Zidane: Golat e Brugge ishin qesharake

Periskopi.com Sporti

Trajneri i Real Madridit, Zinedine Zidane ka thënë se dy golat e pësuar në ndeshjen e djeshme ndaj Club Brugge ishin qesharake.

“Los Blancos”, në pjesën e parë ishin duke humbur 0-2, por në fund arritën të barazojnë rezultatin dhe të fitojnë një pikë.

Tekniku francez ka thënë se fillimi i ndeshjes ishte i dobët, andaj pësuan golin.

“Goli i parë ishte për të qeshur. Filluam keq dhe në dhjetë minutat e parë nuk ishim të koncentruar. Sapo shënuan golin e parë, u bëmë edhe më keq, pastaj shënuan të dytën. Jam i lumtur për pjesën e dytë, ishte rezultat i keq. Nuk mundemi të jemi të lumtur. Luajtëm 45 minuta ndryshe. Nuk jam i lumtur me një pikë”, deklaroi ai.

I pyetur se çfarë ju tha lojtarëve në pjesën e dytë. Tha se ka kërkuar ta ndryshojnë tërë ndeshjen brenda 45 minutave.

“Ju thashë se keni 45 minuta kohë për ta ndryshuar dhe këtë gjë ia dolën ta bëjnë. Dolën jashtë më më shumë dëshirë dhe arritën ta kontrollojnë ndeshjen”, përfundoi ai.

Reali në grupin A në kuadër së Ligës së Kampionëve është në vendin e fundit me 1 pikë, pesë më pak se lideri PSG.

Zidane sqaron situatën e Balet te Reali: Nuk e kam ofenduar lojtarin tim, ai po përpiqet që ta zgjidh të ardhmen

Periskopi.com Sporti

Trajneri i Real Madridit, Zinedine Zidane këmbëngul se nuk e ka ofenduar Gareth Balen gjatë një prononcimi në fundjavën e kaluar.

Madrilenët pësguan humbje 3-1 kundër Bayern Munichut dhe uellsiani për asnjë moment nuk u inkuadrua në këtë takim.

“Është e vërtetë që nganjëherë spanjishtja ndonjëherë krijon spekulime, por dua të jem i qartë”, tha Zidane.

“Së pari, nuk e kam ofenduar askënd, sidomos lojtarin tonë. Gjithmonë them të njëjtën gjë. Lojtarët janë më të rëndësishëm dhe gjithmonë do të jem me lojtarët e mi”.

“Së dyti, thashë se klubi po përpiqej ta shiste lojtarin, asgjë më shumë. Dhe së treti, Bale nuk ishte i gatshëm për ndeshjen dhe se ai po përpiqet që të zgjidh të ardhmen”.

“Tani le të kthehemi në fillim. Ai është një lojtar i Real Madridit, asgjë nuk ka ndryshuar. Ai do të stërvitet normalisht dhe nesër do të shohim se çfarë do të ndodh. Ju e dini situatën dhe e dini se çfarë po ndodh me klubin. Gareth është një lojtar i ekipit të Real Madridit.

“Kjo është gjëja më e rëndësishme, nuk më vjen keq që punoj me Balen, do të mbështetem sërish tek ai”, pohoi francezi.

Ndryshe, mediat kishin raportuar se francezi ka kërkuar largimin e menjëhershëm të futbollistit uellsian.