Uran Ismaili prezanton 100 vendimet e tij për 100 ditët e para të qeverisjes
Kandidati për Kryetar të Prishtinës, Uran Ismaili ka prezantuar sot 100 vendimet e tij në 100 ditët e para të qeverisjes.
Ai ka thënë se së bashku me ekipin e tij do të qeverisin Prishtinën me plan, përkushtim, energji dhe vullnet – pa u ndalur asnjëherë.
Isamjli: Këto 100 vendime janë zotimi im se do të punoj me bashkëpunëtorët në komunë
“Këto 100 vendime janë zotimi im se do të punoj me bashkëpunëtorët në komunë dhe me qytetarët e Prishtinës që brenda 100 ditëve të kemi një qytet më të pastërt e më të sigurte për të gjithë. Do të punojmë me administratën publike dhe gjithë ata që të na ndihmojnë për realizimin e këtyre planeve,” ka thënë ai.
Ai kujton se qytetarët e Prishtinës janë të lodhur nga ankesat por se ai do të punojnë për rritjen e kualitetit të jetës në Prishtinë.
Ismaili shtoi se qeverisja e tij do të jetë për një Prishtinë të gjlbërt dhe digjitale
“ Qytetarët e Prishtinës janë lodh nga ankesat dhe arsyetimet, qeverisja ime pd të jetë një qeverisje dinamike që nuk shikon pas por orientohet kah e ardhmja e qytetit. Plani për një Prishtinë të gjelbër një Prishtinë digjitale dhe një Prishtinë destinacion është i arritshëm. Problemet e përditshme të Prishtinës do të zgjidhjen në qeverisjen time gjatë mandatit tim vetëm në dy vitet e para. Gjithashtu bashkë me ekipin do të punojmë në realizimin e projekteve vizionare që rrisin kualitetin e jetës në Prishtinë si dhe do të rrisin shpirtin komunitarë në qytet. Prandaj jam i bindur që me ndihmën e qytetarëve të Prishtinës do ta kthejmë Prishtinën në një qytet ku ne do të ndihemi të lumtur dhe do të ndërtojmë një të ardhme. Sot zotohem këtu para jush që Prishtina do të jetë shembull i punës i angazhimit dhe i dashnisë për qytetin dhe për njëri tjetrin,” ka thënë ai.
Ismaili ka thënë se bashkë me ekipën do të punojnë në realizimin e projekteve vizionare që do të rrisin kualitetin e jetës në Prishtinë si dhe do të rrisin shpirtin komunitar në qytet.
“Edhe në kohët më të vështira, Prishtina ka ditë me triumfu ndaj të keqes. Prandaj jam i bindur që me ndihmën e qytetarëve të Prishtinës do ta kthejmë Prishtinën në një qytet ku ne do të ndihemi të lumtur dhe do të ndërtojmë të ardhmen. Sot zotohem këtu para jush që Prishtina jonë do të jetë shembull i punës, i angazhimit dhe i dashnisë për qytetin dhe njëri tjetrin. Sepse Prishtina na bashkon!”,ka përfunduar ai.
Lista e plotë e 100 vendimeve të Uran Ismailit:
- Largimi i rrethojave fizike nga çdo hapësirë e gjelbër publike
- Inicimi i procedurave për organizimin e sterilizimit masiv të qenve endacakë
- Inicimi i ndërtimit të strehimores për qentë endacakë dhe themelimi i Njësisë Komunale që mundëson lajmërimin/raportimin e qenve endacakë me rrezik për qytetarët, për të organizuar marrjen e tyre, vaksinimin dhe përcjelljen në strehimore
- Formimi i ekipit anti-Bullizëm nëpër shkolla, i përbërë nga mësuesit, drejtoria e shkollës, përfaqësuesit e prindërve dhe anëtarët e personelit jo-mësimdhënës
- Vlerësimi i gjendjes së infrastrukturës për mbledhjen e mbeturinave dhe kontejnerëve ekzistues
- Inicimi i procedurave për futjen në kontratë për mbledhje të mbeturinave të bizneseve në industrinë HoReCa
- Krijimi i një grupi punues që merret me hartimin e një plani për fillimin e punimeve në ndërtimin e Spitalit të Prishtinës
- Vlerësimi i nevojës për zgjerimin e rrjetit të ndriçimit publik efiçient në lagjet dhe fshatrat e Prishtinës
- Krijimi i një grupi punues për krijimin e strategjisë së transformimit digjital
- Caktimi i grupit punues për krijimin e databazës së artit dhe kulturës së Qytetit të Prishtines
- Inicimi i procedurave për organizimin e punonjësve joformalë të pastrimit në shoqata që krijojnë kontrata për kryerjen e shërbimeve të grumbullimit e riciklimit të mbeturinave
- Inicimi i konkursit ndërkombëtar për dizajnimin e Rripit të Gjelbër të Prishtinës
- Nisja e lirimit te trotuareve të uzurpuara përgjatë linjës nëpër të cilën do të kalojë Rripi i Gjelbër
- Themelimi i grupit punues për futjen e lëndës të kodimit në shkolla
- Inicimi i procedurave dhe zhvendosje e administratës për ndërtimin e Parkut Qendror
- Inicimi i procedurave për themelimin e njësitit për alokim të kopshtarit të lagjes
- Subvencionimi vjetor i qerasë deri në vitin 2025 për kompanitë eksportuese të TIK që krijojnë vende të reja pune dhe që kanë mbi 10 punëtorë të kualifikuar në kohën kur aplikojnë për mbështetje
- Definimi i hapësirave për ndërtimin e 5 parkingjeve në hyrje të qytetit
- Ndërtimi i parkingjeve për biçikleta dhe trotinetë elektrike në Komunë
- Caktimi i orarit të veçantë për grumbullimin e mbeturinave nga HoReCa
- Lirimi nga të gjitha pagesat dhe kufizimet për operatorët e taksive që sjellin vetura elektrike
- Vlerësimi i nevojës për vendosjen e shportave të xhepit në rrugë dhe lagjet më të frekuentuara të Prishtinës
- Kontraktimi për vendosje të kamerave në hapësirat ku aktualisht grumbullohen mbeturinat pa vend
- Inicimi i procedurave për krijimin e një zgjidhjeje softuerike për pranimin e pagesave elektronike për të gjitha tarifat, shërbimet dhe taksat qeveritare
- Shtrirja e menaxhimit të parkingut në të gjitha lagjet dhe hapësirat publike që përdoren për parkim
- Krijimi i nën-departamentit të veçantë për analizën dhe përpunimin e të dhënave në nivel të Komunës (Big Data)
- Subvencionimi i çdo iniciative të qytetit digjital që fokusohet në mjedise të të dhënave të hapura
- Caktimi i lokacionit për realizimin e projektit te Galerisë së Qytetit
- Caktimi i grupit punues për aplikim për projektet kapitale të sektorit të Kulturës në fondet IPA 3 për projektet si Salla Koncertale, Pallati i Rinisë (Qendra Kulturore), dhe TULLA Hub
- Inicimi i procedurave për vlerësimin e nevojës për ndërtimin e çerdheve të reja
- Nisja e procedurave për krijimin e një dyqani virtual shumëshërbimësh përmes Kartës së Qytetarit që iu mundëson banorëve të Prishtinës qasje në të gjitha terminalet për shërbimet publike siç është transporti publik, biblioteka dhe të gjitha shërbimet e tjera publike të ofruara nga qyteti
- Hapja e konkursit per blerjen e makinave transportuese me të vogla dhe të shpejta
