Koalicioni 100% Kosovë nesër mbanë tubime në Prishtinë e Malishevë

Periskopi.com Lajme

Nesër zhvillohet dita e nëntë e fushatës zgjedhore në Kosovës, për zgjedhjet e parakoshme të 6 tetorit.

Aleanca për Ardhmërinë e Kosovës dhe Partia Socialdemokrate, kanë njoftuar se nesër do ta mbajnë tubimin qendror në Prishtinë, në Pallatin e Rinisë.

Sipas njoftimit ky tubim do të mbahet nga ora 18:00.

Ndërkaq, tubimi i dytë do të mbahet në Malishevë nga ora 18:00.

Osmani e quan gënjeshtare Vetëvendosjen: Nuk u distancuan nga shpifjet ndaj neve

Periskopi.com Lajme

Kandidatja për kryeministre nga radhët e LDK’së, Vjosa Osmani e ka quajtur gënjeshtare Vetëvendosjen, pasi njerëz të kësaj partie thanë se LDK po transporton qytetarë për tubimet e tyre, transmeton Periskopi.

Osmani sonte në Interaktiv tha se këta njerëz që sipas saj po shpifin e po montojnë, do të paraqiten para drejtësisë.

‘’Kam marrë masa që të mlidhen fakte të aktivistëve të VV’së dhe nëpër  faqe të Facebook’ut, që nuk e di nëse janë të tyre. VV nuk është distancuar nga një gënjeshtër e tillë dhe akuzë si vepër penale që po e bëjnë ndaj meje. Ne nuk bëjmë kurrë pagesa për të ardhë njerëzit nëpër tubime tona’’, tha Osmani.

‘’Për këtë ne presim që policia ta bëjë hetimin dhe persona që bëjnë akuza të tilla të turpshme të cilës do parti të përgjigjne  dhe të tregojnë pse po bëjnë montazha dhe manipulime të tilla, sepse janë montazha. Oponentët tanë politikë tërë ditën merren me gënjeshtra, shpifje e montime’’/PERISKOPI/

 

 

Koalicioni 100% Kosovë nesër në Viti, Gjilan e Lipjan

Periskopi.com Lajme

Partitë politike nesër vazhdojnë ditën e gjashtë të fushatës për zgjedhjet e parakohshme të 6 tetorit.

Koalicioni AAK-PSD nesër planifikon t’i mbajë tri tubime.

Tubimi i parë do të mbahet në Viti nga ora 16:00, para Shtëpisë së Kulturës.

Tubimi i dytë do të mbahet në Gjilan, te parku në lagjen Dardania nga ora 18:00, për ta përmbyllur në Lipjan me tubimin që do të mbahet nga ora 19:30 në Sheshin “Adem Jashari”.

 

Koalicioni 100% Kosovë sot mbanë tubime në Mitrovicë, Ferizaj e Kaçanik

Periskopi.com Lajme

Edhe sot do të vazhdojnë tubimet elektorale të partive politike.

Kur jemi në ditën e katërt të fushatës dhjetëditore, Aleanca për Ardhmërinë e Kosovës me partinë në koalicion, PSD-në, sot do të mbajnë tri tubime nq qytete të ndryshme të Kosovës.

Tubimi i parë do të mbahet në Mitrovicën nga ora 16:00 në Shtëpinë e Kulturës.

Tubimi tjetër do të mbahet nga sheshin e qytetit të Ferizajt nga ora 18:00.

Ndërkaq, tubimi i fundit për sot do të mbahet në komunën jugore të Kosovës, në Kaçanik, nga ora 19:30.

Dje kanë qenë komunat e Junikut dhe Deçanit vendi ku AAK-PSD kanë mbajtur tubimet.

Përplasjet në LDK, Pireva: Abrashi po vjen me bandë nëpër kuvende

Periskopi.com Lajme

Avdi Pireva, kryetar i rizgjedhur në nëndegën ‘Mati 1’ në Prishtinë, ka komentuar edhe mundësinë që kjo përplasje të jetë pasojë e garës mes të kryetarit aktual të degës së tretë në Prishtinë, Hazir Borovci dhe pretendentit për ta marrë drejtimin e kësaj dege, Arban Abrashi.

Pireva ka thënë se të dy i ka miq, megjithatë ka thënë se Arban Abrashi po shkon me bandë kuvendet e degës së tretë.

“Nuk e di pse ishte aty. Arbani asnjëherë nuk ka qenë në zyrat e degës së tretë, prej ku edhe ka shku herën e kaluar. Anëtarët e Kryesisë qendrore e kanë të drejtën që të vijnë në kuvendet e nëndegëve. Ka qenë ai dhe Skënder Hyseni, i cili ka përcjell të gjitha kuvendet, por Arbani nuk e di pse ka ardhur”, ka thënë ai.

Ai ka thënë se i ka miq edhe Hazir Borovcin, kryetari aktual i cili, sipas tij, po bën një punë unifikuese dhe asnjëherë nuk ka pasur tendenca për të destabilizuar procesin.

“Ka qenë Bujar Hasimi i përfolur për kryetar. Si duket ka hequr dorë, sepse nuk po duket më në kuvende, qysh po vjen Arbani me grupin e tij, mos ta quaj bandë”, ka thënë Pireva.

“Nëse në çdo nëndegë janë të njëjtit njerëz që tentojnë, e sidomos ku janë kryetarët e nëndegëve ose neutralë ose ka pjesa e Hazir Borovcit, po prishen kuvendet. Në lagjen e Muhaxhirëve u prish kuvendi, kryetari e kishte ndalë punën dhe mbeti Arbani dhe vazhdoi Kuvendin me një grup të vogël të njerëzve e dje e pardje komisioni për ankesa vendosi të pranojë Amir Simnicën kryetar që u zgjodh faktikisht pasi u mbyll Kuvendi sepse s’kishte kushte për t’u zhvilluar Kuvendi normal. Pas disa ditëve u mbajt e u zgjodh kryetar Gëzim Sinani, aktivist i LDK-së, si konsensual mes dy palëve e prapë komisioni po e njeh zgjedhjen e Simnicës, pa u ankuar ata në nëndegën tonë”, ka thënë ai.

Më pas, Pireva, e ka akuzuar Abrashin se po luan pandershëm, duke u premtuar njerëzve se do t’i bëjë drejtorë në Komunën e Prishtinës kur të bëhet kryetar.

“Kjo nuk i bën nder LDK-së”, ka thënë Pireva.

Pireva e ka akuzuar direkt Abrashin, se qëndron prapa njerëzve që tentuan të prishin sot kuvendin e nëndegës së Matit.

“Nëse shkon një kandidat që pretendon të fitojë komunën me shpërnda poste duke thënë se do ta jap këtë drejtori apo atë se do të jem kryetar i Prishtinës, nuk i bën nder as LDK-së as procesit. Normalisht që po flas për Abrashin sepse ai ishte sot ai që destabilizoi situatën sepse me urdhër të tij njerëzit vërsuleshin drejt dyerve”, ka shtuar ai. “Ai ishte në mesin e atyre që tentoi ta destabilizojë, me urdhrat e tij 7-8 vetë, prej tyre 3-4 hynë arritën të futen brenda pa pasur të drejtë, tentuan ta prishin procesin”.

Sipas Pirevës, kryetari i LDK-së Isa Mustafa është i informuar për situatën, por ka thënë se nuk e di a po informohet siç duhet nga Abrashi. Ai ka thënë se megjithatë ka bindjen se LDK-ja është pjekur sa të mos lejojë të paguajë faturën e kuvendit të karrigeve.