Tifozja simpatike është në Luzhniki për ta përkrahur nga afër Kroacinë (Foto)

Tifozja më e popullarizuar kroate, Ivana Knoll, nuk ka mundur të mungojë në finalen e madhe të Kampionatit Botëror, ‘Rusia 2018’.

Prezenca e bukuroshes në tribunat e Luzhniki Stadium ka tërhequr menjëherë vëmendjen e fotografëve, të cilët i kanë publikuar disa fotografi të saj.

Ivana u bë e popullarizuar për fansat e futbollit që në fillim të Kampionatit të sivjetmë Botëror në Rusi.

Ivana Knoll në Luzhniki Stadium (Foto: Getty Images)

Bukuroshja kroate mori vëmendjen e fotografëve gjatë ndeshjes ndërmjet Kroacisë dhe Nigerisë në Kalinjingrad, të vlefshme për xhiron e parë të fazës grupore.

Që atëherë, ajo ka qenë vazhdimisht në faqet rozë, ndërsa në rrjetet sociale ka publikuar imazhe të shumta në mbështetje të kombëtares së saj.

Ndërsa para ndeshjes ndërmjet Kroacisë dhe Rusisë, Ivana kishte pozuar së bashku me presidenten kroate, Kolinda Grabar-Kitarovic.

Ivana Knoll merr vëmendjen edhe në Luzhniki Stadium (Foto: Getty Images)

26-vjeçarja është shndërruar në një sensacion mediatik, por edhe në anën rozë të mediave në turneun më të madh ndërkombëtar.

Ivana, e cila në vitin 2016 ka konkurruar për ‘Miss Kroacia’ si përfaqësuese e diasporës, ka lindur në Gjermani, ndërsa nga mosha tetëvjeçare ka jetuar në Hercegovinë. Ajo studion në Fakultetin Grafik në Zagreb.