​Udhëtarët e linjës Veronë-Prishtinë: Nuk ka asnjë rast të dyshuar për koronavirus

Periskopi.com Lajme

Udhëtarët e linjës Veronë-Prishtinë, Ramadani: Nuk ka asnjë rast të dyshuar për koronavirus

Drejtor i Institutit Kombëtar të Shëndetësisë Publike, Naser Ramadani, ka qenë i pranishëm në kontrollet që i janë bërë të gjithë udhëtarëve që kanë ardhur pasditen e sotme nga Italia në Prishtinë.

Aeroplani i linjës Veronë-Prishtinë ka mbërritur rreth orës 15:50 minuta, ndërsa udhëtarët i janë nënshtruar kontrolleve nga ekipet mjekësore. Sipas Ramadnit, janë gjithsej 5 ekipe mjekësore të cilat janë në ndihmë të Aeroportit “Adem Jashari”.

Ramadani tha se udhëtarët nuk kanë pasur shenja të koronavirusit, megjithatë një raport më i zgjeruar do të bëhet pasi të kryhen të gjitha kontrollet.

Ai tha se të njëjtit po këshillohen se si duhet të sillen në rast se shfaqin shenja të dyshimta në ditët në vijim

Ramadani: Nuk ka asnjë të dyshuar, raporti i detajuar pasi të kryhen kontrollet

“Ne si Institut Kombëtar faktikisht kemi dalë këtu bashkë me ekipet mjekësore të aeroportit dhe ekipet mjekësore të Qendrave Kryesore të Mjekësisë Familjare, gjegjësisht janë katër ekipe mjekësore dhe një ekip i Institutit Kombëtar në përcjellje dhe ndihmë të vazhdueshme të aeroportit dhe ekipeve mjekësore. Kështu që kemi ardhur këtu për të parë nga afër faktikisht kontrollin e rregullt të të gjithë pasagjerëve të cilët udhëtojnë përmes Aeroportit të Prishtinës dhe në veçanti gjendemi pas kontrollit të udhëtarëve të cilët vijnë në linjën Prishtinë-Veronë. Duke pasur parasysh se kontrolli i mjekësve ka filluar dhe është në fluks të punës mund të themi se përshtypjet e para janë impresionuese dhe nuk ka asnjë person të dyshimtë. Pra për momentin, duke pasur parasysh se jemi në vizitë e sipër, do të përfundojmë vizitën dhe në fund do të bëjmë bilancin të gjithë personave duke i rekomanduar ata si të sillen në rast se kanë shenja eventuale”, deklaroi Ramadani.

Ndryshe, Italia është shndërruar në vatër të koronavirusit në Evropë pasi është vendi më i prekur nga virusi vdekjeprurës ku janë regjistruar 456 raste me të infektuar dhe të paktën 12 të vdekur.

Tronditëse: Aeroplani “shkundet në ajër”, pasagjerët qajnë, luten dhe madje vjellin

Periskopi.com Lajme

Pasagjerët në një fluturim në Ryanair të tronditur nga turbulencat gjatë stuhisë Dennis u filmuan duke qarë, duke u lutur dhe madje duke vjellë.

Sipas mediave të huaja, përcjell Telegrafi, fluturimi nga Oujda, Maroku për në Bruksel, Belgjikë provoi të ishte një “udhëtim me gunga” pasi aeroplani po përballej “me dridhje” në ajër.

Kjo ndodhi pasi Storm Dennis kaloi edhe nëpër Belgjikë në fundjavë, duke shkatërruar pemë dhe duke përmbytur rrugët.

Dhe pamjet e marra nga një prej pasagjerëve në bordin e fluturimit Ryanair tregojnë se disa udhëtarë të tmerruar mbahen për ulëset para tyre.

Ata ishin gati të villnin, ndërsa disa prej tyre luteshin ndërsa aeroplani lëkundej nga njëra anë në tjetrën. Kishte edhe të tillë që edhe qanin, derisa përballeshin me gjendjen tmerruese.

Fluturimi, i cili ka një kohëzgjatje mesatare prej tre orësh dhe 40 minutash, zbarkoi në aeroportin Charleroi.

Pavarësisht prej tmerrit të përjetuar, nuk janë raportuar lëndime të pasagjerëve ose stafit në fluturim.

Këto pamje vijnë pasi mijëra britanikë janë duke u detyruar të braktisin shtëpitë e tyre pasi vendi lufton me përmbytjet më të mëdha në 200 vjet pas stuhisë Dennis.