Të burgosurit me telefona, Qendra Korrektuese nuk ka shifra për konfiskime gjatë këtij viti

Sipas burimeve të Indeksonline pothuajse në çdo qendër korrektuese të Kosovës, ka gjetje të shumta të telefonave mobil, të cilët nga të arrestuarit përdoren për shërbime nga më të ndryshmet.

Përmes këtyre telefonave mobil të burgosurit në fjalë janë aktiv në pothuajse çdo rrjet social dhe në kontakte me të afërmit apo miqtë.

Ndërsa në një përgjigje të ‘Qendrës Korrektuese’ të Kosovës, është theksuar se sipas tyre ende nuk ka shifra të sakta në lidhje me konfiskimet që janë bërë përgjatë këtij viti të telefonave mobil.

“Për te gjitha risitë ne SHKK do te informoheni në fund te vitit përmes buletinit qe do ta publikojmë në një konference për media”, është thënë në përgjigjen e QK-së.

Sipas këtyre të fundit e vetmja gjë që munden të konfirmojnë për tani është se dukshëm është zvogëluar futja e gjërave të palejuara.

“Vetëm mund te ju konfirmojmë se dukshëm është zvogëluar futja e gjerave te palejuara, e që është rritur parandalimi i gjerave te palejuara apo kontrabandës”, ka theksuar zëdhënësi i informimit nga Qendra Korrektuese, shkruan Indeksonline.

Sipas këtyre të  fundit parandalimi i gjërave të palejuara apo kontrabandës ka arritur suksese nga masat e ndërmarra nga Shërbimi Korrektuese i Kosovës.

“Kësaj gjendje i kanë paraprirë një serë masash që janë marrë në SHKK”.

Ndërsa duhet përkujtuar se si pasojë e këtyre mundësive që në qendrat e të burgosurve të ketë telefona mobil dhe gjësende që njihen si të ndaluara është bërë në shumë raste edhe marrëveshja për të ikur apo marrëveshje të ndryshme për çështjet që kanë të bëjnë me “rehatin” apo mos-prishjen e rehatisë si të burgosur. E se si po arrihet deri tek pajisja e të burgosurve me këto të fundit, sigurisht se ka të bëjë me kontrabandën që lidhet direkt me të punësuarit dhe të burgosurit në këto qendra./Indeksonline/