Tri ditë pasi doli negativ, Biden infektohet sërish me COVID-19
Disa ditë pasi që doli negativ në testin për COVID-19, presidenti amerikan, Joe Biden, ka rezultuar sërish pozitiv.
Këtë e ka konfirmuar vet ai me anë të një postimi në Facebook.
“Sot u testova pozitiv për COVID-19, sërish. Kjo ndodhë vetëm te një grup i vogël i njerëzve”, ka thënë ai.
Biden ka thënë se nuk ka simptoma, por që do të izolohet për sigurinë e të gjithë njerëzve që e rrethojnë atë.
“Jam ende në punë, dhe do të kthehem në rrugë së shpejti”, ka shkruar Biden.
