“Më hapi dyert e botës”, Pele, Suker, LeBeouf kujtojnë përvojat në Kupat Botërore

Periskopi.com Botërori 2018

Kupa Botërore ka qenë një fazë perfekte për disa nga lojtarët më të famshëm botërorë, si Pele, Davor Suker, Frank LeBeouf, duke kujtuar momentet e Kampionateve Botërore me Stan Collymore.

Kupa Botërore në Rusi do të shkojë në Paris apo në Zagreb do të dihet në natën e së dielës, por disa nga figurat e famshme kanë folur rreth impaktit që ka pasur edicioni më i madh botëror në jetën e tyre, raportoi “RT”, transmeton Periskopi.

Pele, emri më i famshëm në historinë e futbollit, bëri shenjën e tij në Kupën Botërore 1958 në Suedi si një 17-vjeçar. Në ditët e sotme në këtë botë gjithnjë të lidhur me mediat sociale, fjala e fundit e së dielës do të udhëtojë shpejt, por jo sikur në ditën e Peles. Ai duhej të gjente një telefon për të informuar babanë e tij se skuadra e tij Brazili kishte mposhtur kundërshtarët.

“Ishte shumë e rëndësishme për mua. Unë isha 17-jeçar, në Kupën Botërore të parë. Ajo hapi dyert e botës për mua”, tha Pele.

Sulmuesi holandez Patrick Kluivert, një anëtar i skuadrës së Holandës në 2002, kujton goditjen e famshme të Dennis Bergkamp kundër Argjentinës në raundin e 16 më të mirëve në Japoni dhe Kore të Jugut.

“Prekja e parë ishte e magjishme”, tha Kluivert për golin ikonik të Bergkampit.

Ndërkohë sulmuesi kroat i cili e kishte ndihmuar ekipin e tij të renditet si e treta në Kupën Botërore 1998, Suker kujton momentet para dy dekadave. “Kur erdha në 1998, kisha punuar shumë”, tha ai.

“Kur shënova golin e parë, ëndërra u realizua, por më e rëndësishme ishte kur shënova gjashtë gola, skuadra ime kishte besim. Të gjithë thoshin ‘Gjuaj topin drejt tij, ai do të shënojë’”, shtoi Suker.

Frank Lebeouf, i cili kishte luajtur për Francën në finalen e 1998, ku ekipi francez e kishte mposhtur Brazilin 3-0, thotë se kujtimet e asaj nate fatale në Paris janë ende të freskëta për të, si dhe për çdo tifoz të futbollit në të gjithë vendin./Periskopi/

Kupa e Botës nuk vjen në Zagreb edhe nëse Kroacia shpallet kampione (Foto)

Periskopi.com Botërori 2018

Kroacia të dielën luan finalen e Kupës së Botës kundër Francës me fillim nga ora 17:00

Kroatët do t’i presin si heronjë lojtarët e kombëtares ditën e hënë në Zagreb pavarësisht se çfarë do të ndodhë në finale, transmeton Periskopi.

Nëse Kroacia shpallet kampione trofeu i çmueshëm që është i rëndë 6.14 kilogramë dhe përbëhet nga 18 karat ari nuk do të vjen në Zagreb.

Kroatët do ta marrin një kopje të Kupës së Botës pasi orgjinali do të mbahet i sigurt në muzeun e FIFA-s.

Kujtojmë që nëse kroatët shpallen kampion bote, Luka Modric do ta ketë në duar trofeun origjinal, por ai menjëherë pas finales së Moskës do të rikthehet në muzeun e FIFA-s. /Periskopi/
Image result for fifa world cup trophy museum

Kroatët e kallin Zagrebin pasi kombëtarja e tyre arrin në finale të Kupës së Botës (Video)

Periskopi.com Botërori 2018

Kroacia ka kaluar në finale të Kupës së Botës pasi në gjysmëfinale mposhti Anglinë 2-1 vetëm pas vazhdimeve

Në Zagreb po festohet për kalimin e Kroacisë në finalen e Kupës së Botës, shkruan Periskopi.

Kroatët shënuan fitore të madhe ndaj Anglisë 2-1 me golat e shënuar nga Perisic 68′ dhe Mandzukic 108′.

Më poshtë mund ta shihni festën e tifozëve kroat të cilët po e kallin Zagrebin. /Periskopi/.