- Dizajnimi i pikave informuese turistike
- Nisja e negocimit të kontratave me operatorë të transportit publik
- Formimi i një grupi punues për krijimin e programit për psikologë në të gjitha shkollat dhe qendrat e mjekësive familjare
- Formimi i një grupi punues për planifikimin dhe implementimin e konceptit “Mjek për çdo familje” përmes zonimit
- Themelimi i grupit punues për nisjen e ligave të shkollave fillore dhe të mesme me fokus në sportet më të popullarizuara në vend (futboll dhe basketboll) pa anashkaluar as sportet e tjera sipas preferencës së nxënësve
- Formimi i një grupi punues për shndërrimin e disa pronave të Komunës në hapësira të komunitetit që mund të mirren me qera nga banorët
- Vendosja e stacioneve për mbushjen e biçikletave dhe trotinetëve elektrikë
- Inicimi i procedurave për gjetjen e lokacionit të ri për deponi të ndërtim-demolimit
- Inicimi i proceseve për një konkurs ndërkombëtar për dizajnimin e TULLA Hub
- Inicimi i projektit për zëvendësimin e transportit të shërbimeve komunale me biçikleta elektrike apo kargo-biçikleta elektrike
- Krijimi i një grupi punues për vlerësimin e mundësive për zgjerim të paletës së funksioneve në çdo park
- Inicimi i procedurave të prokurimit për ndërtimin e 5 parkingjeve në hyrje të qytetit
- Organizimi i vizitave të rregullta edukative nga mjekët në shkolla
- Inicimi i procedurave për ndërtimin e Teatrit të Qytetit
- Inicimi i procedurave për ndërtimin e pishinës olimpike, shtegut për motokrosë dhe gara triathlon
- Inicimi i procedurave për blerjen e kontejnerëve me ngjyrë
- Krijimi i grupit punues për hartimin e rregullores së veçantë të Komunës për dhënien e lejes ndërtimore vetëm për ata të cilët ofrojnë planin e menaxhimit të mbeturinave të konstruktim-demolimit bazuar në vëllimin e ndërtimit dhe/apo demolimit
- Inicimi i procedurave dhe krijimin e Sektorit për auditim të efiçiencës së energjisë në ndërtesa publike komunale dhe banesa kolektive
- Caktimi i ekipit punues për krijimin e regullores për art në hapësira publike
- Inicimi i procedurave për subvencionimin anonim dhe digjitalizimin total të procesit
- Krijimi i grupit punues për identifikimin e resurseve të reja për ngrohje, përfshirë biomasën, gazin, panelet solare, mbeturinat, etj.
- Rigjenerimi i zonave te banimit / hyrjeve/ fasadave (mirëmbajtja dhe menaxhimi bashkë me NPB)
- Vlerësimi i hapësirës për ndërtimin e parkut për qentë dhe kafshët shtëpiake
- Caktimi i ekipit punues per projektin e rigjenerimit të Qendrës Historike të Qytetit të Prishtinës;
- Hapja e konkursit për rifunksionalizimin dhe rigjenerimin e Pallatit të Rinisë dhe Sporteve
- Vlerësimi i mundësive dhe inicimi i procedurave për binjakëzimin me shkolla profesionale ndërkombëtare
- Vendosja e oficerëve të sigurisë në secilën shkollë
- Trajtimi i zhurmës së lokaleve me orare të fiksuara dhe decibelë në lagjen Qendra dhe Rruga B
- Përshpejtimi i procedurave për zgjerimin e rrjetit të ngrohjes qendrore të Termokos përmes energjisë solare
- Gjetja e mundësisë hapësinore për ndërtimin e çerdheve të reja publike
- Gjetja e mundësisë hapësinore për ndërtimin e një nënstacioni Policor në Hajvali
- Inicimi i procedurave për ndërtimin e palestrës shumë-funksionale sportive për ushtrime sportive, me disa fusha për sportet si basketbolli, hendbolli, vollejbolli, etj.
- Krijimi i një grupi punues prej nutricionistëve për përgatitjen e një menyje të balancuar për fëmijët në shkolla, ku do të përfshihen një pije (ujë apo qumësht), pemë sezonale, dhe meny kryesore me të gjitha vitaminat e nevojshme
- Vlerësim i mundësive për mbështetje financiare për funksionalizimin e laboratorëve të nevojshëm për punë praktike.
