Tri anije tjera me grurë largohen nga Ukraina

Tri anije tjera me grurë largohen nga Ukraina

Tri anije të ngarkuara me grurë sipas një marrëveshjeje të përfunduar së fundmi janë larguar nga portet e Ukrainës, tha të premten Ministria e Mbrojtjes së Turqisë.

Qendra e Përbashkët Koordinuese në Stamboll, e cila grupon personelin rus, ukrainas, turk dhe të OKB-së, tha se dy anije po niseshin nga Chornomorsk dhe një nga Odesa, shkruan Reuters, transmeton Klankosova.tv.

Tre anijet që transportonin një total prej rreth 58 mijë tonë misër janë autorizuar të largohen nga portet e Ukrainës si pjesë e një marrëveshjeje për të zhbllokuar eksportet e grurit.

Turqia, OKB-ja, Rusia dhe Ukraina nënshkruan marrëveshjen historike më 22 korrik për të rihapur tre porte ukrainase – Odesa, Chernomorsk dhe Yuzhny – për drithërat që kanë ngecur për muaj të tërë për shkak të luftës Rusi-Ukrainë, e cila është tani në muajin e gjashtë.

Për të mbikëqyrur eksportet e drithit ukrainas, një qendër e përbashkët koordinimi në Istanbul nisi punën zyrtarisht më 27 korrik, e përbërë nga përfaqësues nga Turqia, OKB-ja, Rusia dhe Ukraina, për të mundësuar transportin e sigurt nga anijet tregtare të mallrave ushqimore komerciale dhe plehrave nga tre portet ukrainase të Detit të Zi.

Dje, anija e parë e ngarkuar me grurë nga Ukraina u nis për në Liban pas inspektimeve në Stamboll.

Shpërndaje në: