Tahiri i reagon Kurtit: Në komuna nuk shiten tekstet me rimë, gjeje zgjidhjen për rrymë

Shefi i Grupit Parlamentar të AAK-së, Besnik Tahiri, ka reaguar pas deklaratave të kryeministrit Albin Kurti i cili gjatë mbledhjes së Këshillit të Përgjithshëm të LVV-së tha se krimi i organizuar ka zbarkuar nëpër komuna. Sipas Tahirit, në nivel lokal maten rezultatet e jo ligjeratat e as tekstet me rimë.

Prandaj, Tahiri ka kërkuar nga Kurti që të merret me krizen energjetike dhe të gjejë zgjidhje për Vitin e Ri.

Reagimi i plotë i tij:

Në nivel lokal maten rrezultatet e jo ligjeratat, në komunë janë 24 përgjegjësi ekzekutive, që kryetari, si zyrtari kryesor administrativ, i ushtron në emër të shtetit nga poshtë.

Në komuna nuk shiten përrallat, tekstet me rimë e as fjalimet ideologjike, në terren maten rezutatet dhe ndikimi konkret i punëve të kryera.

Albin, lëri kritikat për kryetarët e komunave, gjej zgjidhje për energji për Vit të Ri 2022, merru me krizën më të madhe që e dërrmoi popullin!