevan u mbyll me triumfin kuqezi 3-0. Një ndeshje që shqiptarët e mbajnë mend mirë, pasi siguroi kualifikimin e Kombëtares për në finalet e “Euro 2016”.

Përveç miqësores, po në muajin tetor Kombëtarja kuqezi do të zhvillojë edhe dy ndeshje zyrtare të vlefshme për UEFA Nations League, ndaj Kazakistanit në transfertë më 10 tetor dhe ndaj Lituanisë po në transfertë më 13 tetor.

Llogaria zyrtare e UEFA-s rikujton golin historik të Shqipërisë në Euro 2016

Periskopi.com Sporti

Faqja zyrtare e UEFA-s ka kujtuar golin e parë dhe të vetëm të Kombëtaren e Shqipërisë në një Kampionatin Evropian.

Viti 2016 ishte viti kur të gjithë shqiptarët bënë realitet ëndrrën e tyre.

Kombëtarja kuqezi arriti të kualifikohet së pari herë në një Kampionat Evropian apo Botëror.

Ishte pikërisht EURO 2016 i mbajtur në Francë, kampionati i parë që kuqezinjtë arritën të marrin pjesë.

Në atë vit, në atë kampionat evropian, Shqipëria u shortua në grupe me Francën, Zvicrën dhe Rumaninë.

Në dy ndeshjet e parë, me Zvicrën dhe Francën, Shqipëria pësoi humbje duke mos arritur të shënojë fare gol.

Megjithatë, në takimin e fundit me Rumaninë, djelmoshat e trajnerit Gianni De Biassi arritën të fitojnë 1-0 falë golit të Armando Sadikut.

Sadiku ishte shënuesi i parë në ndonjë kampionat për Shqipërinë dhe pikërisht ky gol është kujtuar nga faqja zyrtare e UEFA-s.

 

Kur Shqipëria u shpall fituese e Kupës Ballkanike – ngjarja e parë sportive pas Luftës së Dytë Botërore

Periskopi.com Sporti

Në turnun e parë spotiv në botë të pas Luftës së Dytë Botërore, 1946, Kombëtarja e Shqipërisë ishte shpallur kampion Ballkanik.

Në vitin 1946, kryeqyteti shqiptar Tirana u bë mikëpritëse e edicionit të 8-të të ngjarjes sportive ‘Ballkaniada’, në të cilën morën pjesë Shqipëria, Jogusllavia, Bullgaria dhe Rumania shkruan Periskopi.

Në takimin final të kësaj ngjarjeje, Shqipëria u takua me përfaqësuesen Rumane, të cilën e mundi me rezultat 3 me 1, duke u bërë kështu kampion në Kampionatin Ballkanik të fubollit ose siç njihej ndryshe,’ Ballkaniada’. /Periskopi.com/

 

 

​Të moshuarit në Shqipëri mundësi për të dalë deri në orën 11:00

Periskopi.com Lajme

Të moshuarit në Shqipëri do të kenë sërish sot mundësinë të dalin deri në orën 11:00, ndërkohë që të tjerët do të qëndrojnë në shtëpi si masë parandaluese ndaj përhapjes së COVID-19.

Kryeministri Edi Rama në komunikim me kryebashkiakët e zonave të gjelbra, të premten pasdite, nënvizoi se nesër sërish gjyshërit dhe të moshuarit do të kenë mundësi të lëvizin, vetëm, deri në orën 11:00.

“Domosdoshmëri për të monitoruar, jo vetëm nga Policia e Shtetit, por dhe nga ju, si kryetarë bashkie dhe me gjithë sistemin e kryepleqve që keni, lokalet, mund të tundojnë pronarët të hapin qepenat, por është katastrofë nga pikëpamja e epidemisë. Ai shembulli skandaloz, që unë e solla në vëmendje të gjithëve, për djalin që e merr malli për prindërit dhe që i infekton të dy dhe që i fut në një rrugë që dashtë zoti ia dalin, nuk duhet të ndodhë më”,- theksoi Rama.

“Kush i ka prindërit më vete duhet t’i ruajë dhe ndihmojë duke i çuar ushqimet te dera, jo të futen në shtëpi e t’i përqafojnë, se sado jo njerëzore të duket kjo është e vetmja mënyrë për t’i mbrojtur. Pensionistë në makina në asnjë mënyrë”,- shtoi Rama.

“Është e domosdoshme që pensionistët t’i lehtësojmë, nesër është dita e tyre në gjithë Shqipërinë. Në zonat tuaja të gjelbra, do e kenë lirinë deri ne 8 e 30 edhe gjatë javës, s’do dalë njeri tjetër, do dalin vetëm ata, por jo domino edhe të tjera, sepse rrezikojnë jetën. Dy janë elementët, të moshuarit dhe lokalet. Vizitat nëpër shtëpi nuk kontrollohen me polici, por duhet vullnetarizëm për të zbatuar rregullat. Secili duhet të jetë roje i vetes”,- tha Rama.

Sot pensionistët në Shqipëri mund të dalin për ajrosje

Periskopi.com Lajme

Kryeministri i Shqipërisë, Edi Rama, ka bërë të ditur se sot në qendrat urbane të Shqipërisë do të dalin në këmbë vetëm pensionistët deri në ora 11:00.

Këtë e bëri të ditur Rama me anë të një postimi në rrjetin social Facebook.

Pas këtij këtij njoftimi reagoi edhe Policia e Shtetit, e cila thotë se bazuar në urdhrin e fundit të Kryeministrit të vendit për lejimin e pensionistëve për të dalë ditën e shtunë deri në orën 11:00, Policia e Shtetit do të mirëpresë e asistojë pensionistët, për të respektuar distancimin social.

“Policia e Shtetit kërkon mirëkuptimin e pensionistëve që të mos ulen në grupe nëpër parqe apo lulishte, të mos jenë më shumë se dy persona bashkë dhe pas orës 11:00, duhet të kthehen në banesë. Shërbimet e Policisë do të jenë pranë tyre për çdo rast nevoje që ata mund të kenë”.
Ndërkohë, në të gjithë vendin do të vijojnë kontrollet e pandërprera kryesisht në qendrat urbane, për respektimin e karantinës.

Do të lejohen të qarkullojnë me makinë, të pajisur me autorizim apo në këmbë, në itinerarin shtëpi-punë-shtëpi, pa asnjë ndalesë të gjithë personat që kanë autorizim për të punuar gjatë fundjavës.

Të gjithë të tjerët duhet të respektojnë masat kufizuese për të mos dalë nga banesa deri në orën 05:00 të ditës së hënë, duke përjashtuar lëvizjet për emergjencat mjekësore, shkruan Oranews.

Kosova, një prej tre vendeve ku Shqipëria shënoi uljen më të madhe të eksporteve

Periskopi.com Lajme

Eksportet shqiptare kanë njohur një rënie të fortë në muajin mars, si rrjedhojë e masave të mbylljes së kufijve dhe masave për parandalimin e përhapjes së pandemisë në Shqipëri dhe në vendet e tjera, që çuan në pezullimin e aktivitetit ekonomik në vend.

Instituti Shqiptar i Statistikave (INSTAT) bëri të ditur të premten se volumi i përgjithshëm i tregtisë së jashtme të Shqipërisë pësoi një reduktim me afro një të katërtën gjatë muajit mars 2020, shkruan KOHA.

Italia, Kosova e Greqia janë vendet me të cilat Shqipëria pësoi uljen më të madhe të eksporteve. Në marsin e vitit kaluar, Shqipëria ka eksportuar në Kosovë mallra me vlerë prej 22.5 milionë euro, ndërsa në marsin e këtij viti vlera e mallrave të eksportuara është 12.8 milionë euro, ose 43.1% më pak se e njëjta periudhë e vitit kaluar. Ndërsa me Italinë eksportet shqiptare kanë shënuar një rënie prej 48.5%, ndërsa me Greqinë ka një rënie prej 24.6%.

