Ndryshimi i klimës ndikon në migrimin e hershëm të zogjve për të gjetur ushqim

Periskopi.com Lajme

Qindra lloje zogjsh po migrojnë më herët gjatë vitit sesa 20 vjet më parë, sipas një studimi të ri – dhe gjithçka varet nga ndryshimi i klimës.

Studiuesit amerikanë përdorën të dhëna të mëdha nga inteligjenca artificiale për të grumbulluar të dhënat e radarëve gjatë 24 vjetëve në sjelljet migratore të qindra lloje zogjsh – që përfaqësojnë miliarda zogj në total.

Ata zbuluan se zogjtë që kanë sinkronizuar migrimin e tyre me disponueshmërinë e ushqimit – i cili është i ndikuar nga ndryshimi i klimës – tani e gjejnë orën e tyre migratore jashtë kohës së zakonshme.

Temperatura dhe migracioni janë aq të lidhura sa që ndryshimet më të mëdha në kohën e migracionit ndodhin në rajonet e SHBA-së që ngrohen më shpejt.

Ndryshimet ishin më të theksuara gjatë migrimit të pranverës sesa në vjeshtë, pasi zogjtë nxitojnë të arrijnë bazat e shumimit.

Për shkak të ndryshimit të klimës, këta faktorë tani mund të mos jenë sinkron me kalimin e zogjve shtegtarë dhe madje edhe ndërrimet delikate mund të sjellin pasoja negative për shëndetin e tyre.

Dhe ndërrimet e vëzhguara nuk do të thotë se migrantët po mbajnë ritmin e ndryshimit të klimës.

“Migrimi i shpendëve evoluoi kryesisht si një përgjigje ndaj ndryshimit të klimës,” tha autori Andrew Farnsworth nga Laboratori i Ornitologjisë Cornell.

Autorët besojnë se është një nga studimet e para që shqyrton ndikimin e ndryshimit të klimës në kohën e migrimit të shpendëve.

Ekipi përdori një mjet të mësimit të makinerisë të quajtur “MistNet”, zhvilluar nga profesori Dan Sheldon në Universitetin e Massachusetts Amherst, i cili ndihmon në identifikimin e anomalive te zogjtë, transmeton KosovaPress.

Ekipi përzgjodhi 2,115 net pranvere dhe 2,152 net vjeshte me një total prej më shumë se 13 milionë skanimeve të radarit nga 1995 në 2018. Në të ardhmen, skuadra planifikon të zgjerojë analizën e tyre të të dhënave për të përfshirë Alaskën, ku ndryshimi i klimës ka më shumë ndikim serioz që 48 shtetet e SHBA-së.

Zogjtë detyrojnë aeroplanin të aterojë në fushën me misër

Periskopi.com Fun

Një aeroplan me pasagjerë është detyruar të aterrojë dhunshëm në një fushë me misër, pasi në njërin motor ishin përplasur zogjtë.

Në incidentin, i cili ndodhi në Rusi, janë lënduar 23 pasagjerë, të cilët kishin vërejtur se aeroplani kishte aterruar me motorë të shuar, thanë zyrtarë të emergjencës.

Aeroplani i kompanisë Ural Airlines, model Airbas 321, pritej të arrinte në Krime, kur u ndesh me një tufë zogjsh, të cilët dëmtuan motorin.

Me këtë rast dëmtime ka pësuar aeroplani, i cili nuk do të jetë më gjendje që të fluturojë, njoftuan nga kompania ajrore.

Aeroplani aterroi në fushën e misrit rreth gjysmë kilometri larg pistës së aeroportit ndërkombëtar Zukovski.

Pasagjerët janë evakuuar urgjentisht nga aeroplani. Disa prej tyre janë transportuar në spital, derisa të tjerët janë dërguar në aeroport.

Në spital janë dërguar edhe pesë fëmijë, të cilët kanë pësuar lëndime, njoftoi Ministria e Shëndetësisë së Rusisë.

Ndërkohë kanë nisur hetimet zyrtare lidhur me rastin, transmeton KosovaPress.

Përplasjet e zogjve dhe aeroplanëve janë dukuri e shpeshtë dhe çdo vit në SHBA ndodhin mijëra incidente të tilla. Sidoqoftë, ato rrallë përfundojnë me fatkeqësi ose dëme në aeroplanë.