Trajneri i Detroit komenton ngjarjet e shëmtuara: Nuk mendoj se LeBron është lojtar i ndyrë

Trajneri i Detroit komenton ngjarjet e shëmtuara: Nuk mendoj se LeBron është lojtar i ndyrë

NBA është shëmtuar nga pamjet në ndeshjen Detroit Pistons – Los Angeles Lakers.

LeBron James dhe Isaiah Stewart u përfshinë në një incident pasi ‘Mbreti’ e goditi me bërryl lojtarin e Pistons.

Gjakosja në fytyrë bëri që Stewart të humbte nervat dhe të sulmonte Mbretin, por të tjerët lojtarë ndërhynë dhe parandaluan gjithçka.

Megjithatë, përkundër ndërhyrjes së ashpër, trajneri i Pistons, Dwane Casey nuk beson se LeBron bëri diçka me qëllim.

“Ishte ngjarje e rëndë me Isaiah. Syri i tij u ça, u hap tërësisht. Nuk mendoj se James është lojtar i ndyrë”, ka thënë Casey, duke insistuar se asgjë nuk ishte e qëllimshme.

James është dënuar me një ndeshje, kurse Stewart me dy ndeshje mos lojë, nga komisioni disiplinor i NBA. /Periskopi/

Shpërndaje në: