Tomë Gashi fshien reagimin skandaloz pasi shqelmoi paratë e një lypësari
Avokati Tomë Gashi, i cili mbrëmë përuli e shqelmoi paratë e një lypësari në sheshin ‘Nënë Terezë’ në Prishtinë, bëri një reagim skandaloz për veprimin e tij, transmeton Periskopi.
‘’Tu e kry punen e inspekcionit mas dy vjet britmash te qmendura dit e nat ne sheshin Nënë Tereza!’’, ishte shkrimi i Gashit në Facebook.
Pa kaluar as dy orë, avokati i Vetëvendosjes shkoi dhe e editoi statusin, duke e shndërruar në:
‘’Tu e kry punen e inspekcionit mas dy vjet britmash te qmendura dit e nat ne sheshin Nënë Tereza ne PRISHTINË !Keta kan shefa me MERCEDESA dhe jan tregu per mbi 2 vite grup me i organizuar se inspekcioni i Prishtines.! Keshtu nuk ka ne sheshin Skenderbeu ne TIRANË !’’.
Ndërsa sot, Tomë Gashi e ka fshier komplet postimin, pasi ai nuk figuron më në profilin e tij në Facebook.
Periskopi përmes një videoje ekskluzive arriti të kapte Gashin derisa e intimidonte dhe në fund derisa ia shqelmonte paratë një lypësari.