“Unë kam shumë besim te Shqipëria”, Lorik Cana motivon lojtarët para ndeshjes me Izraelin

Lorik Cana ka motivuar lojtarët e Kombëtares para ndeshjes me Izraelin. Kapiteni legjendar i Shqipërisë ka shprehur besimin se do të kemi rezultate pozitive në këto dy takime.

Në prononcimin e dhënë për “Oversport”, Cana shprehet se nuk do të ishte dështim nëse nuk do të renditeshim në vendin e parë.

“Ka edhe dy ndeshje të fundit, duhet të shkojmë për dy fitore, nuk është e pamundur, prandaj unë kam shumë besim te Shqipëria. Nuk mund ta quajmë dështim nëse nuk e arrijmë vendin e parë, por pritshmëria ishte e tillë pas largimit të Rusisë. Megjithatë nuk duhet të shikojmë kaq larg, projekti i ri po rritet, duhet t’i japim besim këtyre djemëve të rinjë”, tha Lorik Cana.