Tifozët e Tottenhamit “pushtojnë” fushën e ‘White Hart Lane’ (Foto)

Tottenham Hotspur e ka fituar 2:1 përballjen me Manchester United në ‘White Hart Lane’ në kuadër të xhiros së 37-të të Premierligës.

Kjo ishte ndeshja e fundit e Tottenhamit në stadiumin legjendar ‘White Hart Lane’, ku edicionin tjetër do të luaj në ‘Wembley’, deri në rregullimin e stadiumit të ri.

E për ta nderuar më së miri këtë stadium, lojtarët e Tottenham mposhtën edhe Unitedin, për ta përfunduar pa humbje sezonin në shtëpi, për herë të parë që nga sezoni 1964/1965.

Kjo fitore gëzoi shumë edhe tifozët vendas, që pas përfundimit të ndeshjes u futën në fushë.