Thyhen zyret e AGK-së: Kontrollohen dhe shpalosen dokumentet
Zyrat e Asociacionit të Gazetarëve të Kosovës janë thyer sërish nga persona të panjohur.
Ky asociacion njofton se për dallim nga “hera e kaluar, më 06.12.2019 kur u vodhën pajisje me vlerë të organizatës, kësaj radhe në zyrë nuk mungon asgjë, megjithëse kryesit kanë kontrolluar dhe shpalosur dokumentet”.
Për rastin është njoftuar menjëherë Policia e Kosovës ndërsa tek pas rreth 2 orëve, në vendin e ngjarjes ka arritur ekipi i Forenzikës për t’i bërë hetimet e nevojshme.
AGK thotë në njoftim për media se është jashtëzakonisht e shqetësuar me këtë situatë dhe i dënon ashpër këtë akte vandale.
Organizata njëherit ka ftuar organet kompetente që t’i zbardhin të dyja rastet, ani pse për rastin e parë, as pas dy muajsh, nuk ka pranuar asnjë informatë nga hetuesit.
AGK kërkon që përgjegjësit për këto incidente të dalin para drejtësisë.