Tornadoja lë dy të vdekur në Itali

Të paktën dy persona vdiqën, pasi një tornado e përfshiu të premten ishullin italian, Pantelleria, i cili shtrihet në Detin Mesdhe, afër Tunizisë.

Nëntë persona të tjerë pësuar lëndime, ndërsa era e fuqishme rrotulloi vetura dhe rrëzoi kulme të shtëpive në ishullin që është pikë e njohur turistike. Katër nga të plagosurit janë në gjendje kritike.

Një punëtor i ekipeve të shpëtimit i tha agjencisë italiane të lajmeve, Ansa, se skena është apokaliptike. Mediet lokale raportuan se stuhia shkatërroi një rrugë përgjatë bregdetit, shkruan BBC, transmeton Gazeta Express.

Agjencia e mbrojtjes civile tha se në mesin e viktimave është një zjarrfikës që ishte jashtë detyrës, ndërsa i vdekuri tjetër është një burrë 86-vjeçar. Agjencia Ansa raportoi se të dy ishin duke vozitur në kohën e fatkeqësisë.

Ndryshe, ishulli Pantelleria njihet për shkëmbinjtë vullkanikë dhe pranverat e nxehta dhe është vend i parapëlqyer për figurat e famshme.

Ndonëse tornadot nuk ta kujtojnë Evropën, qindra sosh besohet se e godasin kontinentin çdo vit. Shumë prej tyre nuk raportohen, sepse godasin zona të skajshme rurale.