Ylli i Barcelonës trondit futbollin: “Jam gati të infektohem, vetëm që të luaj”

Periskopi.com Sporti

Ndërsa Qeveritë, Ligat e Federatat e vendeve të ndryshme diskutojnë nëse, si e kur mund të fillojnë, ka futbollistë që bëjnë presion për tu kthyer të luajnë në fushë.

I vendosur në këtë drejtim Ivan Rakitic, mesfushori kroat i Barcelonës që i intervistuar nga e përditshmja spanjolle Marca nuk ka përdorur lojëra fjalësh për të treguar ndjesitë e tij dhe idenë në kufijtë e normalitetit: “Jam gati të rrezikoj duke u infektuar, por dua të kthehem të luaj”.

“E them me ndërgjegjësim të plotë që rreziku do të jetë shumë i vogël, por edhe për solidarietet me ata që kanë luajtur për ne nga minuta e parë e që do të vazhdojnë kështu për shumë ditë”, shton Rakitic.

“Duhet të luajmë me masat e duhura të sigurisë, duke e ditur që nuk do të jetë asnjëherë 100% e sigurtë, për ne si për cdo punëtor tjetër. Mendoj që e kemi këtë borxh, duhet ti kthejmë shoqërisë atë që kemi marrë gjatë këtyre viteve, e nuk flas vetëm në terma ekonomikë: duhet të kthehemi të zbavisim njerëzit, sepse nuk flitet vecse për virusin.

Lexoj në këto ditë për dëmet ekonomike, për kalendarë, për rënie nga kategoria, por nuk lexoj asgjë për pasionin e njerëzve. Natyrisht, kur shoh sa milionë njerëz lëvizin rreth futbollit, taksat, vendet e punës.

Por nuk është vetëm kjo. Duhet të mundohemi ti zbavisim përsëri njerëzit me futbollin, duke i ofruar me kurajon e forcën tonë një suport të gjithëve”.

 

Messi zbulon rekordin e ‘veçantë’ që e konsideron një nga më të mirët

Periskopi.com Sporti

Ylli i Barcelonës, Lionel Messi ka deklaruar se golashënuesi më i mirë i La Ligës ndonjëherë është një rekord që ai e konsideron ‘të veçantë’ dhe një nga më të mirët e tij.

32-vjeçari ka shënuar 432 herë në vetëm 466 paraqitje në La Liga.

Rivali më i ngushtë i Messit është Cristiano Ronaldo, i cili shënoi 311 gola gjatë nëntë viteve të tij me Real Madrid, përcjell lajmi.net.

“Unë mendoj se rekordi i golave të La Liga është shumë i rëndësishëm dhe shumë domethënës”, tha Messi në DAZN.

“Ka pasur lojtarë spektakolarë në këtë kampionat, më të mirët në botë dhe të qenit golashënuesi më i mirë historik i këtij kampionati, duke pasur parasysh nivelin e ligës spanjolle, është i veçantë”.

“Unë mendoj se është një nga rekordet më të mira që kam bërë. Kam luajtur për shumë vite në La Liga”.

“Nuk e di nëse sulmuesit e tjerë kanë duruar për aq kohë sa unë, por kjo më ka ndihmuar shumë për të shënuar shumë dhe për mua është një nder që kam hyrë në historinë e La Liga”.

Artmotion sponsor i organizimit të “Edmilson Camp” me ish yllin e Barcelonës

Periskopi.com Lajme

Në fillim të këtij viti ish ylli i Barcelonës, fitues i shumë titujve në futboll, braziliani Edmilson Moraes vizitoi Kosovën për të paralajmëruar organizimin e kampit stërvitor për futbollist të rinj.

“Edmilson Camp” do të mbahet nga 24 deri 28 qershor dhe ka për qëllim stërvitjen dhe motivimin e të rinjve nga mosha 6 deri 16 vjeç.

Organizimin e këtij kampi stërvitorë e ka mbështetur gjithashtu edhe Artmotion që përmes platformës atraktive hapësirë të posaçme i kushton sportit kosovar duke përfshirë përcjelljen e garave ndërkombëtare në xhudo, basketbolli vendor, hendbolli, boksi si dhe sporte të tjera të cilat ekskluzivisht mund t’i ndiqni vetëm në platformën Artmotion.