Plagosja në tregun e veturave, paraburgim 1 muaj për të dyshuarin

Periskopi.com Lajme

Gjykata Themelore në Prishtinë ka vendosur lidhur me kërkesën e Prokurorisë Themelore të Kosovës për caktimin e masës së paraburgimit prej 1 muaji kundër Z.Z. për shkak të veprave penale vrasje në tentativë, përdorimi i armës apo mjetit të rrezikshëm dhe mbajtja në pronësi të paautorizuar të armëve sipas Kodit Penal të Kosovës.

Më datën 28.07.2019, në tregun në Zonën industriale në Prishtinë, pas një mosmarrëveshjeje rreth vendit të shitjes në mes të pandehurit Z.Z. dhe të dëmtuarve – dëshmitarëve I.H. dhe M.H. si dhe dëshmitarit Z.XH., i pandehuri ka shtënë në drejtim të dëmtuarit B.D., me ç’rast i ka shkaktuar lëndime të rënda trupore dhe pastaj iu ka drejtuar armën edhe dëshmitarëve tjerë.

 

 

Kundër këtij vendimi palët kanë të drejtë ankese në Gjykatën e Apelit të Kosovës.

Plagoset me armë zjarri një person tek tregu i veturave në Prishtinë

Periskopi.com Lajme

Një person është plagosur mëngjesin e sotëm tek tregu i veturave në Prishtinë, shkruan Periskopi.

Lajmin për Periskopin e ka konfirmuar zëdhënësja e policisë për Rajonin e Prishtinës, Flora Ahmeti.

“Rreth ores 07:30 kemi marrë informatën se në Tregun e veturave në Prishtinë, një person është plagosur nga arma e zjarrit. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti”.

“Viktima është dërguar për trajtim mjekësor, ndërkohë policia është duke punuar për identifikimin e personit të dyshuar”, deklaroi Ahmeti./Periskopi/