Rënia e eksporteve drejt Italisë në masën 48% tregon krizën e një prej vendeve më të goditura nga pandemia e koronavirusit në botë. Italia është vendi që ka numrin e dytë më të lartë të infeksioneve në raport me popullsinë pas Spanjës dhe është vendi i parë që urdhëroi të gjithë popullsinë e vendit të mbyllej në shtëpi në Evropë. Edhe për tremujorin e parë të këtij viti, Kosova renditet në tre vendet e para ku Shqipëria ka shënuar një ulje të eksporteve.

 

Menaxheri: Rashica pranoi të luante për Kosovën pasi Shqipëria nuk e mori në Euro 2016

Periskopi.com Sporti

Milot Rashica nuk do ta zgjidhte Kosovën por do të vazhdonte me Shqipërinë, sikur të mos e largonin nga ekipi kombëtar kuqezi i cili mori pjesë për herë të parë në histori në një kampionat evropian më 2016 në Francë, sipas menaxherit të futbollistit të ëerder Bremen, Altin Lala

Anësori nga Vushtrria e kishte lënë kampin e Kombëtares shqiptare në maj të vitit 2016 me lot në sy, pasi trajneri i atëhershëm kuqezi, Giani De Biasi nuk e kishte ftuar në listën përfundimtare të Shqipërisë për Kampionatin Evropian 2016.

Rashica e kishte përfaqësuar Shqipërinë në ekipet kombëtare U17, U19 dhe U21, por i kishte regjistruar vetëm dy paraqitje për ekipin A, para se të refuzohej për ngjarjen historike.

Menaxheri i Rashicës: Miloti do të qëndronte te Shqipëria, sikur ta merrnin në Euro 2016

Milot Rashica nuk do ta zgjidhte Kosovën por do të vazhdonte me Shqipërinë, sikur të mos e largonin nga ekipi kombëtar kuqezi i cili mori pjesë për herë të parë në histori në një kampionat evropian më 2016 në Francë, sipas menaxherit të futbollistit të Werder Bremen, Altin Lala

Anësori nga Vushtrria e kishte lënë kampin e Kombëtares shqiptare në maj të vitit 2016 me lot në sy, pasi trajneri i atëhershëm kuqezi, Giani De Biasi nuk e kishte ftuar në listën përfundimtare të Shqipërisë për Kampionatin Evropian 2016.

Rashica e kishte përfaqësuar Shqipërinë në ekipet kombëtare U17, U19 dhe U21, por i kishte regjistruar vetëm dy paraqitje për ekipin A, para se të refuzohej për ngjarjen historike.

Si pasojë, 23-vjeçari vendosi t’i bashkohet ekipit kombëtar të Kosovës, e cila po atë muaj ishte pranuar në FIFA dhe UEFA.

Rashica debutoi për Kosovën në shtator të atij viti dhe që prej atëherë është shndërruar në një yll te shumëkërkuar, gjë për të cilën Shqipëria mund të jetë penduar.

Por Lala, i cili e përfaqëson Rashicën, thotë se ylli i klubit të Bundesligës sot do të ishte pjesë e Shqipërisë sikur të mos refuzohej.

“Ai u largua nga Shqipëria sepse nuk e morën në Evropian. Ai do të kishte qëndruar nëse e merrnin. Mendoj se ishte logjike që ai të kalonte te Kosova, pasi aty është vendi ku ka lindur. Futbollistët nuk e mohojnë që janë shqiptarë, por vendosin të luajnë për Zvicrën ose Kosovën, nuk ka ndonjë të keqe, aty e shohin më mirë ata. Ne i futemi politikës dhe pse nuk marrim vesh”, ka thënë Lala për Supersport.

Pas transferimit në ëerder nga Vitesse në fillim të vitit 2018, Rashica është rritur dukshëm duke lënë mbresa në ligën elitare gjermane, duke rënë në sy të shumë klubeve evropiane.