- Inicimi i procedurave për vlerësimin e gjendjes së hapësirave të parkimit për persona me aftësi të kufizuara
- Nisja e procedurave për ridestinimin e objekteve komunale për një funksion të ri si psh. ish-Stacioni i trenit, burgu i Prishtinës, muzeu shkollë-shtëpi/shtëpia e Herticëve, etj. që mund të shndërrohen në muze
- Ndalimi i marrjes së ushqimit nga ambientet jashtë shkollës
- Krijimi i një grupi punues për krijimin e një kalendari të aktiviteteve dhe ngjarjeve kulturore dhe harmonizimin me kalendarin kulturor në Tiranë, Shqipëri
- Kontraktimi i kompanive private që ofrojnë shërbimin e ndarjes së biçikletave dhe trotinetëve elektrikë
- Inicimi i procedurave për unifikim të brendit të taksive që veprojnë në kryeqytet dhe centralizimit të shërbimit të porosisë së taksive
- Inicimi i procesit të krijimit të ankandeve/auksioneve për mbështetjen e prodhimit të energjisë elektrike përmes paneleve solare përmes dhënies në shfrytëzim të tokës Komunale
- Inicimi i bashkëpunimit me institucionet relevante për digjitalizimin e shërbimit të regjistrimit të automjeteve të banorëve të Prishtinës
- Krijimi i një plani për realizimin e podcast-eve të rregullta mujore për trajtimin e çështjeve me rëndësi për komunitetin, të qasshme në uebfaqen e Komunës
- Inicimi i procedurës për prioritizimin e kompanive digjitale vendore në procese të blerjes së produkteve dhe shërbimeve nga Komuna
- Hartimi i memorandumeve të bashkëpunimit me punëdhënësit për ofrimin e punës praktike profesionale për nxënësit në vitin e fundit të shkollës së mesme
- Anulimi i projektit të Parkut të Aventurave në Gërmi dhe inicimi i zhvendosjes së këtij projekti në zonën e Gollakut për stimulim të turizmit
- Subvencionimi i familjeve në Zonën e Gollakut që i kthejnë shtëpitë e tyre në bujtina
- Inicimi i procedurave për blerjen e shkollës së parë shqipe në Prishtinë
- Krijimi i grupit punues për hartimin e rregullores e cila ua pamundëson ndërtimtarëve marrjen e lejes së ndërtimit në Komunën e Prishtinës në rast se kapen në flagrancë të hudhjes së mbeturinave në hapësira të ndaluara
- Inicimi i kërkesës drejtuar Ministrisë së Financave për rritjen e numrit të aktorëve në Teatrin e Qytetit “Dodona”
- Futja e orës të gatimit në çdo shkollë fillore të paktën një herë në muaj
- Rimendimi i lidhjes së lagjes Tophane me Tulltoren dhe shkollën Model – trajtimi i nënkalimit në lagjen Tophane
- Nisja e rregullimit të shtratit të lumit që rrjedhë përgjatë fshtrave Grashticë, Makofc, Llukar dhe ndërtimi i shëtitores buzë atij lumi
- Vlerësimi i nevojave të shkollave fillore dhe të mesme në lidhje me investimet infrastrukturore si renovimi apo furnizimi me material sportiv
- Hartimi i një grupi punues për futjen e orës mësimore për internet të sigurt në çdo shkollë për nxënësit, arsimtarët dhe prindërit
- Caktimi i komisionit për blerjen e veprave të koleksionit të qytetit të Prishtinës
- Inicimi i proceseve për një konkurs ndërkombëtar për dizajnimin e parqeve të reja
- Caktimi dhe qartësimi i përgjegjësive për mirëmbajtjen adekuate që përfshin pastrimin, riparimin dhe zëvendësimin e pajisjeve të prishura
- Inicimi i procedurave për gjetjen e lokacionit për ndërtimin e qendrës për ndarjen dhe përpunimin e mbeturinave të vëllimshme
- Inicimi i procedurave për realizimin e sistemit efiçient të ujitjes së parqeve dhe hapësirave të tjera të gjelbra
- Shtimi i pikave të ndalesës së autobusëve dhe rregullim i të gjitha pikave të ndalesës me infrastrukturë përkatëse (stacione, shenjëzim)
- Vlerësimi i nevojave për ambulanta në lagjen Veternik dhe fshatrat në Zonën e Gollakut
- Inicimi i procedurave për sistemin digjital të regjistrimit për biçikleta
- Vlerësimi i platformave e zgjidhjeve softuerike ekzistuese me qëllim të decentralizimit të tyre
- Krijimi i ansamblit të qytetit
- Krijimi i një ekipi për menaxhimin e hapësirave të destinuara për organizime me ton argëtues
- Krijimi i një zgjidhjeje softuerike mbështetëse ose zgjerimi i uebfaqes ekzistuese të Komunës për organizimin e proceseve të ndërtimit dhe planifikimit urbanistik, duke iu mundësuar qytetarëve qasje të plotë digjitale në planet rregullative të lagjeve të tyre, si dhe përfshirjen në draftim e diskutim të ndryshimeve urbanistike para votimit të tyre në Asamblenë Komunale
- Krijimi i databazës së vullnetarëve të Komunës që mund të angazhohen në aktivitetet e ndryshme në nevojë për të krijuar përvojë praktike dhe të kuptojnë qeverisjen komunale