Haradinaj: Kosova është krenare që u rreshtua me ushtritë e udhëhequra nga SHBA

Periskopi.com Lajme

Kryeministri i Kosovës, Ramush Haradinaj, ka përkujtuar të rënët të cilët kanë dhënë jetën duke shërbyer në Forcat e Shteteve të Bashkuara të Amerikës.

Përmes një postimi në Facebook, Haradinaj ka thënë se Kosova është krenare që është rreshtuar në rreshtin e ushtrive të udhëhequr nga SHBA.

Ai ka shtuar se vendi ynë mbetët mik i përbetuar i Amerikës.

Postimi i plotë:

Sot, në Ditën Përkujtimore të të rënëve (Memorial Day), nderojmë dhe kujtojmë të gjithë ato gra dhe burra që kanë dhënë jetën duke shërbyer në Forcat e Shteteve të Bashkuara të Amerikës dhe, të gjithë ata që i shërbejnë paqes kudo në botë.

Jemi krenarë që jemi rreshtuar në rreshtin e ushtrive të udhëhequr nga ta. Përjetë mirënjohës për kontributin e tyre të pashembullt në ditët tona më të vështira. Ne mbetemi përherë miqtë më të përbetuar të Amerikës.