Ndër klubet që thuhet se i duan shërbimet e kosovarit është edhe kampioni evropian, Liverpool, por Lala nuk ka dashur t’i komentojë thashethemet.

“Çdo gjë është ndaluar dhe për momentin e rëndësishme të nisë futbolli dhe më pas ta marrin veten klubet. Për momentin nuk mund të them asgjë”, shtoi ai.

Megjithatë, Rashica pritet të largohet nga ëerderi në fund të këtij sezoni, i cili është pezulluar për kohë të papërcaktuar, për shkak të pandemisë koronavirus.

Shërohet nga koronavirusi 84 vjeçarja në Shqipëri

Periskopi.com Lajme

Një 84 vjeçare është pacientja e rradhës e cila është shëruar nga COVID-19 në Shqipëri, transmeton Klan Kosova.

Këtë e bëri të ditur  me anë të një postimi në Facebook ministrja e shëndetësisë atje, Ogerta Manastirliu.

Vetëm në 24 orët e fundit 8 pacientë kanë lënë spitalin ku do të vijojnë vetëkarantinimin për 14 ditë në shtëpi.

Në total numri i personave të kuruar nga pandemia e COVID-19 është 154./oranews.tv/

​Shqipëria në karantinë nga sot deri të hënën

Periskopi.com Lajme

Kryeministri i Shqipërisë, Edi Rama ka njoftuar se nga sot, konkretisht nga ora 13.00 dhe deri të hënën në orën ndalohet qarkullimi I automjeteve dhe personave në Shqipëri

“Njësoj si fundjavën e shkuar, të gjithë në shtëpi”, ka shkruar ai.

Përndryshe, deri tash në Shqipëri janë të prekur me COVID-19, 304 persona, prej tyre kanë vdekur 17 persona. Ndërsa numri i të shëruarve nga COVID-19 në total është 89 persona.

​Lufta ndaj koronavirusit, BB ndan 20 milionë dollarë për Shqipërinë

Periskopi.com Lajme

Banka Botërore ka miratuar një fond të parë prej 1.9 miliardë dollarë për 25 vende të Europës dhe Azisë Qendrore.

Këshilltarja e drejtorit ekzekutiv të Bankës Botërore, Greta Minxhozi, gjatë një prononcimi televiziv, deklaroi se përfituese e këtyre fondeve është dhe Shqipëria.

Ajo shtoi se po punohet me ekipet e Ministrisë së Financave dhe Shëndetësisë për të përcaktuar prioritetet dhe është çështje ditësh përgatitja e projekteve.

“Puna për përgatitjen e programit specifik të Shqipërisë ka filluar dhe ka një komunikim intensiv ndërmjet ekipeve të Bankës Botërore dhe Ministrisë së Financave dhe Shëndetësisë për përgatitjen e prioriteteve që do të përfshihen në këtë program si dhe detaje të tjera teknike. Kushtet që po përgatiten këto programe janë një rast i paprecedent. Me përafërsi mund të shkojë deri në 20 milionë fondi për nevojat e emergjencà «s për sistemin shëndetësor”, deklaroi Minxhozi.

Ajo shtoi se përveç kësaj mund të bëhen ristrukturime të projekteve ekzistuese të BB në Shqipëri, për të liruar fonde nga këto projekte dhe për t’i përdorur për emergjencën shëndetësore.

Sipas Minxhozit, ata janë duke punuar me intensitet shumë të lartë dhe është çështje ditësh dhe javësh që projektet të përfundojnë.

“Ky është një projekt dhe ka një komponent që mund të jetë për përgatitjen e pajisjeve të emergjencës për spitale, një komponent tjetër mund të jetë për reforma të mëtejshme. Përcaktimi i komponentit është në dorën e ekipeve të qeverisë dhe BB-së. Me përcaktimin e projekteve do të disbursohen me fleksibilitet në fuksioni të evoluimit të situatës sipas nevojave”, sqaroi ajo./ATSh/