Të shtëna me armë në Podujevë, plagoset një person
Një person është plagosur në Podujevë pas të shtënave me amrë zjarri, shkruan Periskopi.
Lajmin për Periskopin e ka konfirmuar zëdhënësi i Policisë për rajonin e Prishtinës, Agron Borovci.
Ai tha se personi i plagosur është dërguar për trajtim në QKUK, derisa shtoi se kanë nisur hetimet në lidhje me rastin.
“Sot rreth orës 20:00, është pranuar informacioni për të shtëna me armë zjarri në rrugën “Zahir Pajaziti” në Podujevë. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka marrë plagë nga arma zjarrit. I njëjti është dërguar në QKUK për të marrë trajtimin e nevojshëm mjekësor. Aktualisht hetuesit policor kanë nisur një hetim për sqarimin e të gjitha rrethanave që karakterizojnë rastin “, tha Borovci.