Totaj e denoncoi për kërcënim, Zafa i NISMA-s: Disa sms ma prishën koncentrimin

Periskopi.com Lajme

Kryetari i Nismës Socialdemokrate në Prizren, Zafir Berisha, ka thënë se në emër të tij janë duke qarkulluar informacione të rreme.

Kjo deklaratë e tij, në rrjetin social Facebook, vjen pasi në media është thënë se kryetari i tanishëm i Prizrenit, Shaqir Totaj, e ka raportuar Berishën në polici për kanosje, i cili dyshohet t’i ketë thënë se do ta ngreh zhag nëpër Prizren, para se ta prishin koalicionin.

“Pasi disa SMS që më prishën koncentrimin e një filmi shumë interesant, desha t’i pyes konspiracionistët dhe ata që “marrin vesh”  në “ lajme për lice”, a ka edhe ndonjë rrenë pa dalë në adresë time, a jo?”.

“Nëse ka, le t’i “zbulojnë” para se me ik në pushime, se po më duket sivjet edhe detin kanë vendos mos me më lënë me shiju si duhet!”,ka thënë Berisha