U tha se do të jetë ambasador i Kosovës në Gjermani, deklarohet Luan Krasniqi

Periskopi.com Lajme

Boksieri legjendar shqiptar, Luan Krasniqi ka qenë temë diskutimi në mediat kosovare sot.

Ish-deputeti i Kuvendit të Kosovës, Gani Dreshaj dje e propozoi Luan Krasniqin për t’u bërë ambasador i Kosovës në Gjermani.

Krasniqi me anë të një postimi ka thënë se pozita e ambasadorit nuk përkon me interesat e mija, prandaj nuk është i interesuar që të marr një pozitë të tillë.

Ai u shprehë se që 35 vjet është ambasador sportiv i Kosovës nëpër botë.

Postimi i plotë:

Miq të mi të respektuar,sot, në shumë portale dhe në disa media elektronike, qenka publikuar një propozim që unë të emërohem ambasador i Republikës së Kosovës në Gjermani.

Ju informoj se, unë, tashmë 35 vite, e mbaj me krenari epitetin e ambasadorit sportiv të dhuruar nga aderuesit sportiv dhe me krenari, vendin tim e kam përfaqësuar në sportin e boksit, me të cilin kam përjetuar kënaqësinë duke u ngjitur në piedestalin më të lart të karrierës sportive.

Prandaj, përkundër faktit se detyrën e ambasadorit e çmoj dhe e vlerësoj si tejet të rëndësishme, veçmas të ambasadorit në Gjermaninë mike të Kosovës dhe me vlera të larta demokratike, propozimi i dhënë nuk përkon me interesimin tim dhe kjo duhet të konsiderohet si inisiativë individuale për të cilën nuk kam qenë fare në dieni. Unë, mbetem i përkushtuar në vendosjen e urave të reja të miqësisë së Kosovës dhe Gjermanisë duke ndihmuar e mbështetur nisma dhe angazhime për të mirën dhe të mbarën e njerëzve, dhe nuk pretendoj asnjë funksion, detyrë apo emërtim, si ky që është dhënë.

Luani, mbetet sportist dhe mik i juaji i mirë.Ambasadorit të ri të Kosovës në Gjermani, që tash i uroj sukses, kurse Juve, miq të mi, Ju paça të gjithëve me shëndet!

Shpërndaje në: